కంపాక్ట్ సెడాన్ సెగ్మెంట్​లో వీటికి తిరుగేలేదు.. అమేజ్ vs డిజైర్.. ఈ రెండింటిలో బెస్ట్ ఇదే..!

కొత్త 'హోండా అమేజ్' vs న్యూ 'మారుతి డిజైర్'- వీటిలో బెస్ట్ ఆప్షన్ ఏదంటే..?

Honda Amaze vs Maruti Dzire: జపనీస్ కార్ల తయారీ సంస్థ హోండా ఇటీవలే కాంపాక్ట్ సెడాన్ హోండా అమేజ్‌లో అప్డేటెడ్ వెర్షన్‌ను భారత మార్కెట్లో లాంఛ్ చేసింది. కంపెనీ దీని ప్రీవియస్ మోడల్​లో కొన్ని మార్పులు చేస్తూ అప్డేట్ చేసింది. ఇందులో అతిపెద్ద అప్‌డేట్ ఏంటంటే కంపెనీ ఈ కొత్త అమేజ్​లో అధునాతన ADAS సూట్​ను అందించింది. అంతేకాక ఈ ఫీచర్​తో అతి తక్కువ ధరలోనే దీన్ని తీసుకొచ్చింది. దీంతో ADAS ఫీచర్‌తో వచ్చిన దేశంలోనే అత్యంత చౌకైన కారుగా హోండా అమేజ్ గుర్తింపు పొందింది.

అయితే ఈ కారు ఇండియన్ మార్కెట్లో ప్రధానంగా గత నెలలో రిలీజ్​ అయిన మారుతి సుజుకి న్యూ డిజైర్‌తో పోటీపడుతుంది. ఈ రెండు లేటెస్ట్ కార్లూ అతి తక్కువ ధరలోనే మార్కెట్లో అందుబాటులో ఉన్నాయి. దీంతో బడ్జెట్ ధరలో కొత్త కారు కొనాలనుకునే వారికి ఈ రెండు లేటెస్ట్ కార్లూ ఉత్తమ ఎంపిక అని చెప్పొచ్చు. అయితే ఈ రెండింటిలో ఏ కారు బెస్ట్? దేనిలో ఎక్కువ ఫీచర్లు ఉన్నాయి? ఏది వాల్యూ ఫర్ మనీ? వంటి వాటిపై ఈ రెండు కార్లను కంపేర్ చేస్తూ వివరాలు మీకోసం. ఈ వివరాలను బట్టి మీకు ఏ కారు అయితే మంచిదో మీరే సెలెక్ట్ చేసుకోవచ్చు.

2024 Honda Amaze vs 2024 Maruti Dzire: సైజ్

సైజ్	2024 హోండా అమేజ్	2024 మారుతి డిజైర్	రెండింటి మధ్య తేడా
పొడవు	3,995 మి.మీ	3,995 మి.మీ	తేడా ఏం లేదు
వెడల్పు	1,733 మి.మీ	1,735 మి.మీ	2 మిమీ తేడా ఉంది
ఎత్తు	1,500 మి.మీ	1,525 మి.మీ	25 మిమీ తేడా ఉంది
వీల్ బేస్	2,470 మి.మీ	2,450 మి.మీ	20 మిమీ తేడా ఉంది
బూట్‌స్పేస్	416 లీటర్లు	382 లీటర్లు	34 లీటర్ల తేడా ఉంది

రెండు సబ్-4 మీటర్ సెడాన్లు ఒకే పొడవు కలిగి ఉన్నట్లు ఈ టేబుల్​ చూపిస్తుంది. వెడల్పు కూడా దాదాపు ఒకేలా ఉన్నాయి. కానీ మారుతి డిజైర్​.. హోండా అమేజ్​ కంటే 2 మి.మీ వెడల్పు ఎక్కువగా ఉంది. ఎత్తు పరంగా చూసినా కూడా డిజైర్.. అమేజ్ కంటే 25 మి.మీ ఎక్కువగా ఉంది. అయితే వీల్​బేస్​ విషయానికొస్తే 2024 హోండా అమేజ్.. 2024 మారుతి డిజైర్ కంటే 20 మి.మీ ఎక్కువగా ఉంది. బూట్​స్పేస్​లో కూడా రెండింటి మధ్య 34 లీటర్ల తేడా ఉంది. డిజైర్​ కంటే హోండా అమేజ్ ఎక్కువ బూట్​ స్పేస్​ను కలిగి ఉంది.

