MLC Kavitha Uncle Case : నిజామాబాద్ నగరంలోని ఓ స్థల వివాదంలో ఎమ్మెల్సీ కల్వకుంట్ల కవిత మామపై కేసు నమోదు అయింది. నగరంలోని ఓ అపార్ట్మెంట్ ఎదుట ఉన్న స్థలాన్ని ఎమ్మెల్సీ కవిత మామ రాం కిషన్రావు అనుచరులు కబ్జా చేయడాన్ని అడ్డుకున్న వ్యక్తిపై కులం పేరుతో దూషించారని పోలీసులకు ఫిర్యాదు చేశారు.
కులం పేరుతో దూషించిన కవిత మామ అనుచరులపై, రాం కిషన్రావుపై గోపీ అనే వ్యక్తి ఇచ్చిన ఫిర్యాదుతో గ్రామీణ పోలీస్ స్టేషన్లో ఎస్సీ, ఎస్టీ అట్రాసిటీ కేసు నమోదైంది. ఆ స్థల వివాదానికి రాం కిషన్రావుకి ఎలాంటి సంబంధం లేదని ఆ స్థలం స్వయంగా తానే కొనుగోలు చేశానని కాంగ్రెస్ నేత మైనంపల్లి హనుమంతరావు బంధువు నగేశ్ చెప్పారు. స్థలం చదును చేసే క్రమంలో అడ్డుకున్న వ్యక్తిపై, అపార్ట్మెంట్ వాసులపై పోలీసులకు ఫిర్యాదు చేయడంతో పోలీసులు కేసు నమోదు చేశారు.
