Truecaller For Web : ట్రూకాలర్ మరో కొత్త ఫీచర్తో ముందుకొచ్చింది. వాట్సాప్, టెలిగ్రామ్ తరహాలో 'ట్రూకాలర్ వెబ్ వెర్షన్'ను తాజా లాంఛ్ చేసింది. దీనిని మీ పర్సనల్ కంప్యూటర్, ల్యాప్టాప్ల్లో ఇన్స్టాల్ చేసుకుని, మీ కాంటాక్ట్ లిస్ట్లో లేని ఫోన్ నంబర్ల నుంచి వచ్చే కాల్స్, మెసేజ్లను ఎవరు చేశారో సులువుగా తెలుసుకోవచ్చు. అంతేకాదు రియల్ టైమ్లోనే నోటిఫికేషన్లు కూడా పొందవచ్చు. ప్రస్తుతానికి ట్రూకాలర్ వెబ్వెర్షన్ ఆండ్రాయిడ్ యూజర్లకు మాత్రమే అందుబాటులోకి వచ్చింది.
ట్రూ కాలర్‌ వెబ్ వెర్షన్ సాయంతో ఆండ్రాయిడ్ యూజర్లు తమ ఫోన్ను పీసీ లేదా ల్యాప్టాప్నకు కనెక్ట్ చేసుకోవచ్చు. దీని ద్వారా తమ ఫోన్కు వచ్చిన మెసేజ్లను నేరుగా పీసీలోనే చదవవచ్చు. అక్కడి నుంచి రిప్లై కూడా ఇవ్వవచ్చు. అలాగే ఏదైనా కాల్‌ లేదా మెసేజ్ వచ్చినప్పుడు, ఫోన్ చూడాల్సిన అవసరం లేకుండా, నేరుగా డెస్క్టాప్ లేదా ల్యాప్టాప్లోనే ఇన్‌కమింగ్ కాల్‌/మెసేజ్ అలర్ట్‌లను పొందవచ్చు. మీరు ట్రూకాలర్ వెబ్‌కు కనెక్ట్ అవ్వగానే, మొబైల్‌లో అప్పటివరకు ఉన్న సందేశాలను ట్రూకాలర్ సెకన్లలో చూపిస్తుంది. ఈ ఫీచర్ ద్వారా కాంటాక్టు వివరాలు తెలుసుకోవచ్చు. అలాగే కంప్యూటర్ కీబోర్డు సాయంతో వేగంగా సందేశాలను పంపించవచ్చు. పైగా ఇవి మొబైల్‌ తరహాలోనే డెస్క్‌టాప్‌లోనూ ఎన్‌క్ట్రిప్ట్‌ అయి ఉంటాయి. కనుక మీ ప్రైవసీకి ఎలాంటి భంగం ఏర్పడదు.
ట్రూకాలర్ వెబ్ను ఎలా కనెక్ట్ చేయాలి?
వాట్సప్‌ వెబ్ తరహాలోనే ట్రూకాలర్ వెబ్ను సులువుగా డెస్క్టాప్ లేదా ల్యాప్టాప్నకు కనెక్ట్ చేసుకోవచ్చు. ఇందుకోసం ఆండ్రాయిడ్ ఫోన్ యూజర్లు తమ ఫోన్లోని ట్రూకాలర్ యాప్‌ను ఓపెన్‌ చేయాలి. అందులో దిగువన ఉండే 'మెసేజెస్' ట్యాబ్‌లో పైన ఉన్న త్రీ డాట్స్‌ మెనూ ఓపెన్‌ చేయాలి. అక్కడ 'మెసేజింగ్‌ ఫర్‌ వెబ్' అనే ఆప్షన్‌ కనిపిస్తుంది. దానిని ఎంచుకోవాలి. తరువాత డెస్క్టాప్/ ల్యాప్‌టాప్‌ బ్రౌజర్లో web.truecaller.com అని సెర్చ్‌ చేసి క్యూఆర్‌ కోడ్‌ స్కాన్‌ చేయాలి. అంతే సింపుల్. మీ డివైజ్ ట్రూకాలర్ వెబ్తో లింక్ అయిపోతుంది. ఇకపై నేరుగా కాల్స్, మెసేజెస్లకు సంబంధించిన నోటిఫికేషన్స్ పీసీ స్క్రీన్పైనే కనిపిస్తాయి.
గూగుల్ న్యూ AI ఫీచర్స్ - ఇకపై మీ పనులన్నీ ఈజీగా కంప్లీట్! - Google Cloud Next 2024
