Best 5G Gaming Phones Under 15000 : మంచి 5జీ గేమింగ్ ఫోన్ కోసం వెతుకుతున్నారా? ధర రూ.15వేలలోపు ఉండాలా? ఈ ధరలోనే మంచి ఫీచర్లు కూడా కావాలా? అయితే మీరు తప్పకుండా ఈ కథనం చదవండి. శక్తివంతమైన బ్యాటరీ, విశాలమైన డిస్ప్లే సహా పలు ఫీచర్ల మేళవింపుతో అలరిస్తున్న టాప్-5 గేమింగ్ ఫోన్ల వివరాలు మీ కోసం.
1) CMF Phone 1 : తక్కువ ధరలో మంచి డిస్ప్లే, ఫీచర్లు కలిసి ఉండాలంటే 'సీఎంఎఫ్ ఫోన్1' బెటర్ ఛాయిస్ అవుతుంది.
- డిస్ప్లే : 6.67 అంగుళాల ఫుల్ HD+ అమోలెడ్ డిస్ప్లే
- రీఫ్రెష్ రేట్ : 120Hz అడాప్టివ్ రీఫ్రెష్ రేట్
- పీక్ బ్రైట్‌నెస్ : 2,000 నిట్స్
- టచ్ శాంప్లింగ్ రేట్ : 240Hz
- డిమ్మింగ్ : 960Hz PWM
- వీడియో టెక్ : HDR10+ సపోర్ట్
- చిప్‌సెట్ : మీడియాటెక్ డైమెన్సిటీ 7300, 4nm ప్రాసెస్
- గ్రాఫిక్స్ కార్డ్ : Mali G615 MC2 GPU
- ర్యామ్ : LPDDR 4X RAMలో 8 జీబీ వరకు
- స్టోరేజీ : UFS 2.2 స్టోరేజీలో 256 జీబీ వరకు స్టోరేజీ ఉంటుంది.
- స్టోరేజీ విస్తరణ : స్టోరేజీని మైక్రో ఎస్‌డీ స్లాట్ ద్వారా 2టీబీ వరకు పెంచుకోవచ్చు.
2) iQOO Z9x : శక్తివంతమైన బ్యాటరీని కలిగిన గేమింగ్ ఫోన్ కావాలంటే iQOO Z9xను ఎంపిక చేసుకోవచ్చు.
- డిస్ప్లే : 6.72 అంగుళాల ఎల్‌సీడీ డిస్ప్లే
- రీఫ్రెష్ రేట్ : 120Hz
- పీక్ బ్రైట్‌నెస్ : 1000 నిట్లు
- ర్యామ్ : 8జీబీ
- రేటింగ్ : నీరు, దుమ్మూధూళి నుంచి ఈ ఫోన్ నిరోధాన్ని కలిగి ఉంటుంది. ఈ విషయంలో ఐపీ64 రేటింగ్ పొందింది.
- ఇంటర్నల్ స్టోరేజీ : 128 జీబీ
- స్టోరేజీ విస్తరణ : ఎక్స్‌టర్నల్ మైక్రో ఎస్‌డీ కార్డు ద్వారా స్టోరేజీని 1 టీబీ వరకు పెంచుకోవచ్చు.
- బ్యాటరీ సామర్థ్యం : 6000 ఎంఏహెచ్
- ఛార్జింగ్ : 44 వాట్ల ఫాస్ట్ ఛార్జింగ్‌కు మద్దతు పలికేలా బ్యాటరీ
- ఆథెంటికేషన్ : వేగంగా లాగిన్ కావడానికి ఫోన్‌లో ఒక వైపునకు ఫింగర్ప్రింట్ సెన్సర్ ఉంటుంది. దీనివల్ల త్వరగా బయోమెట్రిక్ ధ్రువీకరణ జరుగుతుంది.
- ఛార్జింగ్ కనెక్టివిటీ : యూఎస్‌బీ టైప్-సీ పోర్ట్
- ఆడియో కనెక్టివిటీ : 3.5 ఎంఎం హెడ్‌ఫోన్ జాక్
3) Poco M7 Pro : గేమింగ్ ఫీచర్లతో పాటు అద్భుతమైన కెమెరాలను కోరుకునేవారు 'పోకో ఎం7 ప్రో' ఫోన్ కొనడం బెటర్.
- డిస్ప్లే : 6.67 అంగుళాల Full HD+
- రీఫ్రెష్ రేట్ : 120Hz
- పీక్ బ్రైట్‌నెస్ : 2,100 నిట్లు
- స్క్రీన్ : ఈ ఫోన్‌లోని స్క్రీన్‌కు కార్నింగ్ గొరిల్లా గ్లాస్ 5 ప్రొటెక్షన్ ఉంటుంది.
- చిప్‌సెట్ : మీడియాటెక్ డైమెన్సిటీ 7025 అల్ట్రా చిప్‌సెట్
- ఆపరేటింగ్ సిస్టమ్ : పోకోకు చెందిన HyperOS అనే ఆపరేటింగ్ సిస్టమ్‌పై పనిచేస్తుంది. ఆండ్రాయిడ్ 14 మద్దతుతో ఇది నడుస్తుంది. రెండు ప్రధానమైన ఆండ్రాయిడ్ ఓఎస్ అప్‌డేట్లు లభిస్తాయి. 4 ఏళ్లపాటు సెక్యూరిటీ ప్యాచ్‌లు అందిస్తారు.
