ఫ్రీగా ఆధార్​ కార్డును అప్​డేట్​ చేసుకోవటం ఎలా?- ఈజీ ప్రాసెస్ ఇదే! - Aadhaar Card Free Update

Aadhaar Card Free Update: ఉచితంగా ఆధార్​ కార్డులో ఉన్న తప్పులను సరిదిద్దుకునేందుకు కేంద్ర ప్రభుత్వం అవకాశాన్ని కల్పించింది. ఇప్పటికే దీని గడువు ముగియటంతో మరోసారి పొడిగించింది. మరి దీని లాస్ట్ డేట్ ఎప్పుడు? ఫ్రీగా ఆధార్ కార్డును ఎలా అప్​డేట్ చేసుకోవాలి? వంటి వివరాలు తెలుసుకుందాం రండి.

Aadhaar Card Free Update: ప్రస్తుతం ఆధార్ కార్డు అన్నింటికీ తప్పనిసరి అయిపోయింది. ఏ పని జరగాలన్నా, ఎక్కడికి వెళ్లాలన్నా ఆధార్ ఉండాల్సిందే. ప్రభుత్వ పథకాలు పొందాలన్నా, ఉద్యోగాలకు దరఖాస్తు చేయాలన్నా, బ్యాంకు, హాస్పిటల్, స్కూల్, కాలేజీ అడ్మిషన్లు ఇలా ప్రతి విషయానికీ ఆధార్ కార్డు అడుగుతున్నారు. కాబట్టి ఆధార్​లో పేరు, అడ్రస్, ఫొటో, మొబైల్ నంబర్ వంటి వివరాలు సరిగ్గా ఉండాలి.

ఆధార్ ఎన్‌రోల్‌మెంట్, రెన్యూవల్ రెగ్యులేషన్స్ 2016 ప్రకారం ఆధార్ కార్డు చేయించుకున్నప్పటి నుంచి ప్రతి 10 ఏళ్లకు ఒకసారి అడ్రస్, ప్రూప్స్​ డాక్యుమెంట్స్​ను అప్​డేట్​ చేసుకోవాలి. లేకుంటే చాలా ముఖ్యమైన పనులు నిలిచిపోవచ్చు. ఈ నేపథ్యంలో యూనిక్ ఐడెంటిఫికేషన్ అథారిటీ ఆఫ్ ఇండియా(UIDAI) ఆధార్ కార్డును ఉచితంగా అప్‌డేట్ చేసుకునే సదుపాయాన్ని కల్పించింది.

ఫ్రీ ఆధార్ అప్​డేట్​ లాస్ట్ డేట్ ఎప్పుడు?:

• ఉచితంగా ఆధార్ అప్​డేట్​ చేసుకునేందుకు UIDAI ఇప్పటికే గడువు ముగియగా పలుమార్లు పొడిగిస్తూ వచ్చింది.
• ప్రస్తుతం సెప్టెంబర్ 14 లోపు ఫ్రీగా ఆధార్ అప్​డేట్ చేసుకునే అవకాశం కల్పించింది.
• లేకుంటే ఇంతకుముందులాగానే ఆధార్ సెంటర్​లో రూ. 50 చెల్లించి అప్‌డేట్ చేసుకోవాల్సి ఉంటుంది.

ఫ్రీగా ఆధార్ కార్డును అప్​డేట్ చేయటం ఎలా?:

• ఆధార్ కార్డును అప్​డేట్ చేసేందుకు మొదట ఉడాయ్ పోర్టల్ https://myaadhaar.uidai.gov.in/portal లోకి వెళ్లండి.
• తర్వాత ఆధార్ నంబర్‌ ఎంటర్ చేసి, క్యాప్చా కోడ్ ఎంటర్ చేసి 'సెండ్ OTP' ఆప్షన్​పై క్లిక్ చేయండి.
• తర్వాత ఆధార్ రిజిస్టర్డ్ మొబైల్ నంబర్​కు OTP వెళ్తుంది. దీన్ని నమోదు చేసి, ఎంటర్ ఆప్షన్​పై క్లిక్ చేయండి.
• తర్వాత అక్కడ సర్వీసెస్​లో డాక్యుమెంట్ అప్​డేట్​పై క్లిక్ చేయండి. ఇప్పుడు స్క్రీన్​పై మీ పేరు, జెండర్, డేట్​ ఆఫ్​ బర్త్​, అడ్రస్ వంటి వివరాలు కన్పిస్తాయి. వాటిలో మీరు ఏం అప్​డేట్​ చేయాలి అనుకుంటున్నారో దానిపై క్లిక్ చేయండి.
• ఇప్పుడు ఐడీ, అడ్రస్ ప్రూఫ్​ కోసం కొన్ని డాక్యుమెంట్లను అడుగుతుంది. ఇందుకోసం అవసరమైన డాక్యుమెంట్ 2MB కంటే తక్కువ సైజ్ ఉండాలి. JPEG, PNG, PDF ఫార్మాట్స్ సపోర్ట్ చేస్తాయి.
• ఆయా డాక్యుమెంట్స్ స్కాన్డ్ కాపీల్ని అప్లోడ్ చేసి సబ్మిట్‌పై క్లిక్ చేయండి.
• తర్వాత 14 అంకెల అప్డేట్ రిక్వెస్ట్ నంబర్ వస్తుంది. దీంతో అప్డేట్ స్టేటస్ ఎక్కడి వరకు వచ్చిందో ఎప్పటికప్పుడు చెక్ చేసుకునే వెసులుబాటు ఉంటుంది. ఇలా సింపుల్​ స్టెప్స్​తో ఆధార్​ను అప్​డేట్​ చేసుకోవచ్చు. ఆధార్ అప్​డేట్​ చేసిన ఏడు రోజుల తర్వాత అప్​డేట్​ అయిన కొత్త ఆధార్ కార్డును మనం పొందొచ్చు.