Oneplus 12 Price Drop in India: మరికొద్ది రోజుల్లో మార్కెట్లోకి 'వన్ప్లస్ 13' సిరీస్ ఎంట్రీ ఇవ్వనుంది. వచ్చే రెండు వారాల్లో దీన్ని దేశీయ మార్కెట్లో రిలీజ్ చేసేందుకు కంపెనీ అన్ని ఏర్పాట్లు చేస్తోంది. ఈ నేపథ్యంలో తన ప్రీవియస్ వెర్షన్ 'వన్ప్లస్ 12' స్మార్ట్ఫోన్ ధరను తగ్గించింది. దీనిపై ఏకంగా రూ. 5,000 నుంచి రూ. 7,000 వరకు డిస్కౌంట్ను అందిస్తుంది.
వన్ప్లస్ 12 ఫోన్ ఫీచర్లు:
- డిస్ప్లే: 6.82 అంగుళాల క్వాడ్‌ హెచ్‌డీ + ఎల్‌టీపీఓ 4.0 అమోలెడ్‌
- పీక్‌ బ్రైట్నెస్: 4,500
- రీఫ్రెష్‌ రేట్: 120Hz
- ప్రాసెసర్: క్వాల్కామ్ స్నాప్డ్రాగన్ 8జెన్‌ 3
- బ్యాటరీ: 5,400mAh
- మెయిన్ కెమెరా: 50MP
- అల్ట్రావైడ్ యాంగిల్‌: 48MP
- పెరిస్కోప్‌ టెలిఫొటో జూమ్‌ లెన్స్‌: 64 MP
- సెల్ఫీ కెమెరా: 32MP
- 100W సూపర్‌వూక్‌ ఫాస్ట్‌ ఛార్జింగ్
- 50W వైర్లెస్ ఛార్జింగ్‌కు సపోర్ట్
ఆఫర్లు ఇవే: వన్ప్లస్ 12 స్మార్ట్ఫోన్ 12GB + 128GB బేస్‌ వేరియంట్‌ ధర రూ.64,999గా కంపెనీ నిర్ణయించింది. ప్రస్తుతం అమెజాన్ ఈ మొబైల్పై 8 శాతం రాయితీ అందిస్తోంది. అంటే రూ.5 వేలు తగ్గింపుతో రూ.59,999కే విక్రయిస్తోంది. దీంతోపాటు ICICI బ్యాంక్‌ క్రెడిట్ కార్డ్‌, వన్ కార్డ్‌తో కొనుగోలు చేస్తే ఏకంగా రూ.7 వేలు ఫ్లాట్‌ డిస్కౌంట్ లభిస్తుంది. పూర్తి మొత్తాన్ని చెల్లించకుండా EMI ఆప్షన్ను సెలెక్ట్ చేసుకున్నవారికి కూడా ఇదే వెసులుబాటు కల్పిస్తోంది. ప్రస్తుతం అమెజాన్లో ఈ మొబైల్పై 3, 6, 9 నెలల పాటు EMI ఆప్షన్లు ఎంచుకొనే వెసులుబాటు ఉంది. ఇలా అమెజాన్ ఇస్తున్న అన్ని ఆఫర్లు కలుపుకుంటే 'వన్ప్లస్ 12' స్మార్ట్ఫోన్ను కేవలం రూ.52,999కే కొనుగోలు చేయొచ్చు.
ఇకపోతే ఎప్పుడెప్పుడా అని ఎదురు చూస్తున్న 'వన్ప్లస్ 13' సిరీస్ లాంఛ్ డేట్ లీక్ అయింది. త్వరలో కంపెనీ ఈ సిరీస్లో రెండు మొబైల్స్ను తీసుకురానున్నట్లు తెలుస్తోంది. కంపెనీ ఈ రెండు మోడల్ ఫోన్లను తన వింటర్ లాంఛ్ ఈవెంట్లో ప్రదర్శించనున్నట్లు టిప్‌స్టర్ అభిషేక్ యాదవ్ తనసోషల్మీడియా ప్లాట్ఫారమ్లో చేసిన పోస్ట్లో పేర్కొన్నారు. వన్ప్లస్ ఈ సిరీస్ను భారత మార్కెట్లో జనవరి 7, 2025 న రాత్రి 9 గంటలకు రిలీజ్ చేయనున్నట్లు తెలిపారు.
కంపెనీ ఇప్పటికే ఈ సిరీస్ను చైనా మార్కెట్లో ప్రారంభించింది. ఇప్పుడు వీటిని ఇండియన్ మార్కెట్లోకి కూడా తీసుకొచ్చేందుకు రెడీ అయింది. ఈ సిరీస్లో 'వన్ప్లస్ 13', 'వన్ప్లస్ 13R' అనే రెండు మోడల్స్ రానున్నట్లు తెలుస్తోంది.
