Lord Ram Name Tattoo In Chhattisgarh Ramnami Samaj : ఛత్తీస్‌గఢ్‌లో ప్రధాన గిరిజన తెగ రామనామీలు. వీరు మహానది ఒడ్డున ఉన్న గ్రామాల్లో నివసిస్తున్నారు. అయితే ఈ రామనామి తెగ ప్రత్యేకత ఏంటంటే ఈ తెగలోని ప్రతి ఒక్కరు తమ శరీరంలోని ప్రతి భాగంలోనూ శ్రీరాముడి పేరును పచ్చబొట్టుగా వేయించుకుంటారు. అయితే ఇలా రాముడి పేరును పచ్చబొట్టుగా వేయించుకోవానికి చరిత్రకారులు ఒక కథను చెబుతుంటే, పురాణాల్లో మరొక కథనం ఉందట.
Chhattisgarh Ramnami Samaj Tattoos : పూర్వకాలంలో రామ-నామి సమాజం అంటరాని తనం ఉద్యమంలోని ఉపశాఖగా భావించే వారట. ఈ తెగవారిని అప్పట్లో శ్రీరాముని ఆలయంలోకి అనుమతించకపోవడంతో ఒక గిరిజన పెద్ద తన వంటిపై శ్రీరాముడి పేరును నుదిటిపై పచ్చబొట్టు వేసుకున్నారు. తమ నుంచి రాముడిని వేరు చేయలేరని చెప్పారట. అప్పటి నుంచి ఈ సంప్రదాయం నేటికీ పాటిస్తున్నారని ఒక కథనం వెలుగులో ఉంది.
అయోధ్యకు చేరుకున్న ప్రధాని మోదీ- రామాలయానికి చేరుకున్న అమితాబ్, రజినీకాంత్ సహా ప్రముఖులు
Ramnami Tribe Ram Tattoos : పురాణాల్లో మాత్రం గిరిజన తెగకు చెందిన పరశురామ్ భరద్వాజ్ ఈ సంప్రదాయాన్ని ప్రారంభించారు. ఆయన 19 శతాబ్దం మధ్యకాలంలో ఛత్తీస్‌గఢ్‌లోని జంజ్‌గిర్-చంపా జిల్లాలోని చర్పారా గ్రామంలో జన్మించారు. చిన్నతనంలో రామాయణ కథల నుంచి ఎంతో స్ఫూర్తి పొందారు. చిన్నతనంలోనే తండ్రి దగ్గర వ్యవసాయ కూలీగా పనిచేయడం ప్రారంభించి 12 ఏళ్లకే పెళ్లి చేసుకున్నారు.
పరశురాం రామాయణంలోని కథలను అర్థం చేసుకోవడానికి, వాటి అర్థాలను అర్థం చేసుకోవడానికి చదవడం, రాయడం నేర్చుకున్నారు. పరశురాముడు కుష్టు వ్యాధి బారిన పడ్డారనీ. ఆ సమయంలో, అతను ఒక సాధువును కలుసుకోగా ఆయన పరశురాముణ్ని రామాయణం పఠించమని సూచించినట్లు పురాణాలు చెబుతున్నాయి. సాధువు చెప్పినట్లు చేయగానే మరుసటి రోజు నుంచి అతని ఆరోగ్యంలో మార్పులు వచ్చాయని పరశురాముడి శరీరంపై ‘రామ్-రామ్’ అనే పదం పచ్చబొట్టు రూపంలో కనిపించిందని కథనం ఉంది.
హైదరాబాద్ నుంచి బంగారు పాదుకలు, ఛత్తీస్‌గఢ్‌ నుంచి 3లక్షల కిలోల బియ్యం- రాఘవుడికి ఎన్నో కానుకలు
Ramnami Community In Chhattisgarh : అప్పటి నుంచి అతడిని అనుసరిస్తూ ఈ తెగకు చెందిన మిగతా ప్రజలంతా శరీరంపై శ్రీరాముడి పేరును పచ్చబొట్టుగా వేయించుకోవడం ప్రారంభించారు. సాక్షాత్తు రాముడు తమలో అవహించాడు అంటూ ఒళ్లంతా రామ నామాన్ని పొడిపించుకుంటున్నారు. కనురెప్పలను రామనామంతో నింపేస్తారనీ అంటారు. అంతేకాకుండా ఈ రామనామి తెగ ప్రజలు చాలా ప్రశాంతంగా జీవిస్తారు. కేవలం రామనామాన్ని పచ్చబొట్టుగా పొడిపించుకోవడమే కాదు. వారి జీవన విధానంలోని ప్రతీ పనిని, ప్రతి శుభకార్యాన్ని రామ నామంతోనే ముడి పెడతారు.
Ram Name Tattoos - Ramnami Community : ఇప్పుడు ఈ తెగ ప్రజలు కూడా ఆలయానికి వెలుతున్నారు. ఇప్పుడు పరిస్థితి మారిపోయింది కాని రామ్ పేరు రాయించుకుని సంప్రదాయం ఈ రోజు వరకు మారలేదు. “రామ్” అని ముద్రించిన శాలువాలు, నెమలి ఈకలతో చేసిన తలపాగా ధరిస్తారు. ఈ శాఖకు చెందినవారు మద్యపానం, ధూమపానం చేయరు. ప్రతిరోజూ రామ్ నామాన్ని జపిస్తారు. అయితే కాలంలో వస్తున్నా మార్పుల్లో భాగంగా నేటి తరం వారు క్రమ క్రమంగా రామ్ నామాన్ని పచ్చబొట్టుగా వేయించుకునేవారి సంఖ్య తగ్గుతున్నట్లు తెలుస్తోంది.
వివాదం నుంచి ప్రాణ ప్రతిష్ఠ వరకు - 500 ఏళ్ల రామమందిరం కలలో అడ్డుంకులెన్నో
ఇనుము వాడకుండా రామాలయ నిర్మాణం- ఫస్ట్ ఫ్లోర్లో శ్రీరామ దర్బార్- ఆలయ ప్రత్యేకతలివే
