మంచి ఫ్లాగ్​షిప్ స్మార్ట్​ఫోన్ కొనాలా?- కిర్రాక్ ఫీచర్లతో 2024లో టాప్ ఇవే!

ఫ్లాగ్​షిప్​ స్మార్ట్​ఫోన్ల సందడి- ఈ ఏడాది లాంఛ్ అయిన వాటిలో బెస్ట్ ఇవే..!

Year Ender 2024 Top Flagship Smartphones: ప్రస్తుతం స్మార్ట్​ఫోన్ల ట్రెండ్ నడుస్తోంది. చిన్నా పెద్దా అనే తేడా లేకుండా ప్రతి ఒక్కరూ మొబైల్​ను వినియోగిస్తున్నారు. అందులో యువత అయితే ధర ఎక్కువగా ఉన్నా పర్లేదని ప్రీమియం ఫోన్ల వైపే మొగ్గు చూపిస్తోంది. దీంతో ప్రముఖ స్మార్ట్​ఫోన్ తయారీ కంపెనీలు ఎప్పటికప్పుడు సరికొత్త ప్రీమియం స్మార్ట్​ఫోన్లను లాంఛ్ చేసేందుకు ఆసక్తి చూపిస్తున్నాయి. ఈ నేపథ్యంలో ఈ ఏడాది దాదాపు అన్ని బ్రాండ్ల నుంచి ఫ్లాగ్​షిప్ స్మార్ట్​ఫోన్ ఇండియన్ మార్కెట్లోకి ఎంట్రీ ఇచ్చి సందడి చేశాయి.

సాధారణంగా ఫ్లాగ్​షిప్ సెగ్మెంట్​లో యాపిల్, శాంసంగ్​ కంపెనీలదే హవా. అయితే గత కొన్నేళ్ల నుంచి మోటొరోలా, వీవో వంటి ఇతర బ్రాండ్లు కూడా అద్భుతమైన ఫీచర్లతో కస్టమర్లను ఆకట్టుకుంటున్నాయి. ఈ సందర్భంగా ఈ ఏడాది మార్కెట్లో ఎంట్రీ ఇచ్చిన టాప్ ఫ్లాగ్​షిప్ స్మార్ట్​ఫోన్ల గురించి ఇప్పుడు తెలుసుకుందాం రండి.

1. Samsung Galaxy S24 Ultra: ఈ స్మార్ట్​ఫోన్ ఈ ఏడాది జనవరి 17న లాంఛ్ అయింది. ఈ మొబైల్​లో లైవ్ ట్రాన్స్‌లేట్, సర్కిల్ టు సెర్చ్ వంటి అనేక AI ఫీచర్లు ఉన్నాయి. ఇందులో క్వాల్​కామ్ పవర్​ఫుల్ స్నాప్‌డ్రాగన్ 8 Gen 3 చిప్​సెట్​ను అమర్చారు. ఇతర చిప్​సెట్​లతో పోలిస్తే ఇది బ్యాటరీ లైఫ్, పనితీరులో అత్యుత్తమ సామర్థ్యాన్ని ప్రదర్శిస్తుంది. అంతేకాక కంపెనీ ఈ మొబైల్​ను ఏడు సంవత్సరాల మేజర్ OS అప్​గ్రేడ్స్​తో పాటు సెక్యూరిటీ ప్యాచెస్​తో అందిస్తోంది.

ఫీచర్లు:

• డిస్​ప్లే: 6.8 అంగుళాల ఫుల్ రెక్టాంగిల్
• రిజల్యూషన్: 3120 x 1440 (Quad HD+)
• ప్రాసెసర్: క్వాల్​కామ్ స్నాప్‌డ్రాగన్ 8 Gen 3 ఫ్లాగ్​షిప్
• పీక్ బ్రైట్​నెస్: 2,600నిట్స్
• రిఫ్రెష్ రేట్: 120HZ
• కెమెరా సెటప్: 200.0 MP + 50.0 MP + 12.0 MP + 10.0 MP
• ర్యామ్: 12GB
• స్టోరీజీ: 512GB
• అవైలబుల్ స్టోరీజ్: 484.0GB
• ధర: రూ. 1,21,999

