Fire accident in Transport Container in Zaheerabad : సంగారెడ్డి జిల్లా జహీరాబాద్ బైపాస్ రోడ్డులో భారీ అగ్నిప్రమాదం చోటుచేసుకుంది. కార్లు తరలిస్తున్న కంటైనర్లో ప్రమాదవశాత్తు మంటలు చెలరేగి భారీగా మంటలు ఎగిసిపడ్డాయి. దీంతో కంటైనర్లో తరలిస్తున్న 8 కార్లు కాలి బూడిదయ్యాయి. టాటా నెక్సన్ మోడల్కు చెందిన కార్లను ముంబయి నుంచి హైదరాబాద్ రవాణా చేస్తుండగా బైపాస్ రోడ్డులో రంజోల్ వద్ద అగ్నిప్రమాదం జరిగింది.
జహీరాబాద్ అగ్నిమాపక శాఖ ఫైర్ ఇంజిన్ సహా మహేంద్ర అండ్ మహీంద్రా కర్మాగారం ఫైర్ ఇంజిన్ సిబ్బంది తొలుత ప్రయత్నించినా మంటలు అదుపులోకి రాలేదు. ఈ క్రమంలో ముంబయి - హైదరాబాద్ 65వ నంబర్ జాతీయ రహదారిపై భారీగా రాకపోకలు స్తంభించాయి. ప్రమాదంలో అగ్నికీలలు ఎగిసిపడి కార్లలోని సామగ్రి భారీ శబ్దాలతో గాల్లోకి ఎగిరి పడ్డాయి.
Fire Explosion in Jubilee Hills : ఆదివారం హైదరాబాద్ జూబ్లీహిల్స్ రోడ్‌ నెంబర్‌-9లో భారీ పేలుడు సంభవించింది. తెలంగాణ స్పైసీ కిచెన్‌ రెస్టారెంట్‌లో కంప్రెసర్‌ పేలడంతో ప్రహారి కూలిపోయింది. దీంతో రాళ్లు ఎగిరిపడి పక్కనే ఉన్న దుర్గాభవాని నగర్‌ బస్తీలో పడడంతో ఇళ్లు పూర్తిగా ధ్వంసమయ్యాయి. ఈ ఘటనలో ఓ యువతికి రాళ్లు తగలడంతో గాయాలయ్యాయి. ప్రమాదం సమయంలో బస్తీ వాసులు నిద్రపోతుండటంతో తీవ్రత తగ్గినట్లు చెబుతున్నారు. ఎమ్మెల్యే దానం నాగేందర్‌ ఘటనాస్థలికి చేరుకుని బాధితులకు భరోసా ఇచ్చారు. ప్రమాదానికి గల కారణాలపై క్లూస్‌ టీమ్‌, బాంబ్‌స్క్వాడ్‌ ఆధారాలు సేకరించారు. ఈ పూర్తి వార్త కోసం ఇక్కడ క్లిక్ చేయండి.
Fire Accident in Jewellery Shop in Khammam : శనివారం ఖమ్మం జిల్లా ఇల్లందులో పూజ జ్యువెల్లరీ దుకాణంలో అగ్నిప్రమాదం జరిగింది. స్థానికుల సమాచారం మేరకు జ్యువెల్లరీ షాప్ యజమాని, అగ్నిమాపక సిబ్బంది హుటాహుటిన ఘటనాస్థలానికి చేరుకుని మంటలను అదుపు చేశారు. ఈ అగ్నిప్రమాదంలో సీసీటీవీ కెమెరాలతోపాటు ఒక టీవీ, కొంత ఫర్నిటచర్ దగ్ధమైంది. సుమారు రూ.1.5 లక్షల ఆస్తి నష్టం వాటిల్లినట్లు అగ్నిమాపక శాఖ అధికారులు తెలిపారు. విద్యుదాఘాతం వల్లే అగ్నిప్రమాదం జరిగినట్లు బాధితులు చెప్పారు.
హైదరాబాద్లో మరో అగ్నిప్రమాదం - బాణసంచా పేలి దంపతులు మృతి
పెట్రోల్ పోస్తుండగా నిప్పంటించిన ఆకతాయిలు - ఆ తరువాత ఏమైందంటే?
