ఇన్​స్టా యూజర్స్​కు అదిరే అప్డేట్- సింగిల్​ ట్యాప్​తో సాంగ్స్ నేరుగా ప్లేలిస్ట్​లోకి​- కొత్త ఫీచర్ యాక్టివేట్ చేసుకోండిలా..!

ఇన్​స్టాగ్రామ్​లో సరికొత్త ఫీచర్- ఇకపై ఒక్క ట్యాప్​తో నచ్చిన పాట​తో చిల్- మ్యూజిక్​ ప్రియులకు పండగే..!

Instagram New Feature: ప్రపంచంలో అత్యంత ప్రజాదరణ పొందిన సోషల్​మీడియా ప్లాట్​ఫామ్స్​లో ఇన్​స్టాగ్రామ్ ఒకటి. దీనికి బాగా కనెక్ట్ అయిన యువత ఇన్​స్టా రీల్స్, స్టోరీస్ చేయడంతో పాటు వాటిని షేర్​ చేస్తూ ఎంజాయ్ చేస్తున్నారు. దీంతో ఇన్​స్టా​ న్యూ, ట్రెండింగ్​ సాంగ్స్​కు అడ్డాగా మారింది. అయితే ఇందులో అప్లికేషన్​ను మార్చడం, సాంగ్​ను సెర్చ్ చేసి ప్లేలిస్ట్​ లేదా లైబ్రరీలో యాడ్ చేసేందుకు ఆ పాటలను మీ మ్యూజిక్ స్ట్రీమింగ్ యాప్‌కి జోడించడం చాలా ఇబ్బంది. ఈ నేపథ్యంలో ఇన్​స్టాగ్రామ్ తమ యూజర్లకు అదిరిపోయే అప్​డేట్ తెచ్చింది.

ఇకపై కేవలం ఒక్క ట్యాప్​తోనే ఈ ప్రాసెస్​ అంతా పూర్తయేందుకు ఓ సరికొత్త ఫీచర్​ ప్రారంభమైంది. ఇందుకోసం ఇన్​స్టా స్పాటిఫైతో భాగస్వామ్యం కుదుర్చుకుంది. ఇకపై ఈ ఫీచర్​తో యూజర్స్ తమ ఇన్​స్టా స్టోరీల నుంచి సాంగ్స్​ను నేరుగా వారి స్పాటిఫై ప్లే లిస్ట్​కు యాడ్ చేయొచ్చు. అలాగే స్పాటిఫై ప్లే లిస్ట్​లోని సాంగ్స్​ను కూడా ఇన్​స్టా స్టోరీలకు సింపుల్​గా యాడ్ చేయొచ్చు. ఇన్​స్టాగ్రామ్, స్పాటిఫై యూజర్స్​కు మరింత ఇంటరాక్టివ్ అనుభవం అందించడమే లక్ష్యంగా ఈ సరికొత్త ఫీచర్​ను తీసుకొచ్చారు. ఈ మేరకు కొత్త ఫీచర్​పై ఇన్​స్టా తన సోషల్​ మీడియా ప్లాట్​ఫామ్​ X లో పోస్ట్​ చేసింది. ఈ కొత్త ఫీచర్​ ఐఓఎస్, ఆండ్రాయిడ్ డివైస్​లలో పనిచేస్తుంది.

find a song on Instagram ➡️ save to your @Spotify 🎧 pic.twitter.com/dP0ycYR3rI

— Instagram (@instagram) October 17, 2024

ఇన్​స్టా నుంచి స్పాటిఫైకి సాంగ్స్​ను యాడ్​ చేయడం ఎలా?:

• ఇన్‌స్టాగ్రామ్ రీల్, పోస్ట్ లేదా స్టోరీలో మీరు చూసిన సాంగ్​ను స్పాటిఫైలో యాడ్ చేసేందుకు సాంగ్​ స్క్రీన్​పైకి వెళ్లేందుకు పాటపై క్లిక్ చేయండి.
• ఈ పేజ్ సాంగ్​ను వినేందుకు, అదే ఆడియోతో చేసిన కంటెంట్​ను చూపించేందుకు మిమ్మల్ని అనుమతిస్తుంది.
• ఇదే పేజీ ఇప్పుడు మీడియా ప్లేయర్ కుడి వైపున స్పాటిఫై గుర్తుతో కొత్త 'ADD' బటన్​ను కలిగి ఉంటుంది.
• ఈ 'ADD' బటన్​​ మీ స్పాటిఫై లైబ్రరీకి లేదా ప్లేలిస్ట్​కు ఒక్క ట్యాప్​తో సాంగ్స్​ను యాడ్ చేసేందుకు ఉపయోగపడుతుంది.
• ఈ సరికొత్త ఫీచర్​ను ఉపయోగించేందుకు యూజర్స్ ఇన్​స్టా ప్రొఫైల్​ను స్పాటిఫై అకౌంట్​కు కనెక్ట్ చేయాలి.
• ఈ కొత్త 'ADD' బటన్​పై ఫస్ట్​టైం క్లిక్ చేసినప్పుడు స్పాటిఫైని ఇన్​స్టాగ్రామ్​కు లింక్ చేసే ఆప్షన్​ మీకు కన్పిస్తుంది.
• ఇన్ స్టాగ్రామ్ ద్వారా యాడ్​ చేసిన సాంగ్స్ 'Liked Songs' ప్లే లిస్ట్​లో, స్పాటిఫైలోని 'Your Library' ట్యాబ్ కింద కన్పిస్తాయి.

వారికి నో యూజ్: టిక్​టాక్ ఇప్పటికే తమ యూజర్స్​కు ఇష్టమైన సాంగ్స్​ను మల్టిపుల్ మ్యూజిక్ స్ట్రీమింగ్ ప్లాట్‌ఫారమ్‌లకు యాడ్ చేసేందుకు అనుమతిస్తుంది. ఇన్​స్టాగ్రామ్​ కూడా అదే మార్గంలో యూజర్స్​కు కొత్త ఫీచర్​ను తీసుకొచ్చింది. అయితే ఈ ఫీచర్​ ప్రస్తుతం స్పాటిఫైకి మాత్రమే సాంగ్స్​ను యాడ్ చేసేందుకు అనుమతిస్తుంది. అంటే యూట్యూబ్ మ్యూజిక్, యాపిల్ మ్యూజిక్ వంటి ఇతర మ్యూజిక్ స్టీమింగ్​ ప్లాట్​ఫామర్​లను ఉపయోగించే వారికి ఈ ఫీచర్​ ప్రాక్టికల్​గా ఉపయోగపడదు.