2024 Honda Amaze vs 2024 Maruti Dzire: పవర్​ట్రెయిన్

పవర్​ట్రెయిన్	2024 హోండా అమేజ్	2024 మారుతి డిజైర్
ఇంజిన్	1.2-లీటర్, 4-సిలిండర్, సహజంగా ఆశించిన పెట్రోల్ ఇంజిన్	1.2-లీటర్, 3-సిలిండర్, సహజంగా ఆశించిన పెట్రోల్ ఇంజిన్	1.2-లీటర్, 3-సిలిండర్, పెట్రోల్+CNG ఇంజిన్
పవర్ అవుట్‌పుట్	89 bhp పవర్	81 bhp పవర్	69 bhp పవర్
టార్క్ అవుట్​పుట్	110 న్యూటన్ మీటర్లు	112 న్యూటన్ మీటర్లు	102 న్యూటన్ మీటర్లు
గేర్​ బాక్స్	5-స్పీడ్ మాన్యువల్, 7-స్పీడ్ CVT గేర్‌బాక్స్	5-స్పీడ్ మాన్యువల్, 5-స్పీడ్ AMT గేర్‌బాక్స్	5-స్పీడ్ మ్యాన్యువల్ గేర్‌బాక్స్
మైలేజీ	18.65 కిలోమీటర్/లీటర్ (MT) / 19.46 కిలోమీటర్/లీటర్ (CVT)	24.79 కిలోమీటర్/లీటర్ (MT) / 25.71 కిలోమీటర్/లీటర్ (AT)	33.75 కిలోమీటర్/కేజీ

2024 హోండా అమేజ్, 2024 మారుతి డిజైర్ రెండూ దాదాపు ఒకే కెపాసిటీ ఇంజిన్లతో అందుబాటులో ఉన్నట్లు టేబుల్‌లో కన్పిస్తుంది. అయితే రెండింటిలో సిలిండర్ల సంఖ్య భిన్నంగా ఉంది. దీంతో రెండింటి పవర్, టార్క్‌లో తేడా ఉంటుంది. అయితే హోండా అమేజ్​లో CNG ఇంజిన్ ఆప్షన్​ లేదు. మారుతి డిజైర్​లో మాత్రం CNG ఆప్షన్​ కూడా అందుబాటులో ఉంది. అంతేకాక డిజైర్ ఇంజిన్.. హోండా అమేజ్ కంటే మెరుగైన మైలేజీని అందిస్తుంది.