2. Samsung Galaxy Z Fold 6: శాంసంగ్ కంపెనీ ఈ 'గెలాక్సీ Z ఫోల్డ్ 6' స్మార్ట్​ఫోన్​ను 2024, జూలై 24వ తేదీన రిలీజ్ చేసింది. ఇది IP48 వాటర్ అండ్ డస్ట్-రెసిస్టెంట్ రేటింగ్‌ను కలిగి ఉన్న మొదటి ఫోల్డబుల్ స్మార్ట్‌ఫోన్. ఈ ఫోన్ సన్నగా లైట్​ వెయిట్​తో ఉంటుంది. ఇక ఇందులో కూడా లేటెస్ట్ స్నాప్​డ్రాగన్ 8 Gen 3 ప్రాసెసర్​ను అమర్చారు. ఇది కూడా అత్యుత్తమ బ్యాటరీ లైఫ్, పెర్ఫార్మెన్స్​ను అందిస్తుంది. మార్కెట్లో ఈ ఫోన్​ కూడా అదిరే AI ఫీచర్లతో అందుబాటులో ఉంది.

ఫీచర్లు:

• కవర్ డిస్​ప్లే: 6.3 అంగుళాల HD+ డైనమిక్ AMOLED 2X, 2376 x 968 పిక్సెల్స్, 120Hz
• మెయిన్ డిస్​ప్లే: 7.6-inch QXGA+ డైనమిక్ AMOLED 2X ఫ్లెక్సిబుల్, 2160 x 1856 పిక్సెల్స్, 120Hz

దీని లార్జ్ స్క్రీన్​ను సెకండరీ డిస్‌ప్లేగా ఉపయోగించుకోవచ్చు. ఇది ఫిల్మింగ్​కి బాగా ఉపయోగపడుతుందని సమాచారం.

• ప్రాసెసర్: లేటెస్ట్ స్నాప్​డ్రాగన్ 8 Gen 3 ఫ్లాగ్​షిప్
• బరువు: 239g
• మందం: 5.6 mm
• 12GB ర్యామ్
• 256GB నుంచి 1TB వరకు స్టోరేజీ ఆప్షన్స్
• రియర్ కెమెరా: 50MP ప్రైమరీ సెన్సర్ విత్ OIS, 10MP టెలిఫొటో లెన్స్ విత్ 3x ఆప్టికల్ జూమ్​, 12MP అల్ట్రా-వైడ్ లెన్స్
• ఫ్రంట్ కెమెరాలు: 10MP కవర్ కెమెరా, 4MP అండర్-డిస్​ప్లే కెమెరా
• ధర: రూ. 1,44,999

ఈ సిరీస్​లోని సిగ్నేచర్ ఫీచర్​.. మొబైల్​ను విప్పినప్పుడు లార్జ్ టాబ్లెట్ వంటి ఎక్స్​పీరియన్స్​ను అందిస్తుంది. ఇక మొబైల్​ను మూసివేసేటప్పుడు కాంపాక్ట్ స్మార్ట్​ఫోన్ ఫారమ్ ఫ్యాక్టర్​ వంటి అనుభవాన్ని ఇస్తుంది.

3. Xiaomi 14 Ultra: ఈ మచ్ అప్డేటెడ్ స్మార్ట్​ఫోన్​ను 2024 ఫిబ్రవరి 22న లాంఛ్ చేశారు. ఈ స్మార్ట్​ఫోన్ కొత్త అల్యూమినియం బిల్డ్​తో వచ్చింది. డ్యూరెబులిటీ కోసం ఈ ఫోన్​కు షీల్డ్​ గ్లాస్​ ప్రొటెక్షన్​ లభిస్తోంది. ఇది ఆండ్రాయిడ్ 14లో రన్ అవుతుంది. ఈ ఫోన్​లో 'ఏఐ ఫేస్ అన్​లాక్' ఫీచర్​ ఉంది.

