KTR Tweet on The Economist Magazine Article : రాష్ట్ర ప్రగతి, సక్సెస్ఫుల్ మోడల్పై 'ది ఎకనమిస్ట్ మ్యాగజైన్ కథనం'పై బీఆర్ఎస్ కార్యనిర్వాహక అధ్యక్షుడు కేటీఆర్ స్పందించారు. ఇప్పటికైనా పదేళ్ల తెలంగాణ ప్రగతి ప్రస్థానంపైన బురద జల్లడం మానుకోవాలని సూచించారు. అభివృద్ధి యజ్ఞాన్ని ముందుకు తీసుకుపోవాలని కాంగ్రెస్ ప్రభుత్వానికి కేటీఆర్ సూచనలు చేశారు. ఈ మేరకు ఎక్స్ వేదికగా ట్వీట్ చేశారు.
ప్రపంచ ప్రఖ్యాత మ్యాగజైన్లు సైతం తెలంగాణ పదేళ్ల ప్రగతి ప్రస్థానాన్ని గొప్పగా కొనియాడుతున్న నేపథ్యంలో, ఇకనైనా కాంగ్రెస్ పాలకులు బీఆర్ఎస్ చేసిన అభివృద్ధిపై తప్పుడు ప్రచారాలు నిలిపివేస్తారని ఆశిస్తున్నానంటూ కేటీఆర్ తెలిపారు. బీఆర్ఎస్ సాధించిన అభివృద్ధిని ఎలాంటి అడ్డంకులు లేకుండా కాంగ్రెస్ ప్రభుత్వం ముందుకు తీసుకెళ్తుందని ఆశిస్తున్నానంటూ పేర్కొన్నారు.
"ఇప్పటికైనా పదేళ్ల తెలంగాణ ప్రగతి ప్రస్థానం పైన బురద జల్లడం మానుకోవాలి. అభివృద్ధి యజ్ఞాన్ని ముందుకు తీసుకుపోవాలని కాంగ్రెస్ ప్రభుత్వానికి సూచన. ప్రపంచ ప్రఖ్యాత మ్యాగజైన్లు సైతం తెలంగాణ పదేళ్ల ప్రగతి ప్రస్తానాన్ని గొప్పగా కొనియాడుతున్న నేపథ్యంలో, ఇకనైనా కాంగ్రెస్ పాలకులు బీఆర్ఎస్ చేసిన అభివృద్ధిపై తప్పుడు ప్రచారాలు నిలిపివేస్తారని ఆశిస్తున్నాను. బీఆర్ఎస్ సాధించిన అభివృద్ధిని ఎలాంటి ఆటంకం లేకుండా ముందుకు తీసుకెళ్లాలని ఆశిస్తున్నాను." - కేటీఆర్ ట్వీట్
తెలంగాణ ప్రభుత్వం సాధించిన విజయాలను పొందుపర్చిన మ్యాగజైన్ : కొత్త రాష్ట్రమైన తెలంగాణ పదేళ్లలో అద్భుతమైన ప్రగతిని సాధించి మరిన్ని కొత్త రాష్ట్రాలు ఏర్పాటు చేసేందుకు ఒక సక్సెస్ ఫుల్ మోడల్ అయిందంటూ ఎకనమిస్ట్ కథనం పేర్కొంది. దీనికి తెలంగాణ సాధించిన విజయాల గణాంకాలను ఉదహరించింది. తెలంగాణ ఏర్పడిన నాటికి స్థాపిత విద్యుత్ సామర్థ్యం 7.8 గిగావాట్ల నుంచి 19.3 గిగావాట్లకు పెరిగింది. ఐటీ ఎగుమతులు 2014 నుంచి 2023 వరకు 9 ఏళ్లలో నాలుగు రెట్లు పెరిగాయి. ఐటీ ఉద్యోగాలు దాదాపు మూడు రెట్లు పెరిగి తొమ్మిది లక్షలకు చేరుకున్నాయి. రాష్ట్రం ఏర్పడిన 10 సంవత్సరాల లోపు దేశ జీడీపీ 4.1 నుంచి 4.9 శాతానికి తెలంగాణ వాటా పెరిగిందని ఎకానమిస్ట్ ఒక కథనంలో తెలిపింది.
నీట్‌పై ఎన్డీయే ప్రభుత్వం ఎందుకు నిర్లక్ష్యంగా వ్యవహరిస్తోంది?: కేటీఆర్ - KTR Tweet On NEET Exam
