Things to Do Before Buying New Phone: ప్రస్తుతం ప్రతి ఒక్కరి దగ్గరా స్మార్ట్ఫోన్ ఉంటోంది. మొబైల్ అందుబాటులో లేకుంటే పూట గడవని పరిస్థితి. మొబైల్స్ సేల్స్ భారీగా పెరగటంతో స్మార్ట్ఫోన్ తయారీ కంపెనీలన్నీ ఎప్పటికప్పుడు కొత్త మోడల్స్ను లాంచ్ చేస్తున్నాయి. ఈ నేపథ్యంలోనే ఫెస్టివల్ సీజన్లో ఫ్లిప్కార్ట్, అమెజాన్ వంటి ప్రముఖ ఈ- కామర్స్ సంస్థలు వాటిపై అదిరే ఆఫర్స్ను ప్రకటిస్తున్నాయి. ఈ పండగ ఆఫర్లలో మంచి స్మార్ట్ఫోన్ కొనుగోలు చేయాలని ఆలోచించేవారు గుర్తుంచుకోవాల్సిన విషయాలేంటో తెలుసుకుందాం రండి.
ఆపరేటింగ్ సిస్టమ్:
- కొత్త మొబైల్ ఫోన్‌ను కొనుగోలు చేసేటప్పుడు తీసుకునే మొదటి నిర్ణయాలలో ఆండ్రాయిడ్ అండ్ iOS ఫోన్లలో ఒకటి ఎంచుకోవడం.
- ఈ రెండు ప్లాట్‌ఫారమ్‌లు డిఫరెంట్ ఫీచర్స్ అండ్ ఎకోసిస్టమ్స్ను కలిగి ఉంటాయి.
- ఆండ్రాయిడ్ ఆపరేటింగ్ సిస్టమ్ మరింత కస్టమైజేషన్ను కలిగి ఉండటమే కాకుండా హార్డ్‌వేర్‌లో మరింత వైవిధ్యం ఉంటుంది.
- మరోవైపు ఆపిల్ iOS ఆపరేటింగ్ సిస్టమ్ సెక్యూరిటీపై ఫోకస్ చేస్తుంది. అందుకే ఈ ఫోన్ ధర ఎక్కువ.
ప్రాసెసర్:
- ఫోన్కు ప్రాసెసర్ అనేది బ్రెయిన్ లాంటిది.
- ప్రాసెసర్ మొబైల్ పనితీరును బాగా ప్రభావితం చేస్తుంది.
- మెసేజింగ్, బ్రౌజింగ్ వీడియో స్ట్రీమింగ్ వంటి రెగ్యులర్ పనులు చేసే వినియోగదారులకు Qualcomm Snapdragon 7 సిరీస్ లేదా యాపిల్ A15 బయోనిక్ వంటి మిడ్-రేండ్ ప్రాసెసర్లు ఉత్తమం.
- అయితే గేమర్స్ లేదా హెవీ మల్టీ టాస్కర్ల కోసం హై-ఎండ్ చిప్‌సెట్‌తో కూడిన ఫోన్ తీసుకోవటం మంచిది.
బ్యాటరీ లైఫ్:
- కొత్త మొబైల్ కొనుగోలు చేసేటప్పుడు బ్యాటరీ లైఫ్ అనేది ఒక ముఖ్యమైన అంశం.
- ఫోన్ కొనుగోలు చేసేటప్పుడు కనీసం 4000mAh బ్యాటరీ సామర్థ్యం ఉన్న ఫోన్‌ను కొనుగోలు చేస్తే మంచిది.
- అయితే ఫోన్ సాఫ్ట్‌వేర్ ఆప్టిమైజేషన్ అనేది మీరు మొబైల్ను ఎంత ఉపయోగిస్తున్నారనే దానిపై ఆధారపడి ఉంటుందని గుర్తుంచుకోండి.
- ఫాస్ట్ ఛార్జింగ్ సపోర్ట్ కూడా ప్రాధాన్యతనిస్తుంది.
- ఎందుకంటే ఇది మీ ఫోన్‌ను తక్కువ సమయంలో ఛార్జ్ చేయగలదు.
కెమెరా క్వాలిటీ:
- నేటి సోషల్ మీడియా యుగంలో స్మార్ట్ఫోన్కు మంచి కెమెరా క్వాలిటీ అవసరం.
- ప్రస్తుతం చాలామంది హై-ఎండ్ స్మార్ట్‌ఫోన్‌లు మల్టిపుల్ లెన్స్లతో ఆకట్టుకునే కెమెరా సిస్టమ్స్ ఉన్న మొబైల్స్ను వినియోగిస్తున్నారు.