ఫీచర్లు:

• డిస్​ప్లే: 6.73 అంగుళాల ఓఎఈడీ ఎల్​టీపీఓ స్క్రీన్​
• రిజల్యూషన్: 3200x1440 పిక్సెల్స్
• బ్యాటరీ: 5300mAh
• రిఫ్రెష్​రేట్: 120HZ
• ప్రాసెసర్: లేటెస్ట్ స్నాప్‌డ్రాగన్ 8 Gen 3 ఫ్లాగ్​షిప్
• పీక్​ బ్రైట్​నెస్: 3000 నిట్స్​
• 16GB RAM
• 1TB వరకు ఇంటర్నల్ స్టోరేజ్​
• 90W ఫాస్ట్ ఛార్జింగ్
• వైర్​లెస్ ఛార్జింగ్ సపోర్ట్
• 512GB ఇన్​బిల్డ్ స్టోరేజ్
• కెమెరా సెటప్: ఈ స్మార్ట్​ఫోన్​లో క్వాడ్ కెమెరా సెటప్​ ఉంటుంది. కంపెనీ దీని కెమెరాపై ఎక్కువ ఫోకస్ చేసినట్లు​ కన్పిస్తోంది. ప్రైమరీ కెమెరాలో 50 మెగాపిక్సెల్ లెన్స్, 1 ఇంచ్​ టైప్ సోనీ ఎల్వైటి -900 సెన్సార్ ఉన్నాయి. ఇది అత్యున్నత ఇమేజింగ్ ఎక్స్​పీరియన్స్​ను అందిస్తుంది. టెలిఫోటో లెన్స్​లో 3.2ఎక్స్ ఆప్టికల్ జూమ్​తో 50 మెగాపిక్సెల్ సెన్సార్లు, పెరిస్కోప్ లెన్స్​లో 5ఎక్స్ ఆప్టికల్ జూమ్, అల్ట్రావైడ్ లెన్స్​లో 122 డిగ్రీల వైడ్ ఫీల్డ్ ఆఫ్ వ్యూ వంటివి ఉన్నాయి.
• ధర: రూ. 99,998

4. Realme GT 7 Pro: ఈ మొబైల్​ దేశంలోనే సరికొత్త స్నాప్‌డ్రాగన్ 8 ఎలైట్ చిప్‌సెట్‌ను కలిగి ఉంది. ఇది క్వాల్​కామ్ అడ్వాన్స్డ్ 3nm TSMC ప్రాసెస్​ను ఉపయోగించిన మొదటిది. ఈ చిప్​సెట్‌తో వచ్చిన తొలి ఫ్లాగ్‌షిప్‌ స్మార్ట్‌ఫోన్‌ తమదేనని కంపెనీ చెబుతోంది. అంతేకాక ఈ మొబైల్​ ఆకట్టుకునే 2+6 ఓరియన్ ఆర్కిటెక్చర్‌ను కలిగి ఉంది. గేమింగ్ లవర్స్​కు ఇది బాగా ఉపయోగపడుతుంది. దీనితో పాటు ఈ స్మార్ట్​ఫోన్​లో ఏఐ స్కెచ్‌, సమ్మరీ, స్పీక్‌, రైటర్‌, బెస్ట్‌ ఫేస్‌ వంటి ఏఐ ఫీచర్లు కూడా ఉన్నాయి.

రియల్​మీ GT 7 ప్రో స్పెసిఫికేషన్స్:

• డిస్​ప్లే: 6.78 అంగుళాల క్వాడ్‌ కర్వ్‌డ్‌ అమోలెడ్‌
• ప్రాసెసర్: స్నాప్‌డ్రాగన్‌ 8 ఎలైట్‌
• రిఫ్రెష్‌రేటు: 120Hz
• బ్రైట్​నెస్: 6500 నిట్స్‌
• బ్యాటరీ: 5,800 ఎంఏహెచ్‌
• 120W ఫాస్ట్‌ ఛార్జింగ్‌
• మెయిన్ కెమెరా: 50 ఎంపీ
• ఫ్రంట్ కెమెరా: 16 ఎంపీ
• టెలిఫొటో లెన్స్‌: 50 ఎంపీ
• అల్ట్రావైడ్‌ యాంగిల్‌ కెమెరా: 8 ఎంపీ

కలర్ ఆప్షన్స్:

• మార్స్‌ ఆరెంజ్‌
• గెలాక్సీ గ్రే

వేరియంట్స్: ఇది రెండు వేరియంట్లలో లభిస్తుంది.