2024 Honda Amaze vs 2024 Maruti Dzire: ఇతర ఫీచర్లు

ఇతర ఫీచర్లు	2024 హోండా అమేజ్	2024 మారుతి డిజైర్
ఎక్స్​టీరియర్	LED DRLతో ఆటో-LED ప్రొజెక్టర్ హెడ్‌లైట్లు LED ఫాగ్ ల్యాంప్ LED టెయిల్ లైట్లు షార్క్-ఫిన్ యాంటెన్నా 15-అంగుళాల డ్యూయల్-టోన్ అల్లాయ్ వీల్స్	LED DRLలతో ఆటో-LED ప్రొజెక్టర్ హెడ్‌లైట్లు LED ఫాగ్ లైట్లు LED టెయిల్ లైట్లు షార్క్-ఫిన్ యాంటెన్నా 15-అంగుళాల డ్యూయల్-టోన్ అల్లాయ్ వీల్స్
ఇంటీరియర్	డ్యూయల్-టోన్ బ్లాక్ అండ్ లేత గోధుమరంగు క్యాబిన్ థీమ్ లేత గోధుమరంగు ఫ్యాబ్రిక్ సీట్ అప్హోల్స్టరీ Leatherette-చుట్టిన స్టీరింగ్ వీల్ డోర్‌ప్యాడ్‌లపై సాఫ్ట్-టచ్ మెటీరియల్ కప్‌హోల్డర్‌లతో రియర్ సెంటర్ ఆర్మ్‌రెస్ట్	డ్యూయల్-టోన్ బ్లాక్ అండ్ లేత గోధుమరంగు క్యాబిన్ థీమ్ లేత గోధుమరంగు ఫ్యాబ్రిక్ సీట్ అప్హోల్స్టరీ Leatherette-చుట్టిన స్టీరింగ్ వీల్ డోర్‌ప్యాడ్‌లపై సాఫ్ట్-టచ్ మెటీరియల్ కప్‌హోల్డర్‌లతో రియర్ సెంటర్ ఆర్మ్‌రెస్ట్ ఫుట్‌వెల్ లైటింగ్
కంఫర్ట్ అండ్ కన్వెన్సెన్స్	సెమీ-డిజిటల్ డ్రైవర్ డిస్​ప్లే రియర్ వెంట్స్​తో ఆటో AC వైర్‌లెస్ ఫోన్ ఛార్జర్ కీలెస్ ఎంట్రీ పుష్-బటన్ స్టార్ట్​/స్టాప్ రిమోట్ ఇంజిన్ స్టార్ట్ (CVTతో మాత్రమే) ఆటో-అప్/డౌన్ డ్రైవర్-సైడ్ విండో ఎలక్ట్రికల్ అడ్జస్టబుల్ అండ్ ఫోల్డబుల్ అవుట్ సైడ్ రియర్​వ్యూ మిర్రర్స్ (ORVMs) PM2.5 ఫిల్టర్ హైట్-అడ్జస్టబుల్ డ్రైవర్ సీట్ టిల్డ్-అడ్జస్టబుల్ స్టీరింగ్ వీల్ డే/నైట్ ఇన్‌సైడ్ రియర్‌వ్యూ మిర్రర్స్ (IRVMs) ప్యాడిల్ షిఫ్టర్లు (CVTతో మాత్రమే)	కలర్డ్ మల్టీ-ఇన్ఫర్మేషన్ డిస్​ప్లే (MID)తో అనలాగ్ క్లస్టర్ రియర్ వెంట్స్​తో ఆటో AC సింగిల్-ప్యాన్ సన్‌రూఫ్ (సెగ్మెంట్-ఫస్ట్) ఆటో-అప్/డౌన్ డ్రైవర్-సైడ్ విండో క్రూయిజ్ కంట్రోల్ ఎలక్ట్రికల్ అడ్జస్టబుల్ అండ్ ఫోల్డబుల్ (ORVMs) వైర్‌లెస్ ఫోన్ ఛార్జర్ కీలెస్ ఎంట్రీ పుష్-బటన్ స్టార్ట్​/స్టాప్ హైట్-అడ్జస్టబుల్ డ్రైవర్ సీట్ టిల్డ్-అడ్జస్టబుల్ స్టీరింగ్ వీల్ డే/నైట్ IRVM
ఇన్ఫోటైన్‌మెంట్	8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ వైర్‌లెస్ ఆండ్రాయిడ్ ఆటో అండ్ యాపిల్ కార్‌ప్లే 6 స్పీకర్లు	9-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ వైర్‌లెస్ ఆండ్రాయిడ్ ఆటో అండ్ యాపిల్ కార్‌ప్లే 6-స్పీకర్ ఆర్కిమిస్-ట్యూన్డ్ సౌండ్ సిస్టమ్
సేఫ్టీ ఫీచర్లు	6 ఎయిర్‌బ్యాగ్‌లు (స్టాండర్డ్) అడ్వాన్స్​డ్ డ్రైవర్ అసిస్టెంట్ సిస్టమ్ (ADAS) రియర్‌వ్యూ అండ్ లేన్‌వాచ్ కెమెరా రియర్ పార్కింగ్ సెన్సార్స్ ట్రాక్షన్ కంట్రోల్ (TC)తో ఎలక్ట్రానిక్ స్టెబిలిటీ కంట్రోల్ (ESC) రియర్ డీఫాగర్ టైర్ ప్రెజర్ మానిటరింగ్ సిస్టమ్ (TPMS) ISOFIX చైల్డ్ సీట్ ఎంకరేజ్ యాంటీ-థెఫ్ట్ అలారం	6 ఎయిర్‌బ్యాగ్‌లు (స్టాండర్డ్) 360-డిగ్రీ కెమెరా (సెగ్మెంట్-ఫస్ట్) ESC రియర్ పార్కింగ్ సెన్సార్స్ రియర్ డీఫాగర్ అన్ని సీట్లకు 3-పాయింట్ సీట్‌బెల్ట్‌లు అన్ని సీట్లకు సీట్‌బెల్ట్ రిమైండర్ టైర్ ప్రెజర్ మానిటరింగ్ సిస్టమ్ (TPMS) ISOFIX చైల్డ్ సీట్ ఎంకరేజ్ యాంటీ-థెఫ్ట్ అలారం

2024 Honda Amaze vs 2024 Maruti Dzire: ధర

2024 హోండా అమేజ్	2024 మారుతి డిజైర్
రూ.8 లక్షల నుంచి రూ.10.90 లక్షలు	రూ.6.79 లక్షల నుంచి రూ.10.14 లక్షలు

ఈ టేబుల్​ను బట్టి కొత్త మారుతి డిజైర్ కంటే న్యూ హోండా అమేజ్ ఖరీదైనదని తెలుస్తోంది. డిజైర్ బేస్ వేరియంట్ ధర.. అమేజ్ బేస్ వేరియంట్ కంటే దాదాపు రూ. 1.21 లక్షలు తక్కువగా ఉంది. అదే సమయంలో ఫీచర్​-లోడెడ్ మారుతి డిజైర్ టాప్ వేరియంట్ కూడా హోండా అమేజ్ టాప్ వేరియంట్ కంటే దాదాపు రూ.76,000 తక్కువ.