మీ ఫోన్​తో కంప్యూటర్​ను కంట్రోల్​ చేయాలా? ఈ సింపుల్ స్టెప్స్ ఫాలో అవ్వండి! - How To Use Remote Desktop

How To Use Remote Desktop : మీ దగ్గర చాలా కంప్యూటర్లు ఉన్నాయా? ఒక కంప్యూటర్​తో మరోదానిని కంట్రోల్ చేయాలా? లేదా మీ ఫోన్​తోనే నేరుగా కంప్యూటర్​ను యాక్సెస్ చేయాలా? అయితే ఇది మీ కోసమే. రిమోట్​ డెస్క్​టాప్​ యాప్​తో మీ డివైజ్​లను దూరం నుంచి కూడా యాక్సెస్ చేయవచ్చు. అది ఎలాగో ఇప్పుడు చూద్దాం.

How To Use Remote Desktop : నేడు ప్రతి ఒక్కరూ ఫోన్లు, కంప్యూటర్లు, ల్యాప్​టాప్​లు వాడుతున్నారు. కానీ వాటన్నింటినీ ఒకేసారి మనతో తీసుకువెళ్లలేం కదా. ఇలాంటి సమయంలో ఒక డివైజ్​తో మరోదానిని యాక్సెస్ చేయగలిగితే ఎలా ఉంటుంది? సూపర్​గా ఉంటుంది కదా! ఇందుకు ఉపయోగపడేదే 'రిమోట్ డెస్క్​టాప్'​ ఫీచర్​.

'రిమోట్ డెస్క్‌టాప్' అంటే మన కంప్యూటర్ నుంచి లేదా ఆండ్రాయిడ్​/ ఐవోఎస్​ ఫోన్​ల నుంచి సుదూరంలోని మరో కంప్యూటర్‌ను యాక్సెస్ చేసుకోగలిగే ఒక సాంకేతిక మార్గం. ఈ ఆప్షన్‌ విండోస్, ఆండ్రాయిడ్, ఐఓఎస్ డివైజ్‌ల్లో అందుబాటులో ఉంటుంది. అందుకే ఈ ఆర్టికల్​లో విండోస్ 11 ప్రో, విండోస్ 10 ప్రో వెర్షన్లను సపోర్ట్ చేసే డివైజ్‌ల్లో రిమోట్ డెస్క్ టాప్ ఆప్షన్‌ను ఎలా ఎనేబుల్​ చేసుకోవాలో తెలుసుకుందాం.

ఫస్ట్​ స్టెప్​

• మనం సుదూరంగా ఉన్న మరో కంప్యూటర్‌ను యాక్సెస్ చేయాలని అనుకుంటే, తొలుత మన కంప్యూటర్​లో విండోస్ 10/ 11 ప్రో ఎడిషన్‌ ఉండేలా చూసుకోవాలి. అవతలి వైపున ఉన్న రిమోట్ కంప్యూటర్‌లో విండోస్ ప్రో లేదా విండోస్ హోం వెర్షన్‌ ఏది ఉన్నా ఫర్వాలేదు.
  ఒక వేళ ఆ రిమోట్ కంప్యూటర్ వేరే ఆపరేటింగ్ సిస్టమ్‌తో పనిచేసేదైనా ఏ సమస్యా ఉండదు.
• రిమోట్ డెస్క్‌టాప్ ఆప్షన్‌ను ఎనేబుల్ చేసేందుకు, ముందుగా ‘Start’ బటన్​ను నొక్కాలి. తరువాత ‘Settings’ను ఓపెన్ చేయాలి. System అనే విభాగంలో About అనే ఆప్షన్ కనిపిస్తుంది. దానిపై క్లిక్ చేస్తే, మీ విండోస్ వెర్షన్ వివరాలు కనిపిస్తాయి. అందులో విండోస్ 10 ప్రో లేదా విండోస్​ 11 ప్రో ఉందో, లేదో చూడాలి. ఒక వేళ లేకపోతే, విండోస్​ 10 ప్రో లేదా విండోస్​ 11 ప్రోనకు అప్​గ్రేడ్​ కావాలి.
• సదరు కంప్యూటర్​కు కచ్చితంగా ఓ 'పేరు' పెట్టుకోవాలి.
• ఇది పూర్తైన తరువాత, మళ్లీ కంప్యూటర్‌లోని Start బటన్​పై క్లిక్ చేసి, Settingsను ఓపెన్ చేయాలి.
• అక్కడ మీకు Remote Desktop అని కనిపిస్తుంది. దాన్ని మీరు ‘On’ చేసి, తరువాత ‘Confirm’పై క్లిక్ చేయాలి. అంతే సింపుల్​!

సెకండ్​ స్టెప్​

• మీరు ఏ కంప్యూటర్​ను అయితే యాక్సెస్ చేయాలని అనుకుంటున్నారో, దానికి కూడా ఒక పేరు పెట్టాలి.
• మీ విండోస్ కంప్యూటర్‌ టాస్క్‌బార్‌పై ఉండే సెర్చ్ బాక్స్‌లో Remote Desktop Connection అని టైప్ చేయాలి. అది ఓపెన్ అయ్యాక మీరు రిమోట్‌గా కనెక్ట్ చేయాలని భావిస్తున్న కంప్యూటర్ పేరును టైప్ చేయాలి. ఆ తర్వాత Connect అనే ఆప్షన్‌ను ఎంపిక చేయాలి. అంతే సింపుల్​! ఇకపై మీకు చాలా సుదూరంలో ఉన్న కంప్యూటర్​ను కూడా మీ డివైజ్​తోనే యాక్సెస్ చేయవచ్చు. దానిని కంట్రోల్ కూడా చేయవచ్చు.

ఫోన్ ద్వారా కంప్యూటర్​ను కంట్రోల్ చేయండిలా!
Remote Desktop app లాంటి యాప్స్​ను ఉపయోగించి, మీ ఫోన్ ద్వారా కంప్యూటర్​ను యాక్సెస్ చేయవచ్చు లేదా కంట్రోల్ చేయవచ్చు. ఇందుకోసం మీరు గూగుల్​ ప్లే, మ్యాక్​ యాప్​స్టోర్​, మైక్రోసాఫ్ట్​ స్టోర్ నుంచి Remote Desktop app డౌన్లోడ్ చేసుకోవాలి. దానిని మీ డివైజ్​లో ఇన్​స్టాల్ చేసుకోవాలి. తరువాత మీ కంప్యూటర్​కు ఒక పేరు పెట్టాలి. తరువాత దానికి ఒక PIN సెట్ చేసుకోవాలి. అంతే సింపుల్​!

ఇప్పుడు మీరు ఫోన్ ఓపెన్ చేసి Remote Desktop app ఓపెన్ చేయాలి. మీరు యాక్సెస్ చేయాలని అనుకుంటున్న కంప్యూటర్ పేరు, పిన్​ ఎంటర్​ చేయండి. అంతే సింపుల్! సదరు కంప్యూటర్​ మీ కంట్రోల్​లోకి వచ్చేస్తుంది.