CM Revanth on Gulf Board : రాష్ట్రంలో 15 లక్షల కుటుంబాలు గల్ఫ్ ఉపాధిపై ఆధారపడి ఉన్నాయని సీఎం రేవంత్రెడ్డి(CM Revanth) పేర్కొన్నారు. గల్ఫ్ కార్మికులకు ఆదుకునేందుకు రాష్ట్రప్రభుత్వం సెప్టెంబర్ 17 లోగా ప్రత్యేక కార్యాచరణతో, తెలంగాణ గల్ఫ్ ఓవర్సీస్‌ వర్కర్స్‌ వెల్ఫేర్‌ బోర్డు పెట్టాలని నిర్ణయించినట్లు తెలిపారు. గల్ఫ్ కార్మికుల సహాయార్థం ప్రజాభవన్‌లో(Praja bhavan) ప్రత్యేక కార్యాలయం ఏర్పాటు చేస్తామన్నారు. 24గంటలు పనిచేసే ఓ టోల్ ఫ్రీ నంబరు ఏర్పాటు చేసి సమస్యల పరిష్కారానికి కృషి చేసే వ్యవస్థను ఏర్పాటు చేస్తామన్నారు.
కేరళలో సీఎం రేవంత్ రెడ్డి పర్యటన - రెండ్రోజుల పాటు లోక్సభ ఎన్నికల ప్రచారం - lok sabha election 2024
ఉపాధి కోసం వెళ్లిన వారి వేతనాలు, బాగోగులు కూడా ప్రభుత్వం చూసుకోవాలని, కొన్ని దేశాలు, రాష్ట్రాలు అవలంభిస్తున్న విధానంపై అధ్యయనం చేస్తున్నట్లు సీఎం రేవంత్ పేర్కొన్నారు. ఏజెంట్ల బారిన పడి కొందరు, యాజమాన్యం చేతిలో మరికొందరు కార్మికులు ఇబ్బంది పడుతున్నారని, ఫిలిప్పీన్, కేరళ విదేశీ విధానాలను స్పష్టంగా అధ్యయనం చేశామని సీఎం రేవంత్రెడ్డి పేర్కొన్నారు.
CM REVANTH MEET GULF TRADERS : కార్మికుల హక్కులు కాపాడేందుకు ఫిలిప్పిన్స్ ఆ దేశమే, ఇతర దేశాల వ్యవస్థలతో మాట్లాడుతోందని, ఆ తరహాలో తెలంగాణ ప్రభుత్వం కూడా సమగ్ర విధానం రూపొందిస్తుందని రేవంత్రెడ్డి హామీ ఇచ్చారు. రైతుబీమా తరహాలో గల్ఫ్ కార్మికులు చనిపోతే రూ.5 లక్షలు ఇవ్వాలని ఇప్పటికే నిర్ణయించినట్లు పేర్కొన్నారు. గల్ఫ్ ఏజెంట్లకు చట్టబద్ధత ఉండేలా చర్యలు తీసుకుంటామన్నారు. గల్ఫ్ కార్మికులకు వారం రోజుల పాటు శిక్షణ కూడా ఇచ్చేలా వ్యవస్థ ఉండేలా చూస్తామన్నారు.
ఎన్ఆర్ఐ ఆస్తులను రక్షించే అంశాన్ని కూడా పరిశీలిస్తున్నామని రేవంత్రెడ్డి పేర్కొన్నారు, ఎన్ఆర్ఐ కుటుంబాలకు ఎలాంటి వైద్య సాయం అవసరం అయినా చేస్తామని హామీ ఇచ్చారు. ఎన్నికల కోడ్ ముగిశాక, గల్ఫ్ కార్మికులను ప్రభుత్వం తరపున ఆహ్వానిస్తామని పేర్కొన్నారు. పాలసీ డాక్యుమెంట్‌పై అభిప్రాయాలను, సూచనలను తీసుకుని ముందుకెళతామని స్పష్టం చేశారు. నిజామాబాద్‌ తరపున ప్రాతినిధ్యం వహించేందుకు జీవన్‌రెడ్డికి అవకాశం ఇవ్వాలని కోరారు.
"గల్ఫ్ కార్మికులను ఆదుకోవడానికి ప్రత్యేక కార్యచరణతో తెలంగాణ గల్ఫ్ ఓవర్సీస్‌ వర్కర్స్‌ వెల్ఫేర్‌ బోర్డు పెట్టాలని నిర్ణయించాము. ప్రగతిభవన్‌లో గల్ఫ్‌కార్మికుల సహాయర్థం ప్రత్యేక కార్యాలయం ఏర్పాటు చేస్తాము. రైతుబీమా తరహాలో గల్ఫ్ కార్మికులకు రూ. 5లక్షల బీమాసౌకర్యాన్ని కల్పిస్తాము". - రేవంత్రెడ్డి, సీఎం
ఆగస్టు 15 లోపు రూ.2 లక్షల రుణమాఫీ చేసి తీరుతా : రేవంత్రెడ్డి - CM Revanth in Jana Jathara Sabha
