How To Fix Phone Overheating Issue : దేశంలో ఎండలు భగభగమంటున్నాయి. ఆల్ టైమ్ గరిష్ఠానికి ఉష్ణోగ్రతలు చేరుకుంటున్నాయి. ఈ నేపథ్యంలో మనుషులకే కాదు స్మార్ట్ ఫోన్లకు కూడా ఎండ దెబ్బ తగులుతోంది. ఎండ వేడిమికి స్మార్ట్ ఫోన్లు వేడెక్కిపోతున్నాయి. దీంతో బ్యాటరీ పనితీరు దెబ్బతింటుంది. పైగా దాని లైఫ్ కూడా తగ్గిపోతుంది. అందుకే మీ స్మార్ట్ ఫోన్ వేసవిలో వేడెక్కకుండా, కూల్గా ఉండాలంటే ఏం చేయాలో ఇప్పుడు తెలుసుకుందాం.
1. సూర్యకాంతిలో ఫోన్ను వాడకండి
మీ ఫోన్ను సూర్యకాంతిలో ఎక్కువగా వాడొద్దు. ఒకవేళ ఎండలో ఉంచితే మీ స్మార్ట్ ఫోన్ త్వరగా వేడెక్కుతుంది. ఫోన్ బ్రైట్ నెస్ను కూడా తగ్గించండి. అప్పుడే ఫోన్ వేడెక్కకుండా ఉంటుంది.
2. ఛార్జింగ్ పెట్టేటప్పుడు ఫోన్ కవర్ను తీసేయండి
ప్రస్తుత కాలంలో చాలా స్మార్ట్ ఫోన్లు గంటలోపే 0 నుంచి 100 శాతం వరకు ఛార్జ్ అవుతున్నాయి. కొన్ని స్మార్ట్ ఫోన్లు కేవలం రెండు నిమిషాల్లోనే ఫుల్ ఛార్జింగ్ అవుతున్నాయి. ఫాస్ట్ ఛార్జింగ్ సౌకర్యవంతంగా ఉన్నప్పటికీ, దాని వల్ల ఫోన్ వేడెక్కిపోయే ప్రమాదం కూడా ఉంది. అందుకే ఛార్జింగ్ పెట్టినప్పుడు మీ ఫోన్ కవర్ను తీసేయండి.
3. వేడి వాతావరణంలో గేమ్స్ ఆడకండి
వేసవికాలంలో ఆరుబయట లేదా వేడి గదుల్లో ఎక్కువసేపు వీడియో గేమ్లను ఆడితే స్మార్ట్ ఫోన్ వేడెక్కే ప్రమాదం ఉంది. మీరు కనుక ఏసీ రూమ్లో వీడియో గేమ్స్ ఆడుకోవడం వల్ల మీ ఫోన్ వేడెక్కదు.
4. ఫోన్ బ్రైట్ నెస్ను తగ్గించుకోండి
మీ ఫోన్ బ్రైట్ నెస్ను తగ్గించుకోండి. లేదంటే మీ ఫోన్ హీట్ ఎక్కే ప్రమాదం ఉంది.
5. జీపీఎస్ను ఆఫ్ చేయండి
చాలా మంది ఫోన్ను కారు డాష్ బోర్డులో ఉంచుతారు. కారును నావిగేట్ చేయడానికి గూగుల్ మ్యాప్స్ వంటి యాప్స్ను వాడుతారు. అయితే వైఫై, బ్లూటూత్, జీపీఎస్ వంటి నావిగేషన్ యాప్స్ వాడడం వల్ల ఫోన్ వేడెక్కుతుంది. ఈ వేడిని తగ్గించడానికి డ్రైవింగ్ చేసేటప్పుడు మీ ఫోన్ ను ఏసీ వెంట్ పక్కన ఉంచండి. మీరు బైక్లో వెళ్తుంటే బ్యాగ్ లేదా జేబులో ఫోన్ను ఉంచుకోండి.
6. మీ ఫోన్కు కాస్త రెస్ట్ ఇవ్వండి
మీ ఫోన్ను అదే పనిగా మరీ ఎక్కువగా వాడకుండా, కాస్త పక్కనపెట్టండి. అలా చేయడం వల్ల ఫోన్ వేడెక్కకుండా ఉంటుంది.
7. ఒర్జినల్ ఛార్జర్లను వాడండి
మీ ఫోన్తో వచ్చిన ఒర్జినల్ ఛార్జర్తోనే ఛార్జింగ్ పెట్టండి. వేరే ఛార్జర్తో మీ ఫోన్కు ఛార్జింగ్ పెట్టడం వల్ల అది వేడెక్కే ప్రమాదం ఉంది.
8. నోటిఫికేషన్లను ఆఫ్ చేయండి
మీరు ఉపయోగించని యాప్స్ను అన్ఇన్స్టాల్ చేయడం మంచిది. నిరంతరం యాప్స్ ఆప్డేట్లు కోసం నోటిఫికేషన్లు పంపుతాయి. దీంతో ఫోన్ వేడెక్కిపోయే ప్రమాదం ఉంది. అందుకే నోటిఫికేషన్లను కూడా ఆఫ్ చేయండి. ఇలా చేయడం యాప్లు బ్యాక్ గ్రాండ్లో రన్ అవ్వవు. దీంతో ఫోన్ వేడెక్కే ప్రమాదం తగ్గుతుంది.
9. ఫోన్ను కారులో ఉంచవద్దు
మీ ఫోన్ను మూసేసిన కారులో ఉంచొద్దు. అలా చేయడం వల్ల ఫోన్ వేడెక్కుతుంది. కారు మూసేసిన తర్వాత దాని లోపలి భాగం వేడెక్కిపోతుంది.
10. జేబులో ఫోన్ వద్దు
సాధారణంగా ఫోన్ను జేబులో ఉంచుతాం. అయితే ఫోన్ను జేబులో ఉంచడం వల్ల గాలి తగలక మరింత వేడెక్కే ప్రమాదం ఉంది. వేసవి కాలంలో ఇలా చేయడం వల్ల ఫోన్ మరింత వేడెక్కుతుంది. అందుకే ఫోన్ను జేబులో కాకుండా బహిరంగ ప్రదేశంలో ఉంచండి.
