Google Year in Search 2024: ప్రముఖ సెర్చ్ ఇంజిన్ గూగుల్ ఈ ఏడాది భారతీయులు అత్యధికంగా సెర్చ్ చేసిన టాపిక్ లిస్ట్లను రిలీజ్ చేసింది. అందులో IPL నుంచి ఒలింపిక్స్ వరకు స్పోర్ట్స్, 'స్త్రీ 2' మూవీ నుంచి కొరియన్ డ్రామాల వరకు ఎంటర్టైన్మెంట్, ఇండియన్ మ్యూజిక్ హిట్స్ వంటి ఇంట్రెస్టింగ్ టాపిక్స్ ఉన్నాయి. అవేంటో తెలుసుకుందాం రండి.
గూగుల్ సెర్చ్లో రాజకీయ రంగంలోకి ప్రవేశించి తొలిసారే సత్తా చాటిన 'వినేష్ ఫోగట్' గురించి తెగ వెతికేశారట. హర్యానా నుంచి బరిలోకి దిగిన ఆమె జులానా స్థానం నుంచి పోటీ చేసి గెలుపొందారు. ఈ నేపథ్యంలో ఆమె గురించి తెలుసుకోవాలన్న ఉత్సుకతతో ఎక్కువమంది గూగుల్లో ఫొగాట్ గురించి సెర్చ్ చేశారు.
ఆమె తర్వాత హార్దిక్ పాండ్యా, రతన్ టాటా గురించి ఎక్కువగా సెర్చ్ చేసినట్లు గూగుల్ తన బ్లాగ్ పోస్ట్లో తెలిపింది. ఇక 'అజర్‌బైజాన్' అనేది గూగుల్ సెర్చ్లో ట్రావెల్ ఫేవరెట్ ప్లేస్గా నిలిచింది. వీటితో పాటు ఈ టాప్ సెర్చింగ్ లిస్ట్లో 'ఆరెంజ్ పీల్ థియరీ', 'థ్రోనింగ్ డేటింగ్' వంటి రిలేషన్షిప్స్ ఫోకసింగ్ మీమ్స్తో పాటు వర్క్ప్లేస్ బిహేవియర్ 'Gen Z బాస్' మీమ్ కూడా ఉంది.
ఈ ఏడాది 'Pookie', 'demure', 'Moye Moye' వంటి చమత్కారమైన లింగో, మీమ్స్ను ఎక్కుగా ప్రజాదరణ పొందాయి. వీటితో పాటు పాలస్తీనా వివాదంతో ప్రజలు ఎక్కువగా 'All Eyes on Rafah' అని సెర్చ్ చేసినట్లు గూగుల్ తెలిపింది. ఇక లోక్ సభ ఎన్నికలు భారత రాజకీయాల్లో ఆసక్తిని పెంచాయి. ఈ నేపథ్యంలో ఎక్కువమంది 'How to vote Lok Sabha' అనే అంశంపై శోధించారు. ప్రజలు ఆరోగ్యం, వాతారణంపై ఎక్కువగా ఆందోళన చెందుతూ 'excessive heat', 'AQI near me' వంటి అంశాలపై సెర్చ్ చేసినట్లు గూగుల్ తెలిపింది.
ఓవరాల్ టాప్-10 సెర్చింగ్ లిస్ట్ ఇదే: మన దేశంలో 2024లో అత్యధికంగా 'ఇండియన్ ప్రీమియర్ లీగ్' కోసం సెర్చ్ చేశారు. ఇక 'T20 వరల్డ్ కప్', 'భారతీయ జనతా పార్టీ', 'ఎలక్షన్ రిజల్ట్స్ 2024', 'ఒలింపిక్స్ 2024' టాప్-5 లిస్ట్లో మిగిలిన వరుసగా మిగిలిన స్థానాలను ఆక్రమించాయి. ఆ తర్వాత స్థానాల్లో 'ఎక్సన్స్సివ్ హీట్', 'రతన్ టాటా', 'ఇండియన్ నేషనల్ కాంగ్రెస్', 'ప్రో కబడ్డీ లీగ్', 'ఇండియన్ సూపర్ లీగ్' భారత్లో ఈ సంవత్సరం టాప్-10 ట్రెండింగ్లో ఉన్నాయి.
మూవీస్ అండ్ షోస్: ఈ ఏడాది మన దేశంలో.. గూగుల్లో అత్యధికంగా సెర్చ్ చేసిన మూవీస్లో 'స్త్రీ 2' అగ్రస్థానంలో ఉంది. అదే సమయంలో 'హను-మాన్', 'కల్కి' సినిమాలు కూడా తమ కథనాలతో ప్రేక్షకులను ఆకట్టుకున్నాయి.