• 12GB+ 256GB వేరియంట్
• 16GB+ 512GB వేరియంట్‌

ధర:

• 12GB+ 256GB వేరియంట్‌ ధర: రూ.59,999
• 16GB+ 512GB వేరియంట్‌ ధర: రూ.65,999

5. iQOO 13: కంపెనీ ఈ స్మార్ట్​ఫోన్​ను డిసెంబర్ 3వ తేదీన లాంఛ్ చేసింది. ఈ ఫోన్ 'మాన్స్టర్​ హాలో' లైట్ ఎఫెక్ట్​ను కలిగి ఉంది. ఈ డిజైన్ కెమెరా మాడ్యూల్ చుట్టూ ఉంది. ఇది మొబైల్​లో కాల్, మెసేజ్ లేదా ఛార్జింగ్ వంటి నోటిఫికేషన్స్​ ఇచ్చేందుకు ఉపయోగపడుతుంది. దీనిలో గేమింగ్​ కోసం స్నాప్‌డ్రాగన్ 8 ఎలైట్​ ప్రాసెసర్​తో పాటు Q2 సూపర్​ కంప్యూటింగ్​ను అందించారు. ఇది 2K గేమ్ సూపర్ రిజల్యూషన్‌ను కలిగి ఉంది. ఇది గ్రాఫిక్స్​ను మరింత మెరుగుపరుస్తుంది. అంతేకాక ఈ స్మార్ట్​ఫోన్​లో ఉండే వేపర్​ ఛాంబర్ కూలింగ్ సిస్టమ్ ఫోన్ వేడెక్కకుండా కాపాడుతుంది.

• డిస్​ప్లే: 6.82-అంగుళాల LTPO AMOLED ఫ్లాట్ స్క్రీన్
• రిజల్యూషన్: 2K
• రిఫ్రెష్​ రేట్: 144Hz
• ప్రాసెసర్: క్వాల్​కామ్ స్నాప్‌డ్రాగన్ 8 ఎలైట్​
• వెనక కెమెరా: 50MP ప్రైమరీ (Sony IMX921) + 50MP అల్ట్రా-వైడ్ + 50MP టెలిఫోటో
• ఫ్రంట్ కెమెరా: 32MP
• బ్యాటరీ: 6,000mAh
• ఛార్జింగ్: 120W వైర్డు ఫాస్ట్ ఛార్జింగ్ సపోర్ట్
• ఆపరేటింగ్ సిస్టమ్​: ఆండ్రాయిడ్ 15 బేస్డ్ FunTouchOS 15
• అప్​డేట్స్: 4 ఆండ్రాయిడ్ అప్​డేట్స్, 5 ఇయర్స్ సెక్యూరిటీ అప్​డేట్స్
• ప్రొటెక్షన్: IP68/IP69
• వాటర్, డస్ట్ రెసిస్టెన్సీతో ఈ ఫోన్ IP68, IP69 రేటింగ్స్​ కలిగి ఉందని కంపెనీ చెబుతోంది.

కలర్ ఆప్షన్స్:

• నార్డో గ్రే (ఇటాలియన్ రేసింగ్ కారు డిజైన్ బేస్డ్)
• లెజెండ్ ఎడిషన్ (BMW మోటార్‌స్పోర్ట్ లాంటి మూడు రంగుల చారలతో)
• ధర: రూ. 54,999

6. iphone 16 Pro Max: ప్రముఖ టెక్ దిగ్గజం యాపిల్ ఐఫోన్ 16 సిరీస్​​ను ఇటీవల సెప్టెంబర్ 20వ తేదీన కాలిఫోర్నియాలో జరిగిన గ్లోటైమ్ ఈవెంట్​లో లాంఛ్ చేసింది. ఈ సిరీస్​లో 'ఐఫోన్ 16 ప్రో మ్యాక్స్' ఫోన్​ను కూడా తీసుకొచ్చింది. గూగుల్‌ పిక్సెల్‌ 9, శాంసంగ్‌ గెలాక్సీ ఎస్‌24లో అందుబాటులోకి వచ్చిన ఏఐ తరహాలో యాపిల్‌ ఇంటెలిజెన్స్‌(ఏఐ)ను ఇందులో అందించింది. చాలావరకు ఏఐ టాస్క్‌లు రిమోట్‌ డేటా సెంటర్లకు బదులుగా ఈ కొత్త ఐఫోన్​​లోనే పూర్తవుతాయి. ఇది ఐఓఎస్‌18తో పనిచేస్తుంది.