- కెమెరాలు : డ్యూయల్ కెమెరాలు ఉన్నాయి. ప్రైమరీ కెమెరాగా 50 మెగాపిక్సెల్స్ సామర్థ్యం కలిగిన సోనీ లైటియా LYT-600 ఉంటుంది. 2 మెగాపిక్సెల్స్ సామర్థ్యం కలిగిన మరో కెమెరా కూడా ఉంటుంది. ముందు కెమెరాలో సెల్ఫీలు, వీడియో కాల్స్ కోసం 20 మెగాపిక్సెల్స్ రెజెల్యూషన్ ఉంటుంది.
- బ్యాటరీ సామర్థ్యం : 5,110mAh
- ఛార్జింగ్ : 45 వాట్స్ ఫాస్ట్ ఛార్జింగ్‌కు సపోర్ట్ చేసేలా బ్యాటరీ ఉంటుంది.
- ఫోన్ బ్యాక్ : ఈ ఫోను వెనుక భాగం పాలీ కార్బొనేట్‌తో రూపుదిద్దుకుంది. ఇది చూడచక్కగా టూ టోన్ ఫినిషింగ్‌తో ఉంటుంది.
- రేటింగ్ : నీరు, దుమ్మూధూళి నుంచి ఈ ఫోన్ నిరోధాన్ని కలిగి ఉంటుంది. ఈ విషయంలో ఐపీ64 రేటింగ్ పొందింది.
- ఇతర ఫీచర్లు : ఫింగర్ప్రింట్ స్కానర్, డ్యూయల్ బ్యాండ్ వైఫై
4) Vivo T3x : బ్యాటరీ, ఫీచర్లు, డిస్ప్లే, స్టోరేజీ అన్నీ సమతూకంగా ఉండాలని భావించే వారికి 'Vivo T3x' ఫోన్ చాలా బెటర్.
- డిస్ప్లే : 6.72 అంగుళాల HD+ LCD display
- రీఫ్రెష్ రేట్ : 120Hz
- పీక్ బ్రైట్‌నెస్ : 1,000 నిట్లు
- ప్రాసెసర్ : Snapdragon 6 Gen 1 SoC
- ఇంటర్నల్ స్టోరేజీ : 128 జీబీ. మైక్రో ఎస్‌డీ కార్డుతో 1 టీబీ వరకు స్టోరేజీని పెంచుకోవచ్చు.
- బ్యాటరీ సామర్థ్యం : 6000mAh
- ఛార్జింగ్ : 44 వాట్ల ఫాస్ట్ ఛార్జింగ్‌కు బ్యాటరీ సపోర్ట్ చేస్తుంది.
- ఆపరేటింగ్ సిస్టమ్ : FuntouchOS 14. ఇది ఆండ్రాయిడ్ 14 మద్దతుతో నడుస్తుంది.
5) Realme 14x : మంచి ఆడియో, వేగవంతమైన ప్రాసెసర్‌ను కోరుకునే వారు Realme 14x ఫోన్‌ను కొనొచ్చు.
- డిస్ప్లే : 6.67 అంగుళాల HD+
- రీఫ్రెష్ రేట్ : 120Hz
- పీక్ బ్రైట్‌నెస్ : 625 నిట్లు
- చిప్‌సెట్ : మీడియాటెక్ డైమెన్సిటీ 6300 ఎస్ఓసీ
- ప్రాసెసర్ : ARM Mali-G57 MC2 GPU
- ఫోన్ వేరియంట్లు : 6జీబీ + 128 జీబీ, 8 జీబీ + 128 జీబీ స్టోరేజీ సామర్థ్యాలతో ఈ ఫోన్ రెండు వేరియంట్లలో లభిస్తుంది.
- స్టోరేజీ : స్టోరేజీని మైక్రో ఎస్‌డీ కార్డు ద్వారా పెంచుకోవచ్చు. వర్చువల్ ర్యామ్ 10 జీబీ వరకు సపోర్ట్ చేస్తుంది.
- ఆపరేటింగ్ సిస్టమ్ : Realme UI 5.0. ఇది ఆండ్రాయిడ్ 14 మద్దతుతో పనిచేస్తుంది. రెండు ప్రధానమైన ఆండ్రాయిడ్ అప్‌డేట్స్‌ను అందిస్తుంది.
- కెమెరాలు : 50ఎంపీ సామర్థ్యంతో ప్రైమరీ కెమెరా, వెనుక కెమెరా కూడా ఉంటుంది. సెల్ఫీలు, వీడియో కాల్స్ కోసం ముందు కెమెరాకు 8 ఎంపీ సామర్థ్యం ఉంటుంది.
- బ్యాటరీ సామర్థ్యం : 6,000mAh
- ఛార్జింగ్ : 45 వాట్ల ఫాస్ట్ ఛార్జింగ్‌కు బ్యాటరీ సపోర్ట్ చేస్తుంది.
- రేటింగ్ : నీరు, దుమ్మూధూళి నుంచి ఈ ఫోన్ నిరోధాన్ని కలిగి ఉంటుంది. ఈ విషయంలో ఐపీ69 రేటింగ్ పొందింది.
- ఆడియో : 200 శాతం అల్ట్రా వాల్యూమ్ మోడ్ అందుబాటులో ఉంది.
త్వరలో మార్కెట్లోకి నథింగ్ నుంచి నయా స్మార్ట్ఫోన్- ఈసారి రెండు కాదు, మూడు కెమెరాలతో!
రాత్రంతా ఫోన్ ఛార్జింగ్ పెట్టి నిద్రపోతున్నారా? బ్యాటరీ వేడెక్కుతే ఇక అంతే సంగతి!
