Indian Army TES Notification 2024 : ఇంటర్మీడియట్ ఎంపీసీ గ్రూపు విద్యార్థులు ఉచితంగా బీటెక్ చదువుకుని, లెఫ్టినెంట్ హోదాతో ఆర్మీలో ఉద్యోగంలో చేరే అవకాశం వచ్చింది. ఇందుకు ఇండియన్ ఆర్మీ 10+2 టెక్నికల్ ఎంట్రీ స్కీమ్ (టీఈఎస్) నోటిఫికేషన్ దారి చూపుతుంది. ఈమేరకు జులై 2025లో ప్రారంభమయ్యే 53వ టీఈఎస్ కోర్సు శిక్షణలో ప్రవేశాలకు సంబంధించి అవివాహిత పురుష అభ్యర్థుల నుంచి ఇండియన్ ఆర్మీ అప్లికేషన్లను ఆహ్వానిస్తోంది. సెలెక్ట్ అయిన వారికి బీటెక్ కోర్సు సహా లెఫ్టినెంట్ కొలువులకు ఉచిత శిక్షణ అందుతుంది. జాబ్లో చేరినవారికి నెలకు లక్ష రూపాయల వేతనం లభిస్తుంది. ఇందుకోసం అర్హతగల అభ్యర్థులు నవంబర్‌ 6వ తేదీలోగా ఆన్లైన్ విధానంలో అప్లై చేసుకోవాలి.
ఆర్మీ(టీఈఎస్) నోటిఫికేషన్ వివరాలు :
*టెక్నికల్ ఎంట్రీ స్కీమ్ 52 కోర్సు (టీఈఎస్)- జులై 2025
ఖాళీలు : 90
అర్హత :
గుర్తింపు పొందిన ఎడ్యుకేషన్‌ బోర్డు నుంచి కనీసం 60% మార్కులతో ఇంటర్మీడియట్/10+2 (ఫిజిక్స్, కెమిస్ట్రీ, మ్యాథమెటిక్స్‌) లేదా దానికి సమానమైన పరీక్షతో పాటు జేఈఈ (మెయిన్స్) 2024 స్కోర్ తప్పనిసరి. నిర్దిష్ట శారీరక ప్రమాణాలు కలిగి ఉండాలి.
వయస్సు :
16.5 ఏళ్ల నుంచి 19.5 ఏళ్ల మధ్య ఉండాలి. అంటే జనవరి 2, 2006 - జనవరి 1, 2009 మధ్య జన్మించినవారే అర్హులు.
ఎంపిక విధానం :
జేఈఈ (మెయిన్స్) స్కోరు, స్టేజ్-1, స్టేజ్-2 ఎగ్జామ్స్, ఇంటర్వ్యూ, మెడికల్ ఎగ్జామినేషన్ తదితరాల ఆధారంగా.
కోర్సు, శిక్షణ :
మొత్తం అయిదేళ్లు కోర్సు, ట్రైనింగ్ కొనసాగుతుంది. ఇందులో ఏడాది పాటు బేసిక్‌ మిలిటరీ శిక్షణ, నాలుగేళ్లు టెక్నికల్‌కు సంబంధించి ట్రైనింగ్ ఇస్తారు. శిక్షణ, కోర్సు విజయవంతంగా పూర్తిచేసుకున్నవారికి ఇంజినీరింగ్‌ (బీఈ/ బీటెక్) డిగ్రీ పట్టా అందజేస్తారు.
ఆన్లైన్ అప్లికేషన్కు చివరి తేదీ : 06-11-2024.
ప్రధానాంశాలు :
* 10+2 టెక్నికల్ ఎంట్రీ స్కీమ్ కోర్సు శిక్షణలో ఎంట్రీకి సంబంధించి అవివాహిత పురుష అభ్యర్థుల నుంచి ఇండియన్ ఆర్మీ దరఖాస్తులను ఆహ్వానిస్తోంది.
* అర్హులైన అభ్యర్థులు నవంబర్‌ 6వ తేదీలోగా ఆన్లైన్ మోడ్లో మాత్రమే దరఖాస్తు చేసుకోవాలి.
- ఈ నోటిఫికేషన్ మరిన్ని వివరాల కోసం ఈ కింది లింక్ క్లిక్ చేయండి.