స్పెసిఫికేషన్లు:

• కెపాసిటీ: 128, 256, 512 GB, 1 TB
• డిస్‌ప్లే: 6.9 అంగుళాలు
• మెయిన్‌ కెమెరా: 48 మెగా పిక్సెల్‌
• ఫ్రంట్‌ కెమెరా: 12 మెగా పిక్సెల్‌
• ఛార్జర్‌: సీటైప్‌

కలర్ ఆప్షన్స్:

• బ్లాక్ టైటానియం
• వైట్ టైటానియం
• నేచురల్ టైటానియం
• డిజర్ట్‌ టైటానియం

ధర: రూ.1,44,900 నుంచి ప్రారంభం

7. Motorola Edge 50 Ultra: మోటొరోలా ఈ స్మార్ట్​ఫోన్ను 2024, జూన్ 18వ తేదీన లాంఛ్ చేసింది. ఇది వాటర్​ అండ్ డస్ట్ రెసిస్టెన్సీతో IP68 రేటింగ్​ను కలిగి ఉంది. దీనిలో క్వాల్​కామ్ SM8635 స్నాప్​డ్రాగన్ 8s Gen 3 (4 nm) ప్రాసెసర్ ఉంది. ఈ చిప్​సెట్ దాదాపు 15 లక్షల AnTuTu బెంచ్‌మార్క్ స్కోర్​ను సాధించింది. ఈ మోటొరోలా స్మార్ట్​ఫోన్ మోటో AIకి సపోర్టు చేస్తుంది. (AI) ఫీచర్ల సూట్, మ్యాజిక్ కాన్వాస్‌తో సహా యూజర్లు టెక్స్ట్ ప్రాంప్ట్‌ల ఆధారంగా ఏఐ ఫొటోలను రూపొందించేందుకు ఇది ఉపయోగపడుతుంది.

ఫీచర్లు:

• ప్రాసెసర్: క్వాల్​కామ్ SM8635 స్నాప్​డ్రాగన్ 8s Gen 3 (4 nm)
• డిస్​ప్లే: 6.7 అంగుళాల pOLED
• రిజల్యూషన్: 2712×1220 పిక్సెల్స్
• రిఫ్రెష్ రేట్: 144 Hz
• పీక్ బ్రైట్​నెస్: 2,500 నిట్స్

కలర్ ఆప్షన్స్:

• ఫారెస్ట్ గ్రే
• పీచ్ ఫజ్
• నోర్డిక్ వుడ్

కెమెరా సెటప్: ఈ స్మార్ట్​ఫోన్ ముందు భాగంలో 50MP మెయిన్ కెమెరా, 50MP అల్ట్రా-వైడ్/మాక్రో లెన్స్, వెనక ప్యానెల్‌లో 64 MP OIS టెలిఫోటో లెన్స్ ఉన్నాయి. ఇక సెల్ఫీల కోసం ఈ ​ఫోన్​లో 50 MP ఫ్రంట్ కెమెరా ఉంది.

• ధర: రూ. 49,999

8. Google Pixel 9 Pro: ఈ స్మార్ట్​ఫోన్​ను గూగుల్ ఇటీవలే అక్టోబర్ 17వ తేదీని రిలీజ్ చేసింది. అదిరే ఫీచర్లతో కంపెనీ దీన్ని తీసుకొచ్చింది. గూగుల్​ టెన్సర్​ G4 ప్రాసెసర్​పై ఈ కొత్త 'గూగుల్ పిక్సెల్​ 9ప్రో' ఫోన్ పనిచేస్తుంది.

స్పెసిఫికేషన్స్ అండ్ ఫీచర్స్:

• డిస్‌ప్లే: 6.3-అంగుళాల ఎల్​టీఓపీ ఓఎల్​ఈడీ
• రిజల్యూషన్: 1280 x 2856 పిక్సెల్​ రిజల్యూషన్
• బ్యాటరీ: 4,700mAh
• రిఫ్రెష్ రేట్‌: 120Hz
• బ్రైట్​నెస్​: 3,000 నిట్స్​
• సెక్యూరిటీ చిప్‌సెట్‌: టైటాన్ ఎమ్2
• మెయిన్ కెమెరా: 50ఎంపీ
• అల్ట్రావైడ్ కెమెరా: 48ఎంపీ
• ఫ్రంట్ కెమెరా: 42ఎంపీ
• స్పెషాలిటీ: డస్ట్​ అండ్ వాటర్ రెసిస్టెన్సీ

కనెక్టివిటీ ఫీచర్లు:

