SpaceX Crew 9 Mission Launch: భారత సంతతికి చెందిన వ్యోమగామి సునీతా విలియమ్స్ రెస్క్యూ మిషన్ క్రూ-9కి నాసా నుంచి గ్రీన్ సిగ్నల్ లభించింది. స్పేస్లో చిక్కుకుపోయిన నాసా వ్యోమగాములు సునీతా విలియమ్స్, బుచ్ విల్మోర్ను తీసుకొచ్చేందుకు రెస్క్యూ మిషన్ ప్రారంభమైంది. ఫ్లోరిడాలోని కేప్ కెనవరాల్ నుంచి ఎలాన్ మస్క్ సంస్థ స్పేస్ఎక్స్కు చెందిన ఫాల్కన్-9 రాకెట్ నింగిలోకి దూసుకెళ్లింది. ఈ విషయాన్ని నాసా వెల్లడించింది. 'ఫాల్కన్ 9 సక్సెస్ఫుల్ లాంచ్ నేపథ్యంలో నాసా, స్పేస్ఎక్స్కి అభినందనలు.' అంటూ నాసా చీఫ్ బిల్ నెల్సన్ సామాజిక మాధ్యమం ఎక్స్లో ట్వీట్ చేశారు.
ప్రయోగ షెడ్యూల్:
- కాగా మొదట ఈ మిషన్ షెడ్యూల్ను సెప్టెంబర్ 26కు ఫిక్స్ చేశారు.
- ఈ మిషన్ అంతరిక్ష నౌకను కేప్ కెనావెరల్ నుంచి ప్రయోగించాల్సి ఉండగా అక్కడ తుపాను ప్రభావం కారణంగా ఈ మిషన్ ప్రయోగ తేదీని శనివారానికి మార్చారు.
- వాస్తవానికి ఫ్లోరిడాలో గత కొన్ని రోజులుగా వాతావరణం బాగోలేదు.
- హెలెన్ తుపాను బీభత్సం సృష్టించింది.
- వరదలు ముంచెత్తడంతో 50కిపైగా మంది ప్రజలు మరణించారు.
- 10లక్షలకుపైగా మంది ప్రజలు అంధకారంలో జీవిస్తున్నారు.
- ఈ నేపథ్యంలో స్పేస్ఎక్స్ క్రూ 9 లాంచ్ సాధ్యమవుతుందా? అనే అనుమానాలు రేకెత్తాయి.
- అయితే అదృష్టవశాత్తు భారత కాలమానం ప్రకారం శనివారం రాత్రి 10:47 గంటలకు ఫాల్కన్-9 రాకెట్ నింగిలోకి దూసుకెళ్లింది.
- అన్ని అనుకున్నట్లుగానే జరిగితే సోమవారం తెల్లవారుజాముకి ఇది ఇంటర్నేషనల్ స్పేస్ సెంటర్(ఐఎస్ఎస్)ను చేరుకోవచ్చు.
ఫిబ్రవరిలో విలియమ్స్ భూమిపైకి!:
LIVE: Following today's successful launch of #Crew9 to the International @Space_Station, experts from NASA and @SpaceX discuss the mission and take questions from the media. https://t.co/fPPKVu8XeN
— NASA (@NASA) September 28, 2024
- సునీతా విలియమ్స్తో పాటు తన తోటి వ్యోమగామి విల్మోర్ను వెనక్కి తీసుకొచ్చేందుకు ఈ ఫాల్కన్-9 రాకెట్లో వ్యోమగాములు నిక్ హాగ్వే, అలెగ్జాండర్ గార్బునోవ్ బయలుదేరారు.
- నిక్ హాగ్వే నాసా ఆస్ట్రొనాట్ కాగా అలెగ్జాండర్ గార్బునోవ్ రష్యన్ కాస్మొనాట్.
- ఈ ఫాల్కన్ 9ని ఇంటర్నేషనల్ స్పేస్ స్టేషన్కి వెళ్లి సునీతా విలియమ్స్, బుచ్ విల్మోర్ని తీసుకుని ఫిబ్రవరిలో భూమి మీదకు రానుంది.
ఈ ప్రయోగం ఎప్పుడు ప్రారంభమైంది?:
- బోయింగ్ రూపొందించిన స్టార్లైనర్ స్పేస్క్రాఫ్ట్లో ఈ ఏడాది జూన్లో సునీతా విలియమ్స్, బుచ్ విల్మోర్ స్పేస్కు వెళ్లారు.
- బోయింగ్ స్టార్‌లైనర్‌లో సాంకేతిక సమస్యల కారణంగా 8 రోజుల్లో వెనక్కి రావాల్సిన వ్యోమగాములు ఐఎస్ఎస్లో చిక్కుకుపోయారు.
- దీంతో వారిని భూమిపైకి తీసుకొచ్చేందుకు నాసా.. ఎలాన్ మస్క్ స్పేస్ఎక్స్ సాయం తీసుకుంది.
- అంతా సవ్యంగానే జరిగితే వీరిద్దరూ ఫిబ్రవరి 2025 నాటికి భూమిపైకి తిరిగి వచ్చేందుకు సాధ్యమవుతుంది.
దేశంలోనే ఫస్ట్ ఎయిర్ ట్రైన్- ఉచితంగానే ప్రయాణం- ప్రారంభం ఎప్పుడంటే? - India First Air Train
'లవ్'.. ఈ పేరు వినగానే మీ బ్రెయిన్లో ఏం జరుగుతుందో తెలుసా? - Scientists FOUND How Love Lights Up
