సినీనటి హేమపై నిషేధం ఎత్తివేత - మా అసోసియేషన్​ కీలక నిర్ణయం - MAA Lifted Actress Hema Suspension

MAA Lifted Actress Hema Suspension : మా అసోసియేషన్​ నటి హేమపై విధించిన సస్పెన్షన్​ను ఎత్తివేసింది. ఈ మేరకు ఆమెపై విధించిన సస్పెన్షన్​ను తొలగిస్తున్నట్లు మా అసోసియేషన్​ అధికారికంగా ప్రకటించింది. మా అధ్యక్షుడు మంచు విష్ణు ప్రతిపాదనతో ఎగ్జిక్యూటివ్​ కమిటీ ఏకగ్రీవ ఆమోదంతో హేమపై సస్పెన్షన్​ను ఎత్తివేస్తున్నట్లు తెలిపింది.

MAA Association Lifted the Ban on Actress Hema : ప్రముఖ సినీనటి హేమపై విధించిన సస్పెన్షన్​ను మూవీ ఆర్టిస్ట్​ అసోసియేషన్​ ఎత్తేసింది. ఈ మేరకు ఆమెపై విధించిన సస్పెన్షన్​ను తొలగిస్తున్నట్లు మా అసోసియేషన్​ అధికారికంగా ప్రకటించింది. మా అధ్యక్షుడు మంచు విష్ణు ప్రతిపాదనతో ఎగ్జిక్యూటివ్​ కమిటీ ఏకగ్రీవ ఆమోదంతో హేమపై సస్పెన్షన్​ను ఎత్తివేస్తున్నట్లు తెలిపింది. బెంగళూరులో డ్రగ్స్​ కేసుకు సంబంధించి ఆరోపణలు రావడంతో కొంతకాలం హేమపై మా అసోసియేషన్​ సస్పెన్షన్ విధించింది.

ఈ విషయంపై ఎగ్జిక్యూటివ్​ కమిటీలో చర్చించిన సభ్యులు హేమపై వచ్చిన ఆరోపణల్లో నిజం లేదని తేలింది. దీంతో ఆమెపై విధించిన సస్పెన్షన్​ను తక్షణమే తొలగిస్తున్నట్లు వెల్లడించింది. అయితే ఈ విషయంలో మీడియాలో ఎక్కడా మాట్లాడకూడదని, ఇందుకు సంబంధించిన విషయాలను ప్రస్తావించకూడదని మా అసోసియేషన్​ హేమకు సూచించింది.

ఇది అసలు కథ : మూడు నెలల క్రితం జరిగిన కర్ణాటకలోని బెంగళూరు శివారు ప్రాంతంలో ఓ రేవ్​ పార్టీ జరిగిన విషయం అందరికీ తెలిసిందే. ఈ పార్టీలో సినీ నటి హేమ పోలీసులకు పట్టుబడిన విషయం కూడా విదితమే. ఆ పార్టీకి ఏపీ, బెంగళూరుకు చెందిన 100 మందికి పైగా ప్రముఖులు హాజరయ్యారు. వారిలో సినీ రంగానికి చెందిన కొందరు నటులు, బుల్లితెర నటులు, మోడల్స్​ ఉన్నట్లు అప్పట్లో పోలీసులు పేర్కొన్నారు. ఈ రేవ్​ పార్టీలో 17 గ్రాముల ఎండీఎంఏ పిల్స్​, కొకైన్​ లాంటి మత్తు పదార్థాలను స్వాధీనం చేసుకున్నారు. మొత్తం 103 మందిలో 86 మందికి డ్రగ్ పాజిటివ్​గా తేలింది. వారిలో నటి హేమ ఉన్నారని అప్పట్లో పుకార్లు వచ్చాయి.

బహిరంగ పరీక్షలకు సిద్ధం : ఈ రేవ్​ పార్టీపై స్పందిస్తూ మొదట్లో నటి హేమ డ్రగ్స్​లో తాను దొరికానన్న వార్తలు అవాస్తవమని ఓ వీడియోను రిలీజ్​ చేశారు. అందులో ఆమె హైదరాబాద్​లోని ఓ రిసార్టులో చిల్​ అవుతున్నట్లు ఉంది. అయితే డ్రగ్స్​ రేవ్​ పార్టీపై మీడియా సమావేశం నిర్వహించిన బెంగళూరు నగర పోలీసు కమిషనర్​ నటి హేమ పాల్గొన్నారని స్పష్టం చేశారు. మళ్లీ ఈ మధ్య వీటన్నింటికీ పుల్​ స్టాప్​ పెడుతూ మరో వీడియోను విడుదల చేశారు. రేవ్​ పార్టీకి సంబంధించిన విషయంలో అన్ని పరీక్షలు చేయించుకున్నానని అన్నిట్లో నెగిటివ్​ వచ్చినట్లు ఆమె స్పష్టం చేశారు. ఈ విషయాన్ని టీవీ ఛానళ్లకు వివరించానని తెలిపారు.

అవసరం అయితే తాను బహిరంగంగా టెస్టులు చేయించుకునేందుకు సిద్ధమని అన్నారు. ఇప్పటికైనా అనవసరమైన ఆరోపణలు మానుకోవాలని కోరారు. ఇదే సమయంలో తెలంగాణ సీఎం రేవంత్​, డిప్యూటీ సీఎం పవన్​ కల్యాణ్​ను కలవాలనుకుంటున్నానని, అపాయింట్​ కావాలని అడుగుతున్నానని అన్నారు. గత 35 సంవత్సరాలుగా సంపాదించుకున్న పరువు మొత్తం పోయిందని ఆవేదన వ్యక్తం చేశారు.