200MP కెమెరా, 6000mAh బిగ్ బ్యాటరీ.. ప్రీమియం రేంజ్​లో 'వివో X200' సిరీస్- ధర ఎంతంటే?

ఇండియన్ మార్కెట్లో 'వివో X200' లాంఛ్- ధర, ఫీచర్లు ఇవే..!

VIVO X200 Series Launched: ఎప్పుడెప్పుడా అని ఎదురు చూస్తున్న 'వివో X200' సిరీస్ ఎట్టకేలకూ ఇండియన్ మార్కెట్లోకి ఎంట్రీ ఇచ్చాయి. కంపెనీ ఈ సిరీస్​లో 'వివో X200', 'వివో X200 ప్రో' అనే రెండు మోడల్ మొబైల్స్​ను రిలీజ్ చేసింది. ఈ రెండు ఫోన్లూ మీడియాటెక్ డైమెన్సిటీ 9400 చిప్‌సెట్‌తో నడుస్తాయి. ఇది 3nm ప్రాసెసర్ టెక్నాలజీపై ఆధారపడి ఉంటుంది. ఈ సందర్భంగా ఈ స్మార్ట్​ఫోన్ల ధర, ఫీచర్లు, స్పెసిఫికేషన్లపై మరిన్ని వివరాలు మీకోసం.

1. 'Vivo X200' స్పెసిఫికేషన్స్:

• డిస్​ప్లే: 6.67-అంగుళాల క్వాడ్-కర్వ్డ్ OLED LTPS
• పీక్ బ్రైట్​నెస్: 1600నిట్స్‌
• చిప్​సెట్​: మీడియా టెక్‌ డైమెన్సిటీ 9400
• రిఫ్రెష్ రేట్: 120 Hz
• బ్యాటరీ: 5800mAh
• 90W స్పీడ్ ఛార్జింగ్‌ సపోర్ట్
• IP68 + IP69 రేటింగ్‌

కెమెరా సెటప్: ఇందులో సోనీ IMX921 OIS సెన్సార్‌తో 50MP రియర్ కెమెరా ఉంది. దీనితో పాటు ఈ ఫోన్​లో 50MP శాంసంగ్ JN1 అల్ట్రా వైల్డ్‌, 50MP LYT600 3X పెరిస్కోపిక్‌ రియర్‌ కెమెరాలు ఉన్నాయి. Wi-Fi 7,6,5, డ్యూయల్‌ స్టీరియో స్పీకర్‌ వంటి ఫీచర్లు ఉన్నాయి. ఈ ఫోన్ ఆండ్రాయిడ్‌ 15తో కూడిన ఫన్‌టచ్‌ ఓఎస్‌ 15తో వస్తోంది.

ధర:

• 12GB + 256GB వేరియంట్‌ ధర: రూ.65,999
• 16GB + 512GB వేరియంట్‌ ధర: రూ.71,999

2. 'Vivo X200 Pro' స్పెసిఫికేషన్స్:

• డిస్​ప్లే: 6.78-అంగుళాల LTPO AMOLED
• రిజల్యూషన్: 1.5K
• రిఫ్రెష్ రేట్: 120Hz
• పీక్‌ బ్రైట్‌నెస్‌: 1800నిట్స్‌
• చిప్​సెట్: మీడియా టెక్‌ డైమెన్సిటీ 9400
• 1.63mm అల్ట్రా-స్లిమ్ బెజెల్స్‌ సపోర్ట్
• బ్యాటరీ: 6000mAh
• బ్యాటరీ 90W స్పీడ్ ఛార్జింగ్‌ సపోర్ట్
• 30W వైర్‌లెస్‌ ఛార్జింగ్‌ సపోర్ట్

కెమెరా సెటప్: ఈ మొబైల్​లో 200MP HP9 పెరిస్కోపిక్‌ రియర్‌ కెమెరా, 50MP సోనీ ఎల్‌వైటీ- 818 సెన్సర్‌, 50MP శాంసంగ్‌ JN1 అల్ట్రా వైడ్‌ కెమెరా ఇచ్చారు. ముందు వైపు 32MP కెమెరా ఇచ్చారు. ఇది ఆండ్రాయిడ్‌ 15 ఆధారంగా పనిచేసే ఫన్‌టచ్‌ OSతో ఔటాఫ్‌ది బాక్స్‌ వస్తోంది. IP68 + IP69 రేటింగ్‌, Wi-Fi 7,6,5, డ్యూయల్‌ స్టీరియో స్పీకర్‌ వంటి ఫీచర్లు ఉన్నాయి.

View this post on Instagram

A post shared by vivo India (@vivo_india)

ధర: 16GB+ 512GB వేరియంట్‌ ధర: రూ.94,999

ఈ రెండు స్మార్ట్‌ఫోన్‌ల ప్రీ బుకింగ్స్ ఇప్పటికే మొదలయ్యాయి. అయితే వీటి సేల్స్ 19 డిసెంబర్ 2024 నుంచి ప్రారంభం కానున్నాయి. ఈ ఫోన్‌లను కంపెనీ అధికారిక వెబ్‌సైట్, ఇ-కామర్స్ సైట్ అమెజాన్ నుంచి కొనుగోలు చేయొచ్చు. వీటిని HDFC కార్డ్ ద్వారా కొనుగోలు చేస్తే 10 శాతం డిస్కౌంట్ లభిస్తుంది.