ఇంజినీరింగ్​ కౌన్సెలింగ్​ షెడ్యూల్​లో మార్పు - కొత్త తేదీలు ఇవే - TGEAPCET 2024 Counselling postponed

TGEAPCET 2024 Counselling Postponed : రాష్ట్రంలో ప్రభుత్వ, ప్రైవేట్‌ ఇంజినీరింగ్‌ కళాశాలల్లో బీటెక్‌/ బీఈ సీట్ల భర్తీకి నిర్వహించాల్సిన టీజీఈఏపీసెట్​ 2024 కౌన్సెలింగ్‌ షెడ్యూల్‌లో మార్పులు చోటుచేసుకున్నాయి. జూన్‌ 27 నుంచి ప్రారంభం కావాల్సిన షెడ్యూల్​ వాయిదా పడింది. జులై 4 నుంచి తొలి విడత ప్రవేశాల ప్రక్రియ ప్రారంభం కానుంది.

TGEAPCET 2024 Counselling Dates Change : తెలంగాణ ఈఏపీసెట్​ ఇంజినీరింగ్​ ప్రవేశాల ప్రక్రియను వాయిదా వేస్తున్నట్లు ఉన్నత విద్యామండలి ప్రకటించింది. ప్రవేశాల ప్రక్రియలో భాగంగా ఇంజినీరింగ్​ కోర్సుల కౌన్సిలింగ్​ ప్రక్రియ ఈనెల 27 నుంచి ప్రారంభం కావాల్సి ఉంది. అయితే టెక్నికల్​ ఇనిస్టిట్యూషన్లకు జూన్​ 30 వరకు అనుమతులు ఇవ్వాలని ఆల్​ ఇండియా కౌన్సిల్​ ఆఫ్​ టెక్నికల్​ ఎడ్యుకేషన్​ నిర్ణయం నేపథ్యంలో సాంకేతిక విద్యా కమిషనర్​ కొత్త షెడ్యూల్​ను ప్రకటించారు. దీని ప్రకారం ఈనెల 27 నుంచి ప్రారంభం కావాల్సిన ఇంజినీరింగ్​ ప్రవేశాల ప్రక్రియ జులై 4 నుంచి ప్రారంభం కానున్నాయి.

కౌన్సెలింగ్​ ప్రక్రియ విధానం : మొత్తం మూడు విడతల్లో కౌన్సిలింగ్​ ప్రక్రియను పూర్తి చేయనున్నారు. జులై 4న తొలి విడత కౌన్సిలింగ్​ ప్రారంభం కానుంది. జులై 6 నుంచి 13 వరకు సర్టిఫికేట్​ వెరిఫికేషన్​ నిర్వహించనున్నారు. జులై 8 నుంచి 15 వరకు వెబ్​ ఆప్షన్లకు అవకాశం ఇచ్చి జులై 19న తొలివిడత సీట్ల కేటాయింపు పూర్తి చేయనున్నారు. ఇక జులై 26 నుంచి రెండో విడత కౌన్సిలింగ్​ ప్రారంభం కానుంది. జులై 27న సర్టిఫికేట్​ వెరిఫికేషన్​, జులై 27,28 తేదీల్లో వెబ్​ ఆప్షన్లకు అవకాశం ఇవ్వనున్నారు. జులై 31న రెండో విడత సీట్ల కేటాయింపు పూర్తి చేస్తారు.

ఆగస్టు 8 నుంచి మూడో విడత కౌన్సిలింగ్​ ప్రక్రియను ప్రారంభించి ఆగస్టు 9న సర్టిఫికేట్​ వెరిఫికేషన్​ చేయనున్నారు. అదే రోజు నుంచి ఆగస్టు 10 వరకు వెబ్​ ఆప్షన్లకు అవకాశం ఇచ్చి ఆగస్టు 13న ఆఖరి ఫేజ్​ సీట్ల కేటాయింపు పూర్తి చేయనున్నారు. కన్వీనర్​ కోటా ఇంటర్నల్​ స్లైడింగ్​కి ఆగస్టు 21, 22 తేదీల్లో అవకాశం కల్పించి ఆగస్టు 26న సీట్ల కేటాయింపు పూర్తి చేయనున్నారు. ఆగస్టు 28న స్పాట్​ అడ్మిషన్లు గైడ్​ లైన్స్​ విడుదల చేయనున్నట్లు కమిషనర్​ టెక్నికల్​ ఎడ్యుకేషన్​ కన్వీనర్​ బుర్రా వెంకటేశం ప్రకటించారు.

TGEAPCET New Councelling Dates :

• తొలివిడత కౌన్సిలింగ్​ : జులై 4న తొలి విడత కౌన్సిలింగ్​ ప్రారంభం. జులై 6 నుంచి 13 వరకు సర్టిఫికేట్​ వెరిఫికేషన్​ చేయనున్నారు. జులై 8 నుంచి 15 వరకు వెబ్​ ఆప్షన్లకు అవకాశం. జులై 19న తొలి విడత సీట్ల కేటాయింపు పూర్తి.
• రెండో విడత కౌన్సిలింగ్​ : జులై 26 నుంచి రెండో విడత కౌన్సిలింగ్​ ప్రారంభం. జులై 27న సర్టిఫికేట్​ వెరిఫికేషన్​. జులై 27,28 తేదీల్లో వెబ్​ ఆప్షన్లకు అవకాశం. జులై 31న రెండో విడత సీట్ల కేటాయింపు పూర్తి.
• మూడో విడత కౌన్సిలింగ్​ : ఆగస్టు 8 నుంచి మూడో విడత కౌన్సిలింగ్​ ప్రక్రియ ప్రారంభం. ఆగస్టు 9న సర్టిఫికేట్​ వెరిఫికేషన్​. అదే రోజు నుంచి ఆగస్టు 10 వరకు వెబ్​ ఆప్షన్లకు అవకాశం. ఆగస్టు 13న ఆఖరి ఫేజ్​ సీట్ల కేటాయింపు పూర్తి.
• కన్వీనర్​ కోటా ఇంటర్నల్​ స్లైడింగ్​ ఆగస్టు 21,22 తేదీల్లో, ఆగస్టు 26న సీట్ల కేటాయింపు పూర్తి.
• ఆగస్టు 28న స్పాట్​ అడ్మిషన్లు గైడ్​ లైన్స్​ విడుదల