Chandrababu Reply to Jr NTR Tweet : ఆంధ్రప్రదేశ్ ఎన్నికల్లో ఘన విజయం సాధించిన నేపథ్యంలో టీడీపీ అధినేత చంద్రబాబుకు పలువురు సినీ, రాజకీయ ప్రముఖులు శుభాకాంక్షలు తెలిపిన విషయం తెలిసిందే. తనకు విషెస్ చెప్పిన వారికి ఆయన ధన్యవాదాలు తెలుపుతున్నారు. ఈ మేరకు సోషల్‌ మీడియాలో రిప్లై పెట్టారు. తనకు అభినందనలు తెలిపిన సినీనటుడు జూనియర్ ఎన్టీఆర్‌కు చంద్రబాబు నాయుడు థ్యాంక్స్ చెప్పారు.
ఈ మేరకు ఎక్స్ (ట్విటర్‌)లో జూనియర్ ఎన్టీఆర్ పెట్టిన ట్వీట్‌కు ‘Thank you very much Amma!’ అని చంద్రబాబు నాయుడు ఎక్స్ వేదికగా రిప్లై ఇచ్చారు. ఎన్టీఆర్‌తో పాటు రజనీకాంత్‌, వెంకటేశ్‌, మోహన్‌బాబు, నాగార్జున, మహేశ్‌బాబు, సోనూసూద్‌కు థ్యాంక్స్ చెప్పారు. బీజేపీ జాతీయ అధ్యక్షుడు జేపీ నడ్డా, రాజ్‌నాథ్‌ సింగ్‌, తమిళనాడు ముఖ్యమంత్రి స్టాలిన్‌ తదితరులకు చంద్రబాబు ధన్యవాదాలు తెలిపారు.
Junior NTR Wishes to Chandrababu : ఆంధ్రప్రదేశ్ ఎన్నికల ఫలితాలపై బుధవారం నాడు జూనియర్ ఎన్టీఆర్ స్పందించారు. ప్రియమైన మావయ్యకి ఈ చారిత్రాత్మకమైన విజయాన్ని సాధించినందుకు ' నా హృదయపూర్వక శుభాకాంక్షలు అంటూ' చంద్రబాబుకు ఎక్స్ వేదికగా అభినందనలు తెలిపారు. ఆయన విజయం ఆంధ్రప్రదేశ్ రాష్ట్రాన్ని అభివృద్ధి పథం వైపు నడిపిస్తుందంటూ ఆశాభావం వ్యక్తం చేశారు.
