యాపిల్ కొత్త ప్రొడక్ట్స్​పై అప్డేట్ వచ్చేసిందోచ్..!- రిలీజ్ ఎప్పుడంటే?

M4 చిప్​తో మ్యాక్స్ రిలీజ్ ఎప్పుడో తెలుసా?​​- క్లారిటీ ఇచ్చిన యాపిల్!!!

Apple Confirms M4 Macs Launch: యాపిల్ లవర్స్​కు గుడ్​న్యూస్. టెక్​ దిగ్గజం యాపిల్ తన కొత్త ప్రొడక్ట్స్​ను వచ్చే వారం లాంచ్ చేయనున్నట్లు తెలిపింది. ఈ మేరకు అక్టోబరు 28వ తేదీ సోమవారం నుంచి మార్కెట్లోకి కంపెనీ నుంచి పెద్ద ఎత్తున అనౌన్స్​మ్మెంట్స్ వస్తాయని ప్రకటించింది. అంటే యాపిల్ ప్రియులు ఎంతగానో ఎదురుచూస్తున్న M4 చిప్​తో Apple Macbook Pro, iMacలను లాంచ్ చేసే అవకాశం ఉంది.

గత కొంతకాలంగా యాపిల్ ఈ ప్రొడక్ట్స్​ను​ రిలీజ్​ చేస్తుందనే పుకార్లు వినిపిస్తున్నాయి. ఈ ఏడాది ప్రారంభంలో ఐప్యాడ్​ ప్రోతో M4 చిప్​ను పరిచయం చేశారు. ఈ క్రమంలో ఇప్పుడు కొత్త Mac మోడల్స్​లో కూడా ఈ చిప్​ని చూడాలని యాపిల్ ప్రియులు ఆశిస్తున్నారు. ఇది యాపిల్ ఇంటెలిజెన్స్​కు కూడా సపోర్ట్ చేస్తుంది. ఈ కొత్త ప్రాసెసర్‌లు ఏఐ టాస్క్​లను మరింత వేగవంతం చేసే అవకాశం ఉంది.

Mac (😉) your calendars! We have an exciting week of announcements ahead, starting on Monday morning. Stay tuned… pic.twitter.com/YnoCYkZq6c

— Greg Joswiak (@gregjoz) October 24, 2024

వీటితో పాటు యాపిల్ కొత్త Mac Mini, యాక్సెసరీస్​ను కూడా లాంచ్ చేసే అవకాశం ఉంది. అంతేకాక కొత్త MacBook Airను కూడా పరిచయం చేయొచ్చు. అయితే కంపెనీ ఈసారి తన అతిపెద్ద కీనోట్ ఈవెంట్​ను ప్లాన్ చేయట్లేదు. ఈ ప్రొడక్ట్స్​ను ఆన్​లైన్​లో ప్రెస్ రిలీజ్​, వీడియో రిలీజ్​ ద్వారా పరిచయం చేస్తుందని తెలుస్తోంది. గతవారం ఐప్యాడ్ మినీ 7ను కూడా ఆన్​లైన్ ఈవెంట్​లోనే లాంచ్ చేసింది. ఇదే రీతిలో M4 చిప్​తో పనిచేసే iMac, MacBook Pro, USB-C యాక్సెసరీస్​తో Mac Miniని కూడా తీసుకురానున్నట్లు సమాచారం.

ఐఫోన్​లో సరికొత్త ఫీచర్స్: కాగా యాపిల్ గురువారం తన ఏఐ సాఫ్ట్‌వేర్ బీటా వెర్షన్‌ ప్రివ్యూని రిలీజ్ చేసింది. యాపిల్ ఇంటెలిజెన్స్​లో ChatGPT, ఇమేజ్-జనరేషన్ వంటి సరికొత్త ఫీచర్లను తీసుకొచ్చింది. iOS 18.1లో భాగంగా వచ్చే వారం ప్రారంభంలో యాపిల్ ఇంటెలిజెన్స్ ఫీచర్ల మొదటి వేవ్‌ను విడుదల చేయనుంది. యాపిల్ తన ఏఐ ఫీచర్లను ప్రకటించిన సమయంలో కేవలం కొన్ని ఐఫోన్, ఐప్యాడ్​, Mac మోడల్స్​కు మాత్రమే ఈ సాఫ్ట్​వేర్ అందుబాటులో ఉండేది. అయితే ఇప్పుడు కొత్తగా లాంచ్ అయిన మిని ఐప్యాడ్​తో సహా అన్ని Macs యాపిల్​ ఇంటెలిజెన్స్​కు సపోర్ట్ చేస్తున్నాయి. దీనిపై మరిన్ని వివరాలను తెలుసుకునేందుకు ఇక్కడ క్లిక్ చేయండి.