• WI-FI
• బ్లూటూత్ 5.3
• NFC
• గూగుల్ క్యాస్ట్
• GPS
• డ్యూయల్ బ్యాండ్ GNSS
• GLONASS
• యూఎస్‌బీ టైప్-సీ పోర్ట్
• ఆండ్రాయిడ్ 14 ఆపరేటింగ్ సిస్టం

కలర్ ఆప్షన్స్:

• హాజెల్
• పోరసెలియన్
• రోజ్ క్వార్ట్జ్
• అబ్సిడియన్

ధర: 16జీబీ+256జీబీ వేరియంట్ ధర: రూ. 1,09,999

9. Google Pixel 9 Pro XL: కంపెనీ ఈ స్మార్ట్​ఫోన్​ను 2024, ఆగస్టు 13న లాంఛ్ చేసింది. గూగుల్ పిక్సెల్ సిరీస్​లో ఈ 'పిక్సెల్ 9 ప్రో XL' టాప్-ఎండ్ మోడల్‌తో వినియోగదారులకు అత్యంత ప్రీమియం అనుభవం లభిస్తుందని కంపెనీ పేర్కొంది.

ఫీచర్లు:

• డిస్​ప్లే: 6.8 అంగుళాల OLED
• రిఫ్రెష్ రేట్: 120Hz
• ప్రాసెసర్: ఇది స్మూత్ పెర్ఫార్మెన్స్ కోసం పవర్​ఫుల్ గూగుల్ టెన్సర్ G4 ప్రాసెసర్​ను కలిగి ఉంది.
• మెయిన్ కెమెరా: 50MP
• టెలిఫొటో: 48MP
• అల్ట్రావైడ్: 48MP
• ఆండ్రాయిడ్ 14: గూగుల్ యునిక్ ఫీచర్‌లతో లేటెస్ట్ ఆండ్రాయిడ్ వెర్షన్.
• Al- పవర్డ్ ఫీచర్స్: మెరుగైన ఫోటోగ్రఫీ, వాయిస్ అసిస్టెంట్

ధర: రూ. 1,24,999 (బేస్ వేరియంట్)

10. Vivo x100 Pro: వివో ఈ మొబైల్​ను 2024 జనవరి 4వ తేదీన ప్రారంభించింది. ప్రీమియం డిజైన్​లో అదిరే ఫీచర్లతో కంపెనీ దీన్ని తీసుకొచ్చింది. బ్లాక్‌ కలర్​లో లభించే ఈ స్మార్ట్​ఫోన్.. వైఫై 7, బ్లూటూత్‌ 5.4, ఎన్‌ఎఫ్‌సీ, జీపీఎస్‌, ఓటీజీ, యూఎస్‌బీ టైప్‌-సి పోర్ట్‌ వంటి కనెక్టివిటీ ఫీచర్లతో అందుబాటులో ఉంది. అంతేకాక డస్ట్ అండ్ వాటర్ రెసిస్టెన్సీతో IP68 రేటింగ్‌ కలిగి ఉందని కంపెనీ తెలిపింది. ఇది ఆండ్రాయిడ్‌ 14 బేస్డ్ ఫన్‌టచ్‌ ఓఎస్‌ 14తో వస్తుంది.

ఫీచర్లు:

• ప్రాసెసర్: మీడియాటెక్ డైమెన్సిటీ 9300
• డిస్​ప్లే: 6.78 అంగుళాల AMOLED 8టీ ఎల్‌టీపీఓ కర్వ్‌డ్‌
• పీక్ బ్రైట్​నెస్: 3000 నిట్స్‌
• రిఫ్రెష్​ రేట్: 120Hz
• బ్యాటరీ: 5,400mAh
• కెమెరా సెటప్: ఇది ట్రిపుల్ రియర్ కెమెరా సెటప్​ను కలిగి ఉంది.
• మెయిన్ కెమెరా: 50MP
• అల్ట్రావైడ్ లెన్స్: 50MP
• టెలిఫొటో లెన్స్​: 3x ఆప్టికల్ జూమ్​తో 64MP
• 120W ఫాస్ట్ ఛార్జింగ్
• ఆండ్రాయిడ్ 14: వివో కస్టమ్ స్కిన్​తో లేటెస్ట్ ఆండ్రాయిడ్ వెర్షన్
• 100W ఫాస్ట్‌ ఛార్జింగ్
• ధర: రూ. 63,999