ఇక షోస్ విషయానికి వస్తే ఇటీవల ఓటీటీల్లో అదరగొడుతున్న సిరీస్లో 'హీరామండి' టాప్ వన్గా నిలిచింది. తర్వాత క్రైమ్ రివేంజ్ థ్రిల్లర్ డ్రామా సిరీస్ మూడో సీజన్..'మీర్జాపూర్' రెండో స్థానాన్ని ఆక్రమించింది. తర్వాతి స్థానాల్లో 'పంచాయత్', 'కోటా ఫ్యాక్టరీ' వంటి షోలు నిలిచాయి. వీటితోపాటు డిస్నీ ప్లస్ హాట్స్టార్లో అత్యధిక వ్యూయర్స్ను సొంతం చేసుకున్న 'ది లాస్ట్ ఆఫ్ అస్' అనే ఇంటర్నేషనల్ వెబ్ సిరీస్ నెక్స్ట్ ప్లేస్ను కైవసం చేసుకుంది. దీనితోపాటు 'ది లాస్ట్ ఆఫ్ అస్', 'క్వీన్ ఆఫ్ టియర్స్, 'మ్యారీ మై హస్బండ్' వంటి కొరియన్ డ్రామాలు తర్వాతి స్థానాల్లో నిలిచాయి.
స్పోర్ట్స్ ఈవెంట్స్: 'IPL', 'ప్రో కబడ్డీ లీగ్', 'ఇండియన్ సూపర్ లీగ్' వంటి లోకల్ లీగ్స్ నుంచి 'ఒలింపిక్స్', 'T20 వరల్డ్ కప్', 'కోపా అమెరికా' వంటి గ్లోబల్ ఈవెంట్‌ల వరకు ఔత్సాహికులు గూగుల్ను ఆశ్రయించారు. క్రికెట్ మ్యాచ్లు, ముఖ్యంగా 'ఇంగ్లండ్', 'బంగ్లాదేశ్'తో.. 'ఇండియా' తలపడిన మ్యాచ్లు ఎక్కువ వ్యూయర్షిప్ పొందాయి. 'వినేష్ ఫోగట్', 'హార్దిక్ పాండ్యా', 'శశాంక్ సింగ్', 'అభిషేక్ శర్మ', 'లక్ష్య సేన్' వంటి అథ్లెట్లు ట్రెండింగ్ పర్సనాలిటీగా మారడంతో.. టాప్ ట్రెండింగ్ పీపుల్ సెర్చ్‌లలో సగభాగం స్పోర్ట్ విభాగమే ఆధిపత్యం చెలాయించింది.
టాప్ సాంగ్స్ సెర్చ్: ఈ ఏడాది 'గూగుల్ సాంగ్ ఫైండర్'.. ఎక్కువగా 'ఏ తునే క్యా కియా', 'యే రాతే యే మౌసమ్' వంటి నాస్టాలిక్ ట్యూన్లతో పాటు 'నాదానియన్', 'హుస్న్' వంటి ఇండియన్ సాంగ్స్పై అత్యధిక ప్రశ్నలను అందుకుంది.
ట్రావెల్ డెస్టినేషన్స్ అండ్ రెసిపీస్: ఈ సంవత్సరం 'బాలి', 'అజర్‌బైజాన్' నుంచి 'మనాలి', 'జైపూర్' వరకు ట్రావెలింగ్పై ఎక్కువమంది ఆసక్తి చూపించారు. ఇక రెసిపీల్లో 'మామిడికాయ పచ్చడి', 'ఉగాది పచ్చడి' వంటి దేశీయ సంప్రదాయ వంటకాలపై సెర్చ్ చేశారు. అలాగే ఈ వంటకాల సెర్చింగ్ లిస్ట్లో.. 'పోర్న్‌స్టార్ మార్టిని', 'ఫ్లాట్ వైట్' వంటి గ్లోబల్ ఫేవరెట్ ఐటెమ్స్తో పాటు 'చమ్మంత', 'ఓనం సధ్య' వంటి ప్రాంతీయ స్పెషల్ వంటకాలు ఉన్నాయి.
మీమ్స్ అండ్ మోర్: ఈ ఏడాది ప్రజలు ఎక్కువగా 'బ్లూ గ్రించ్ నీ సర్జరీ', 'హాంస్టర్ మెమె', 'వెరీ డిమ్యూర్, వెరీ మైండ్‌ఫుల్', 'జెన్ Z బాస్' వంటి వర్క్ ప్లేస్ బిహేవియర్స్ను హైలెట్ చేసే మీమ్స్ను ఎక్కువగా సెర్చ్ చేశారు. 'ఆరెంజ్ పీల్ థియరీ' వంటి రిలేషన్షిప్క్స్ ఫోకసింగ్ మీమ్ కూడా అత్యధికంగా సెర్చ్ చేశారు. వీటితో పాటు 'థ్రోనింగ్ డేటింగ్' అనే మోస్ట్ పాపులర్ డేటింగ్ రిలేటెడ్ సెర్చ్ కూడా ఈ టాప్ ట్రెండిగ్ లిస్ట్లో ఉంది.
మరణాన్ని ఆపగలికే క్లాక్..!- దీనితో 'డెత్ డేట్' తెలుసుకో.. తలరాతను మార్చుకో..!
మొన్న మహింద్రా, నిన్న టాటా.. న్యూ ఇయర్ సమీపిస్తున్న కొద్దీ కార్ల ధరలకు రెక్కలు!
వారెవ్వా.. గూగుల్ 'విల్లో' వెరీ పవర్ఫుల్ బాస్- దీని స్పీడ్కి ఎవరైనా సలాం కొట్టాల్సిందే!