- ఆప్టికల్ ఇమేజ్ స్టెబిలైజేషన్ (OIS), లో-లైట్, సాఫ్ట్‌వేర్ ఎన్హాన్స్మెంట్స్ వంటి ఫీచర్లు ఇమేజ్ క్వాలిటీలో ముఖ్యమైన పాత్ర పోషిస్తాయి.
- సాధారణ ఫోటోగ్రాఫర్ కోసం మిడ్-రేంజ్ ఫోన్లు ఇప్పుడు అద్భుతమైన కెమెరా సెటప్‌లను అందిస్తున్నాయి.
స్టోరేజ్ అండ్ ర్యామ్:
- మీకు ఎంత స్టోరేజీ అవసరం అనేది మీ యూసేజ్పై ఆధారపడి ఉంటుంది.
- మీరు ఎక్కువగా ఫొటోస్, వీడియోస్ లేదా గేమ్స్ను స్టోర్ చేయాలంటే కనీసం 128GB ఇంటర్నల్ స్టోరేజ్ ఉన్న ఫోన్‌ని కొనుగోలు చేయాలి.
- చాలావరకు ఆండ్రాయిడ్ మొబైల్స్ మైక్రో SD కార్డ్ ద్వారా తమ స్టోరేజీ సామర్థ్యాన్ని పెంచుకోగలిగినప్పటికీ iPhoneలు అలా చేయవు.
- స్మార్ట్ఫోన్ కొనుగోలు చేసేటప్పుడు RAM కూడా పరిగణనలోకి తీసుకోవడం చాలా ముఖ్యం.
- 8GB లేదా అంతకంటే ఎక్కువ స్టోరేజ్ ఉన్న ఫోన్లు మల్టీ టాస్కింగ్‌కు బాగా ఉపయోగపడతాయి.
బిల్డ్ క్వాలిటీ అండ్ డిజైన్:
- స్మార్ట్ఫోన్ కొనుగోలు చేసేటప్పుడు దాని మన్నిక, డిజైన్ కూడా ముఖ్యమైన అంశాలు.
- ఆకర్షణీయమైన డిజైన్‌తో పాటు ఫోన్ బిల్డ్ క్వాలిటీ కూడా బాగుండాలి.
- ఎందుకంటే చాలా సార్లు చేతిలో నుంచి ఫోన్లు కింద పడిపోతూ ఉంటాయి.
- అలాంటి సమయంలో అవి విరిగిపోయే అవకాశాలు ఎక్కువ.
- అందుకే అలాంటి సందర్భాల్లో మొబైల్ బిల్డ్ క్వాలిటీ ముఖ్యం.
- ఇందుకోసం గొరిల్లా గ్లాస్ లేదా వాటర్ రెసిస్టెంట్ (IP రేటింగ్) ఉన్న ఫోన్లు తీసుకోవటం ఉత్తమం.
5G నెట్వర్క్:
- 5G నెట్వర్క్ ప్రపంచవ్యాప్తంగా విస్తరిస్తోంది.
- కాబట్టి 5Gకి సపోర్ట్ చేసే స్మార్ట్ఫోన్ను తీసుకుంటే భవిష్యత్తులో ఉపయోగపడుతుంది.
- అయితే 5G మొబైల్ తీసుకోవాలంటే దాని ధర కూడా ఎక్కువగానే ఉంటుంది.
- అంత బడ్జెట్ పెట్టలేము అనుకునేవారు మీ అవసరాలకు అనుగుణంగా మొబైల్ను ఎంపిక చేసుకోండి.
ధర:
- చివరిగా మీరు కొత్త ఫోన్‌ను కొనుగోలు చేసేటప్పుడు మీ బడ్జెట్‌ను పరిగణనలోకి తీసుకోవాలి.
- యాపిల్, శాంసంగ్, గూగుల్ వంటి కంపెనీల ఫ్లాగ్‌షిప్ మోడల్స్ ధర 20 వేలకు పైగానే ఉంటుంది.
- అలాగే మార్కెట్లో చాలా మిడ్- రేంజ్ ఫోన్లు కూడా మెరుగైన ఫీచర్లతో సరసమైన ధరలకు లభిస్తున్నాయి.
- దీంతోపాటు ఫోన్ కొనుగోలు చేసేటప్పుడు దానిపై మీకు ఎంత డిస్కౌంట్ లభిస్తుందో కూడా ఆలోచించి తీసుకుంటే బెస్ట్.
స్మార్ట్ఫోన్ ప్రియులకు ఆఫర్ల పండగ- వన్ప్లస్ దీపావళి డీల్స్ రివీల్ - One Plus Diwali Sale 2024
