జియో న్యూఇయర్ వెల్​కమ్ ఆఫర్- కొత్త రీఛార్జ్​ ప్లాన్​.. ఖర్చు కంటే ఎక్కువ బెనిఫిట్స్!

జియో అదిరే ఆఫర్- న్యూఇయర్‌ వెల్​కమ్ ప్లాన్​తో భారీ బెనిఫిట్స్.. యూజర్లకు ఇక పండగే!

Reliance Jio welcome plan: జియో యూజర్లకు గుడ్​న్యూస్. ప్రముఖ టెలికాం సంస్థ రిలయన్స్‌ జియో న్యూ ఇయర్ కానుకగా అదిరే రీఛార్జ్ ప్లాన్​ను తీసుకొచ్చింది. ఈ రీఛార్జి ప్లాన్​తో​ ఖర్చు కంటే ఎక్కువ బెనిఫిట్స్ అందిస్తుంది. ఈ సందర్భంగా ఏంటీ న్యూ ఇయర్ వెల్​కమ్ ప్లాన్​​? దీని ధర ఎంత? బెనిఫిట్స్ ఏంటి? ఈ ప్లాన్​తో ఎంత మనీ సేవ్ చేసుకోవచ్చు? ఈ ప్లాన్ అందుబాటులోకి ఎప్పుడు వస్తుంది? అనే వివరాలు మీకోసం.

ఏంటీ న్యూ ఇయర్ వెల్​కమ్ ఆఫర్ ప్లాన్​?: జియో ప్రతీ ఏడాది నూతన సంవత్సరానికి ముందుగా వినియోగదారులకు వెల్​కమ్​ ప్లాన్​ను తీసుకొస్తుంటుంది. ఈ క్రమంలోనే ఈ నూతన సంవత్సరాన్ని పురస్కరించుకుని ఈ ఏడాది కూడా 'న్యూ ఇయర్‌ వెల్​కమ్‌ ఆఫర్‌ ప్లాన్‌ 2025'ను ప్రవేశపెట్టింది. ఈ ప్లాన్​తో అన్​ లిమిటెడ్ 5G ఇంటర్నెట్, అన్​లిమిటెడ్ వాయిస్ కాల్స్ అండ్ మెసెజెస్​తో పాటు షాపింగ్ బెనిఫిట్స్ ఉన్నాయి. ఈ రీఛార్జ్ ప్లాన్ చేసుకున్న వారికి​ 2,150 రూపాయల విలువైన షాపింగ్ వోచర్లు, కూపన్స్​ను అందిస్తోంది.

ఈ ప్లాన్ ధర ఎంత?:

• ఈ జియో న్యూ ఇయర్ వెల్​కమ్ ప్లాన్​ ధర కేవలం రూ.2025 మాత్రమే.

రీఛార్జ్ బెనిఫిట్స్ ఇవే!:

• వినియోగదారులు 2025 రూపాయల విలువైన ఈ రీఛార్జ్ ప్లాన్ చేసుకుంటే 200 రోజుల వ్యాలిడిటీ, అన్​లిమిటెడ్ 5G ఇంటర్నెట్ అన్​లిమిటెడ్ కాల్స్​ పొందొచ్చు.
• అయితే 4G కనెక్షన్ ద్వారా రోజుకు 2.5GB చొప్పున 500GB డేటా లభిస్తుంది. అంతేకాక దీంతోపాటు రోజుకు 100 SMSలు పొందొచ్చు.

ఈ ప్లాన్​తో ఎంత మనీ సేవ్ చేసుకోవచ్చు?:

• పైన చెప్పిన ఇవే ప్రయోజనాలతో వస్తున్న జియో నెలవారీ ప్లాన్‌తో పోలిస్తే ఈ 'న్యూ ఇయర్ వెల్​కమ్​ ప్లాన్‌' ద్వారా రూ.468 ఆదా చేసుకోవచ్చని కంపెనీ చెబుతోంది.
• ప్రస్తుతం జియో నెలవారీ రూ.349 ప్లాన్‌తోనూ ఇవే ప్రయోజనాలు లభిస్తున్నాయి. అయితే ఈ ప్లాన్​ను 200 రోజులకు లెక్కిస్తే.. దీని విలువ రూ.2,493 అవుతుంది.
• అంటే ఈ నెలవారీ ప్లాన్​తో పోలిస్తే.. 'న్యూ ఇయర్ వెల్​కమ్​ ప్లాన్‌' ద్వారా వినియోగదారులు రూ.468 ఆదా చేసుకోవచ్చు.

ఇతర ప్రయోజనాలు:

• డేటా, వాయిస్ బెనిఫిట్స్​తో పాటు అదనంగా జియో ఈ 'న్యూ ఇయర్ వెల్​కమ్ ప్లాన్' ద్వారా షాపింగ్ వోచర్లు, కూపన్లను అందిస్తుంది. ఈ ప్యాక్‌ కొనుగోలు చేసిన వారికి రూ.2150 విలువైన కూపన్లను అందిస్తోంది.
• ఈ రీఛార్జ్ ప్లాన్​ చేసుకున్న యూజర్లు అజియో యాప్​లో రూ.2,500, అంతకంటే ఎక్కువ ధరతో షాపింగ్ చేస్తే వారికి రూ.500 డిస్కౌంట్ కూపన్ అందిస్తుంది.
• దీంతోపాటు స్విగ్గీ ఫుడ్ డెలివరీ యాప్​లో కనీసం రూ.499 విలువైన ఆర్డర్‌లపై 150 రూపాయల డిస్కౌంట్ వోచర్ అందిస్తుంది.
• అంతేకాక Easemytrip.com మొబైల్ యాప్, వెబ్‌సైట్‌లో చేసిన విమాన టికెట్ల బుకింగ్‌పై రూ.1500 డిస్కౌంట్‌ కూడా పొందొచ్చు.
• ఈ కూపన్లు.. 'న్యూ ఇయర్ వెల్​కమ్ ప్లాన్' రీఛార్జ్​ చేసుకున్న ఆండ్రాయిడ్, iOS యూజర్లకు అందుబాటులో ఉంటాయని జియో పేర్కొంది.

ఈ ప్లాన్ అందుబాటులోకి ఎప్పుడు?:

• ఈ రీఛార్జ్ ప్లాన్ డిసెంబర్ 11 , 2025 నుంచి అందుబాటులోకి వచ్చింది.
• అయితే ఈ ఆఫర్ పరిమిత కాలం వరకు మాత్రమే ఉంటుంది.
• జియో ఈ కొత్త 'న్యూ ఇయర్ వెల్​కమ్ ప్లాన్' జనవరి 11 వరకు మాత్రమే అందుబాటులో ఉంటుందని కంపెనీ తెలిపింది.