VPN Connection Internet Problem : అమెరికా నుంచి అంతరిక్షం వరకు ఎక్కడ ఏం జరుగుతుందో తెలుసుకునేందుకు ఇంటర్నెట్ ఉపయోగపడుతుంది. ఉద్యోగం, వ్యాపారం, చదువు ఇలా వివిధ పనుల కోసం ఇంటర్నెట్ను ఉపయోగిస్తుంటారు. అయితే మనం నెట్టింట్లో ఏం చేస్తున్నామో, వేటికోసం వెతుకుతున్నాము మొదలైన సమాచారమంతా ఓ చోట రికార్డు అవుతూ ఉంటుంది. దీనినే యూజర్ యాక్టివిటీ అంటారు. దీన్ని కొన్నిసార్లు సైబర్నేరగాళ్లు ట్రాక్ చేసే అవకాశం ఉంది. ట్రాక్ చేయడం వల్ల కొన్నిసార్లు యూజర్ల ప్రైవసీకి ఇబ్బంది కలుుగుతుంది. అందువల్ల ప్రైవసీని మెరుగు పర్చేందుకు తెచ్చిందే ఈ వీపీఎన్. ఇది ఎలా పనిచేస్తుంది? అనే విషయంతో పాటు కొన్నిసార్లు వీపీఎన్ అన్ అయినప్పుడు ఇంటర్నెట్ పనిచేయదు. మరి ఎందుకలా జరుగుతుంది మొదలైన విషయాలు తెలుసుకుందాం.
VPN ఎలా పనిచేస్తుంది?
మనం ఎలాంటి సమాచారాన్ని తెలుసుకోవాలన్నా కూడా సెర్చింజన్లో వెతుకుతుంటాం. అయితే ఈ సమాచారంతా ఇంటర్నెట్ సర్వీస్ ప్రొవైడర్ వద్ద నిక్షిప్తం అవుతుంది. ఈ సమాచారాన్ని కొన్నిసార్లు వారు ఆయా ఈ కామర్స్ కంపెనీలతో పాటు మరికొన్ని సంస్థలతో పంచుకుంటూ ఉంటారు. ఇలా చేయడం వల్ల మన వ్యక్తిగత సమాచారం ఇతరుల చేతుల్లోకి వెళ్లిపోతుంది. అందువల్ల ఇలా జరగకుండా ఉండేందుకు పరిష్కారమార్గంగా తీసుకువచ్చిందే ఈ వర్చువల్ ప్రైవేట్ నెట్వర్క్. ఈ వీపీఎన్ టెక్నాలజీ మీ సమాచారాన్ని ఇతరులు తస్కరించకుండా చేస్తుంది. అయితే ఈ వీపీఎన్ను ఉపయోగిస్తున్నప్పుడు కొన్నిసార్లు అసాధారణ పరిస్థితులు కూడా ఎదురుకావచ్చు. వీపీఎన్ ఆన్లో ఉన్నప్పుడు ఇంటర్నెట్కు కనెక్ట్ చేయడంలో కొన్నిసార్లు ఇబ్బందులు ఎదురుకావచ్చు. దీనికి కొన్ని కారణాలు ఉన్నాయి.
ఇంటర్నెట్ నెమ్మదించడం
ఇంటర్నెట్ కనెక్షన్ నెమ్మదిగా ఉన్నప్పుడు వీపీఎన్ ఉన్నా లేకున్నా నెట్కు కనెక్ట్ అవ్వడానికి వీలుపడదు. ఈ సమస్యను పరిష్కరించేందుకు వీపీఎన్ను డిస్కనెక్ట్ చేసి మళ్లీ ఇంటర్నెట్కు కనెక్ట్ చేసేందుకు ప్రయత్నించాలి. ఒకవేళ అప్పటికీ సమస్య పరిష్కారం కాకపోతే మీ ఇంటర్నెట్ సర్వీస్ ప్రొవైడర్లకు సంప్రదించాలి. సాధారణంగా మీ డివైస్ను రీబూట్ చేసి నెట్వర్క్ తిరిగి పునరుద్ధరించుకోవచ్చు.
DNS Server Problem : వీపీఎన్కు ఉపయోగించుకునే క్రమంలో డీఎన్ఎస్ కాన్ఫిగరేషన్ సమస్య కూడా ఎదురవ్వవచ్చు. ఫలితంగా వీపీఎన్కు మీరు కనెక్ట్ కాలేకపోవచ్చు. ఈ సమస్యను పరిష్కరించేందుకు డీఎన్ఎస్ సెట్టింగ్లను మార్చుకోవాల్సి ఉంటుంది.
ఈ కింద సందర్భాల్లో వీపీఎన్ పనిచేయకపోవచ్చు
- సర్వస్ డౌన్ అయినప్పుడు
- ఏదైనా దేశం వీపీఎన్ను బ్లాక్ చేసినప్పుడు
- వీపీఎన్ ప్రొటోకాల్ తప్పుగా ఉన్నసందర్భంలో!
డీఫాల్ట్ గేట్వే సెట్టింగ్లు (విండోస్ యూజర్స్ కోసం)
- Start>control panel>network&internet>network And sharing center>change Adapter settings
- VPN కనెక్షన్ అడాప్టర్పై రైట్ క్లిక్ చేయండి. ప్రొపర్టీస్పై క్లిక్ చేయండి
- నెట్వర్క్ ట్యాబ్పై క్లిక్ చేయండి
- ఇంటర్నెట్ ప్రొటోకాల్ వెర్షన్ 4(TCP/IPV4) ఆప్షన్పై క్లిక్ చేయండి.
- Properties > Advanced ఆప్షన్ను ఎంచుకోండి తర్వాత ఐపీ సెట్టింగ్స్ ట్యాబ్పై క్లిక్ చేయండి
- Use default gateway on the remote network ఆప్షన్ను అన్చెక్ చేయండి
- ఆ తర్వాత మూడు సార్లు OK బటన్పై క్లిక్ చేయండి
కిల్స్విచ్ ఆప్షన్
వీపీఎన్ కనెక్షన్ ప్రొవైడర్ను ఎంపిక చేసుకున్న తర్వాత 'కిల్ స్విచ్'ను ఆన్ చేసుకోవాలి. ఒకవేళ వీపీఎన్ ఆగిపోతే ఇంటర్నెట్ బ్రౌజింగ్ నిలిచిపోయేలా ఈ 'కిల్ స్విచ్' పనిచేస్తుంది. తద్వారా ఇంటర్నెట్ యాక్టివిటీ సురక్షితంగా ఉంటుంది. వీపీఎన్ కనెక్షన్ను లేటెస్ట్ సెక్యూరిటీ ప్రోటోకాల్స్కు అనుగుణంగా అప్డేట్ చేసుకోవడం మాత్రం మర్చిపోవద్దు.
