Frog in Chicken Biryani in Hyderabad IIIT Mess : బిర్యానీ అంటే ఎవరికి నచ్చదు చెప్పండి. ఇంట్లో ఏ చిన్న వేడుక జరిగినా బిర్యానీ లేనిదే ముద్ద దిగదు. బిర్యానీ అంటేనే ఓ ఎమోషన్. బిర్యానీ ముఖ్యంగా ఫిష్ బిర్యానీ, మటన్ బిర్యానీ, ప్రాన్స్ బిర్యానీ, కుండ బిర్యానీ, దమ్ బిర్యానీ అంటూ ప్రాంతంతో సంబంధం లేకుండా ప్రతి ఒక్కరూ ఎంచక్కా లాగించేస్తుంటారు. బిర్యానీ అంటే కేవలం హైదరాబాద్కు మాత్రమే పరిమితం కాదు అన్నట్లు బిర్యానీ రెసిపీలను తయారు చేస్తారు. అందులోనూ చికెన్ బిర్యానీ అంటే చిన్నవారి నుంచి పెద్దవారి వరకు యమ క్రేజ్గా యమ్మీ యమ్మీ అంటూ లాగించేస్తుంటారు.
సాధారణంగా చికెన్ బిర్యానీ వండాలంటే చికెన్తో పాటు లవంగాలు, దాల్చిన చెక్క వంటి సుగంధ ద్రవ్యాలుతో పాటు కొత్తి మీర, పుదీనా, నెయ్యి వేసి చేస్తుంటారు. ఇవి అన్ని పెనంలో పడిన తర్వాత చికెన్ బిర్యానీకి వచ్చే టేస్టే అదరహో అనిపిస్తుంది. కానీ అవేమీ కాకుండా ఈ మధ్య జెర్రెలు, బల్లులు, బొద్దింకలతో కొందరు చికెన్ బిర్యానీ చేస్తున్నారు. ఇలాంటివి చాలా చోట్లనే జరుగుతున్నాయి. ఆ మధ్య హైదరాబాద్లోని ఓ రెస్టారెంట్లో చికెన్ బిర్యానీ జెర్రీ వచ్చిందన్న వార్త సోషల్ మీడియాతో హల్చల్ సృష్టించింది. ఆ జెర్రీ విషయాన్ని మర్చిపోకముందే, బిర్యానీలో చనిపోయిన కప్ప అంటూ ఓ ఫొటో సోషల్ మీడియాలో వైరల్గా మారింది.
చికెన్ బిర్యానీలో కప్ప : హైదరాబాద్లోని గచ్చిబౌలి ట్రిపుల్ ఐటీ మెస్లో ఈ తంతు వెలుగు చూసింది. ఈ నెల 16న విద్యార్థులకు మెస్లో చికెన్ బిర్యానీ వడ్డిస్తుండగా అందులో కప్ప ప్రత్యక్షమైంది. పైగా ఆ కప్ప బతికి లేదు. చనిపోయి ఉంది. ఆ ఫొటోను చూస్తే ఏకంగా బిర్యానీతో పాటు వండేసినట్లు తెలుస్తోంది. దీంతో ఒక్కసారిగా విద్యార్థులు కంగుతిన్నారు. ఆ షాక్ నుంచి తేరుకొని మెస్ ఇన్ఛార్జికి వెళ్లి ఫిర్యాదు చేశారు. ఈ ఫొటోను ఎవరో విద్యార్థి సోషల్ మీడియా వేదిక (ఎక్స్)గా షేర్ చేశారు. బాధ్యులపై చర్యలు తీసుకోవాలని విద్యార్థులు డిమాండ్ చేశారు. సోషల్ మీడియాలో షేర్ చేయడంతో ప్రస్తుతం చికెన్ బిర్యానీలో కప్ప అని వైరల్ అవుతుంది. ఈ ఘటన ఆలస్యంగా వెలుగులోకి వచ్చింది.
పాడైపోయిన మటన్‌తో బిర్యానీ - అల్ఫా హోటల్‌కు ఫైన్ - SECUNDERABAD ALPHA HOTEL FINED
