చీపెస్ట్ ప్రైస్, టాప్​క్లాస్​ ఫీచర్లు.. భారత్​లో మొట్ట మొదటి స్కోడా కారు కూడా ఇదే.. కేవలం రూ.7.89 లక్షలకే!

స్కోడా కైలాక్ బుకింగ్స్ స్టార్ట్.. వేరియంట్-వైజ్​గా ధర, ఫీచర్లు ఇవే..!

Skoda Kylaq All Variants Price List: స్కోడా ఆటో ఇండియా తన అతి చిన్న కంపాక్ట్ SUV 'స్కోడా కైలాక్' అన్ని వేరియంట్‌ల ధరలను రివీల్ చేసింది. ఇది భారతదేశంలో మొట్టమొదటి స్కోడా కారు. కంపెనీ ఈ కారుతో సబ్ కాంపాక్ట్ SUV సెగ్మెంట్లోకి అడుగుపెట్టింది. ఈ కారును కొత్త మోడ్రన్ సాలిడ్ డిజైన్​తో ఇటీవలే నవంబర్​ నెలలో లాంఛ్ చేసింది. మార్కెట్లో దీని బుకింగ్స్ డిసెంబర్ 2 నుంచి ప్రారంభమయ్యాయి. అయితే దీని డెలివరీలు వచ్చే ఏడాది జనవరి 27 నుంచి ప్రారంభమవుతాయని కంపెనీ తెలిపింది. ఈ సందర్భంగా వేరియంట్ల వైజ్​గా దీని ధర, ఫీచర్లపై మరిన్ని వివరాలు తెలుసుకుందాం రండి.

ట్రిమ్ ఆప్షన్స్: స్కోడా కైలాక్ మొత్తం నాలుగు ట్రిమ్​లలో వస్తుంది.

• క్లాసిక్ (Classic)
• సిగ్నేచర్ (Signature)
• సిగ్నేచర్+ (Signature+)
• ప్రెస్టీజ్ (Prestige)

Complete Price List of Skoda Kylaq:

Skoda Kylaq Trim	Petrol MT	Petrol AT
Classic	Rs 7.89 lakh	-
Signature	Rs 9.59 lakh	Rs 10.59 lakh
Signature+	Rs 11.40 lakh	Rs 12.40 lakh
Prestige	Rs 13.35 lakh	Rs 14.40 lakh
*All prices ex-showroom

కలర్ ఆప్షన్స్: ఈ కారు మార్కెట్లో ఏడు రంగులలో అందుబాటులో ఉంది.

• టోర్నాడో రెడ్ (Tornado Red)
• బ్రిలియంట్ సిల్వర్ (Brilliant Silver)
• క్యాండీ వైట్ (Candy White)
• కార్బన్ స్టీల్ (Carbon Steel)
• లావా బ్లూ (Lava Blue)
• డీప్ బ్లాక్ (Deep Black)
• ఆలివ్ గోల్డ్ (Olive Gold)

వీటితోపాటు కంపెనీ ఈ కారుకు 3 సంవత్సరాలు/లక్ష కిలోమీటర్ల వారంటీని కూడా ఆఫర్ చేస్తోంది. అంతేకాక స్టాండర్డ్ వారంటీని కూడా అందిస్తోంది.

ఫీచర్లు: స్కోడా కైలాక్ లైనప్​ ప్రారంభ ధర రూ.7.89 లక్షలు. ఇది ఎంట్రీ లెవల్ క్లాసిక్ ట్రిమ్. ఈ ట్రిమ్​లో ఆరు ఎయిర్‌బ్యాగ్‌లు, టిల్ట్, టెలిస్కోపిక్ స్టీరింగ్ వీల్, ఎలక్ట్రికల్‌గా సర్దుబాటు చేయగల వింగ్ మిర్రర్లతో పాటు ఇందులో అన్నీ LED లైట్లే ఉన్నాయి. అయితే ఈ వేరియంట్​లో ఆటోమేటిక్ గేర్‌బాక్స్ ఆప్షన్​ లేదు.

ఇక స్కోడా కైలాక్ సిగ్నేచర్ మాన్యువల్ గేర్‌బాక్స్ ధర 9.59 లక్షలు. ఆటోమేటిక్ గేర్‌బాక్స్ ధర రూ.10.59 లక్షలు. ఇందులో 16-అంగుళాల అల్లాయ్ వీల్స్, క్రూయిజ్ కంట్రోల్, టైర్ ప్రెజర్ మానిటరింగ్, 7-అంగుళాల టచ్‌స్క్రీన్ ఇన్ఫోటైన్‌మెంట్, స్టీరింగ్ మౌంటెడ్ కంట్రోల్స్​తో పాటు రియర్ ఏసీ వెంట్ వంటి ఫీచర్లు ఉన్నాయి.

టాప్-స్పెక్ స్కోడా కైలాక్ ప్రెస్టీజ్ మాన్యువల్ ఎడిషన్ ధర రూ. 13.35 లక్షలు. ఇక దీని ప్యాడిల్ షిఫ్టర్‌లతో కూడిన ఆటోమేటిక్ వెర్షన్ ధరను రూ. 14.40 లక్షలుగా నిర్ణయించారు. ఇందులో సింగిల్-పేన్ సన్‌రూఫ్, 17-అంగుళాల డ్యూయల్-టోన్ అల్లాయ్ వీల్స్, ఆటోమేటిక్ హెడ్‌ల్యాంప్‌లు, వైపర్‌లు, కార్నరింగ్ ఫంక్షన్‌తో LED ఫాగ్ ల్యాంప్స్, LED ప్రొజెక్టర్ హెడ్‌ల్యాంప్‌లు, యాంబియంట్ లైటింగ్ వంటి ఫీచర్లు ఉన్నాయి.

పవర్​ ట్రెయిన్ అండ్ స్పెసిఫికేషన్లు: ఈ కారును కేవలం 1.0-లీటర్ టర్బో-పెట్రోల్ ఇంజిన్​తో పరిచయం చేశారు. ఇది ఇతర స్కోడా, వోక్స్‌వ్యాగన్ కార్లలో కన్పిస్తుంది. ఈ ఇంజిన్ 114bhp పవర్, 178nm టార్క్​ను ప్రొడ్యూస్ చేస్తుంది. ఈ ఇంజిన్ 6-స్పీడ్ మాన్యువల్, 6-స్పీడ్ టార్క్-కన్వర్టర్ ఆటోమేటిక్ గేర్‌బాక్స్‌తో అందుబాటులో ఉంది. ఈ కారు 10.5 సెకన్లలో గంటకు 0-100 కి.మీ వేగాన్ని అందుకుంటుందని కంపెనీ చెబుతోంది.