ఈసారి ఏపీ సీఎం, డిప్యూటీ సీఎం ఫొటోలతో ప్రకాశ్​రాజ్​ ట్వీట్​ - Prakash raj tweet on tirumala laddu

Prakash raj Tirumala Laddu Controversy : తిరుమల లడ్డూ వ్యవహారంపై మరోసారి నటుడు ప్రకాశ్​ రాజ్​ ఎక్స్​ వేదికగా ట్వీట్​ చేశారు. ఈసారి సుప్రీంకోర్టు వ్యాఖ్యలను జోడిస్తూ ఏపీ సీఎం, డిప్యూటీ సీఎంల ఫొటోలున్న పోస్టును షేర్​ చేశారు. ఆ ఫొటో కింద దేవుడిని రాజకీయాల్లోకి లాగకండి అంటూ వ్యాఖ్యానించారు.

Prakash Raj tweet on Tirupati Laddu Issue : తిరుమల లడ్డూ వివాదంపై సుప్రీంకోర్టు వ్యాఖ్యల నేపథ్యంలో ప్రముఖ సీనియర్​ నటుడు ప్రకాశ్​ రాజ్​ మరోసారి ఎక్స్​ వేదికగా పోస్టు చేశారు. సుప్రీంకోర్టు వ్యాఖ్యలను జోడిస్తూ ఏపీ ముఖ్యమంత్రి చంద్రబాబు నాయుడు, ఉపముఖ్యమంత్రి పవన్​ కల్యాణ్​ ఫొటోలున్న పోస్టును షేర్​ చేశారు. ఆ ఫొటో కింద దేవుడిని రాజకీయాల్లోకి లాగకండి అంటూ ప్రకాశ్​రాజ్​ వ్యాఖ్యానించారు.

దీంతో మరోసారి ప్రకాశ్​రాజ్​ వ్యాఖ్యలు సామాజిక మాధ్యమాల్లో వైరల్​గా మారాయి. ఈ వివాదానికి సంబంధించి ప్రకాశ్​ రాజ్​ ఇటీవల చేసిన కామెంట్స్​పై జనసేన పార్టీ అధ్యక్షుడు, ఉపముఖ్యమంత్రి పవన్​ కల్యాణ్​తో పాటు ఆ పార్టీ నాయకులు, మూవీ ఆర్టిస్​ అసోసియేషన్​ అధ్యక్షుడు మంచు విష్ణు అభ్యంతరం వ్యక్తం చేశారు. తాజాగా మరోసారి ప్రకాశ్​రాజ్​ లడ్డూ వివాదంపై స్పందిస్తూ ఎక్స్​లో పోస్టు పెట్టడం చర్చనీయాంశంగా మారింది.

దేవుణ్ణి రాజకీయాల్లోకి లాగకండి 🙏🏿🙏🏿🙏🏿

జస్ట్ ఆస్కింగ్. #justasking #justpleading pic.twitter.com/kLjnnJRuun

— Prakash Raj (@prakashraaj) September 30, 2024