Upcoming Smartphones 2024 : స్మార్ట్ఫోన్ లవర్స్ అందరికీ గుడ్ న్యూస్. త్వరలో ఇండియన్ మార్కెట్లో స్మాల్, మిడ్, ప్రీమియం రేంజ్ల్లోని చాలా స్మార్ట్ఫోన్లు లాంఛ్ కానున్నాయి. వాటిలోని టాప్-5 ఫోన్ల గురించి ఇప్పుడు తెలుసుకుందాం.
Google Pixel 8a : గూగుల్ కంపెనీ పిక్సెల్ 8ఏ లాంఛ్ తేదీని అధికారికంగా ప్రకటించలేదు. కానీ మే 14న జరగనున్న డెవలపర్ల సమావేశంలో దీనిని ప్రకటించే అవకాశం ఉంది. టెన్సర్ G3, google AI ఫీచర్లతో ఇది వస్తుంది. పిక్సెల్ 8a 6.1 అంగుళాల 120Hz OLED డిస్ప్లే కలిగి ఉంటుంది. కెమెరా విషయానికి వస్తే పిక్సెల్ 7ఏ మాదిరిగానే దీనిలో 64MP ప్రైమరీ సెన్సార్, 13MP అల్ట్రా వైడ్ యాంగిల్ లెన్స్, 13MP సెల్ఫీ కెమెరా ఉండే అవకాశం ఉంది. మరీ ముఖ్యంగా దీనిలో సర్కిల్-టు-సెర్చ్ లాంటి AI ఫీచర్లు ఉన్నాయి. ఇండియాలో పిక్సెల్ 8ఏ ధర సుమారుగా రూ.50,000 వరకు ఉండవచ్చు.
Moto Edge 50 Pro : మోటరోలా ఎడ్జ్ 50 ప్రో ఫోన్ను ఏప్రిల్ 3న లాంఛ్ చేయనున్నారు. AI ఫీచర్లతో, స్నాప్డ్రాగన్ 8జెన్ 3 ప్రాసెసర్తో ఇది వస్తుంది. ఈ స్మార్ట్ ఫోన్ వేగన్ లెదర్ బ్యాక్ ప్యానెల్, మెటల్ ఫ్రేమ్తో ప్రీమియం బిల్డ్ క్వాలిటీ కలిగి ఉంటుంది. ఈ మోటో ఎడ్జ్ 50 ప్రో 144Hz రిఫ్రెష్ రేటుతో 6.7 అంగుళాల 1.5k రిజల్యూషన్ కర్వ్డ్ OLED డిస్ప్లేతో వస్తుంది. ఈ స్మార్ట్ఫోన్లో ట్రిపుల్ కెమెరా సెటప్ ఉంటుంది. దీనిలోని 50 ఎంపీ ప్రైమరీ కెమెరాతో 8కె వీడియో రికార్డింగ్ కూడా చేసుకోవచ్చు. అలాగే పాంటోన్ కలర్స్ను కూడా ఇది క్యాప్చర్ చేస్తుంది. అంతేకాదు దీనిలో ఏఐ వాల్పేపర్ జనరేటర్ కూడా ఉంటుంది. ఈ ఫ్లాగ్షిప్ ఫోన్లో 4,500mAh సామర్థ్యం గల బ్యాటరీ ఉంది. ఇది 125W వైర్డ్ , 50W వైర్లెస్ ఛార్జింగ్ సపోర్ట్తో వస్తుంది. దీని ధర గురించి మోటరోలా ఇంకా ఎలాంటి ప్రకటన చేయలేదు.
OnePlus Nord CE 4 : వన్ప్లస్ నార్డ్ సీఈ 4 ఏప్రిల్ 1 ఇండియన్ మార్కెట్లో లాంఛ్ కానుంది. దీనిలో స్నాప్డ్రాగన్ 7 జెన్ 3 ప్రాసెసర్ ఉంది. దీనిలో 8 జీబీ ర్యామ్, 256 జీబీ ఇంటర్నల్ స్టోరేజ్ ఉన్నాయి. ఈ వన్ప్లస్ ఫోన్లో 5000mAh సామర్థ్యం గల బ్యాటరీ ఉంది. ఇది 100 వాట్ ఫాస్ట్ ఛార్జింగ్ సపోర్ట్తో వస్తుంది. దీనిలో ఎడ్జ్-టు-ఎడ్జ్ 1.5కె రిజల్యూషన్ డిస్ప్లే, ఇన్-డిస్ప్లే ఫింగర్ప్రింట్ సెన్సార్ ఉన్నాయి. ఇది ఆండ్రాయిడ్ 14 బేస్డ్ ఆక్సిజన్ ఓఎస్ 14తో పనిచేస్తుంది. దీని ధర వివరాలు ఇంకా తెలియాల్సి ఉంది.
Samsung Galaxy M55 : శాంసంగ్ కంపెనీ గెలాక్సీ ఎం55ను బహుశా గెలాక్సీ ఏ35, ఏ55 ఫోన్లను లాంఛ్ చేసిన తరువాత, దీనిని విడుదల చేసే అవకాశం ఉంది. దీనిని గెలాక్సీ ఏ55ను ఇన్స్పిరేషన్గా తీసుకుని రూపొందించారు. ఈ గెలాక్సీ ఎం55 అనేది ప్లాస్టిక్ ఫ్రేమ్తో వస్తుంది. ఇది స్నాప్డ్రాగన్ 7 జెన్ 1 ప్రాసెసర్, 8జీబీ ర్యామ్, 256జీబీ ఇంటర్నల్ స్టోరేజ్తో వస్తుంది. ఈ శాంసంగ్ ఫోన్లో ట్రిపుల్ కెమెరా సెటప్ ఉంటుంది. అయితే దీనిలో 50 ఎంపీ లేదా 60 ఎంపీ ప్రైమరీ కెమెరా ఉండవచ్చు. ఇండియాలో ఈ ఫోన్ ధర బహుశా రూ.30,000 వరకు ఉంటుందని అంచనా.
Realme GT 5 Pro : రియల్మీ త్వరలోనే జీటీ 5 ప్రో ఫోన్ను లాంఛ్ చేసే అవకాశం ఉంది. దీనిలో స్నాప్డ్రాగన్ 8జెన్ 3 ప్రాసెసర్ అమర్చారు. ఈ అప్కమింగ్ ఫోన్లో ఐకూ 12, వన్ప్లస్ 12లో ఉన్న స్పెసిఫికేషన్లే ఉండవచ్చని అంచనా. వాస్తవానికి ఈ రియల్మీ జీటీ 5 ప్రో గత నెలలోనే చైనాలో రిలీజ్ అయ్యింది. ఇది మెటల్ ఫ్రేమ్, వేగన్ లెదర్ బ్యాక్ ప్యానెల్తో ప్రీమియం బిల్డ్ క్వాలిటీ కలిగి ఉంటుంది. దీనిలో 5,400mAh బ్యాటరీ ఉంటుంది. ఇది 100 వాట్ ఫాస్ట్ ఛార్చింగ్, 50వాట్ వైర్లెస్ ఛార్జింగ్ సపోర్ట్ కలిగి ఉంటుంది. దీనిలో 6.7 అంగుళాల కర్వ్డ్ డిస్ప్లే ఉంటుంది. దీని ధర ఇండియాలో ఎంత ఉంటుందో చూడాలి.
వాట్సాప్ నయా ఫీచర్ - టెక్ట్స్‌ రూపంలో వాయిస్‌ మెసేజ్‌! - Whatsapp Voice Message Transcripts