'వన్ప్లస్ 13' ఫీచర్లు:
- డిస్ప్లే: ఈ అప్కమింగ్ మొబైల్ 6.82 అంగుళాల డిస్‌ప్లేను కలిగి ఉంటుంది. ఇది వన్ప్లస్ 12 మాదిరిగానే ఉంటుంది. అయితే ఈ కొత్త 'వన్ప్లస్ 13' మొబైల్ డిస్ప్లే 120Hz రిఫ్రెష్ రేట్, QHD+ రిజల్యూషన్‌తో వస్తుంది.
- ప్రాసెసర్: ఇది క్వాల్కామ్ లేటెస్ట్ స్నాప్డ్రాగన్ 8 ఎలైట్ ప్రాసెసర్తో రానుంది. ఈ స్మార్ట్ఫోన్ ఆండ్రాయిడ్ 15 OxygenOS 15తో సపోర్ట్ చేస్తుంది. కంపెనీ ప్రస్తుతం దీని సాఫ్ట్వేర్ను కన్ఫార్మ్ చేయలేదు. అయితే దీని పాత మోడల్స్ మాదిరిగానే ఈ ఫోన్ నాలుగు సంవత్సరాల ఆండ్రాయిడ్ అప్డేట్స్, ఐదేళ్ల వరకు సెక్యూరిటీ అప్డేట్స్తో రావచ్చు.
- బ్యాటరీ: 'వన్ప్లస్ 13' బిగ్ అప్‌గ్రేడ్ బ్యాటరీతో వస్తుంది. కంపెనీ దీనిలో 6,000mAh బ్యాటరీని అమర్చనుంది. అయితే దీని ప్రీవియస్ 'వన్ప్లస్ 12' మోడల్లో 5,400mAh బ్యాటరీని అందించారు. ఈ ఫోన్ సింగిల్ ఛార్జ్తో దాదాపు రెండు రోజుల పాటు పనిచేస్తుందని కంపెనీ పేర్కొంది. ఇది 100W వైర్డ్ ఛార్జింగ్, 50W వైర్లెస్ ఛార్జింగ్‌కు సపోర్ట్ చేస్తుంది.
- కెమెరా: దీని కెమెరా విషయానికి వస్తే.. 'వన్ప్లస్ 13' మొబైల్ 'వన్ప్లస్ 12'లో ఉన్న అదే 50-మెగాపిక్సెల్ LYT-808 ప్రైమరీ సెన్సార్‌ను కలిగి ఉంది. అయితే దాని టెలిఫోటో, అల్ట్రావైడ్ లెన్స్‌లు 50-మెగాపిక్సెల్‌కి అప్‌గ్రేడ్ చేశారు. ఈ ఫోన్‌లో హాసెల్‌బ్లాడ్ బ్రాండింగ్, 4K/60fps డాల్బీ విజన్ వీడియో క్యాప్చర్ కూడా ఉన్నాయి.
- ఇతర ఫీచర్లు: వన్ప్లస్ 13 వాటర్ అండ్ డస్ట్ ప్రొటెక్షన్తో IP68, IP69 రేటింగ్‌లతో వస్తుంది. అంతేకాక ఇందులో అల్ట్రాసోనిక్ ఫింగర్ ప్రింట్ సెన్సార్ కూడా ఉంటుంది. ఇది తడి చేతులతో కూడా ఫోన్‌ను అన్‌లాక్ చేసేందుకు ఉపయోగపడుతుంది.
- ధర: 'వన్ప్లస్ 13' ధర గురించి మాట్లాడితే.. కంపెనీ దీన్ని రూ. 70,000 కంటే తక్కువ ధరతో ప్రారంభించొచ్చు. దీని ప్రీవియస్ మోడల్ 'వన్ప్లస్ 12' ఇండియన్ మార్కెట్లో రూ.64,000 ధరతో లాంఛ్ అయింది.
దేశవ్యాప్తంగా నిలిచిపోయిన ఎయిర్టెల్ సేవలు- ఆందోళనలో వినియోగదారులు!
మంచి ఫ్లాగ్షిప్ స్మార్ట్ఫోన్ కొనాలా?- కిర్రాక్ ఫీచర్లతో 2024లో టాప్ ఇవే!
ఈ న్యూఇయర్లో మంచి రీఛార్జ్ ప్లాన్ కోసం చూస్తున్నారా?- రూ.500లోపు బెస్ట్ ప్యాక్స్ ఇవే..!
