నూతన వధూవరులతో కలిసి శ్రీశైలం వెళ్లిన నాగార్జున

శ్రీశైలం మల్లన్నను దర్శించుకున్న అక్కినేని నాగార్జున కుటుంబం - నాగచైతన్య, శోభితతో కలిసి దర్శించుకున్న నాగార్జున - సోషల్​ మీడియాలో షేర్​ అవుతున్న ఫొటోలు, వీడియోలు

Akkineni Nagarjuna Family Visit Srisailam : ఇటీవల అక్కినేని నాగచైతన్య, శోభిత వివాహం జరిగిన సంగతి తెలిసిందే. ఈనేపథ్యంలో నూతన వధూవరులతో కలిసి అక్కినేని నాగార్జున కుటుంబ సభ్యులు మల్లిఖార్జున స్వామి, అమ్మవార్లను దర్శించుకున్నారు. నూతన వధూవరులు స్వామివారికి రుద్రాభిషేకం చేసిన అనంతరం అర్చకులు వేదాశీర్వచనం పలికారు. ముందుగా ఆలయ అధికారులు, అర్చకులు ఆలయ మహాద్వారం వద్ద వారికి స్వాగతం పలికారు. ప్రస్తుతం ఇందుకు సంబంధించిన ఫొటోలు, వీడియోలు సోషల్​ మీడియాలో షేర్​ అవుతున్నాయి.

శ్రీశైలం మల్లన్న సేవలో అక్కినేని కుటుంబం (ETV Bharat)

శ్రీశైలం మల్లన్నను దర్శించుకున్న నాగార్జున, నాగచైతన్య (ETV Bharat)

అక్కినేని నాగార్జున ట్వీట్ : నాగచైతన్య-శోభిత పెళ్లి ఫొటోలను తాజాగా అక్కినేని నాగార్జున తన ఎక్స్​ ఖాతాలో పోస్టు చేశారు. ఈ సందర్భంగా ఆయన మీడియా, ఫ్యాన్స్​కు కృతజ్ఞతలు తెలిపారు. డియర్​ ఫ్రెండ్స్​, ఫ్యామిలీ, ఫ్యాన్స్​ అంటూ ట్వీట్​ చేశారు. మీ ప్రేమ, ఆశీస్సులు ఈ వేడుకను ప్రత్యేకం చేశారని అన్నారు. ఈ అందమైన క్షణాల్లో మమ్మల్ని అర్థం చేసుకున్న మీడియాకు ధన్యవాదాలు. కృతజ్ఞతతో నా హృదయం ఉప్పొంగుతోంది' అని అంటూ నాగార్జున ఎక్స్​ వేదికగా ట్వీట్​ చేశారు.

My heart is overflowing with gratitude. 🙏

To the media, thank you for your understanding and for giving us the space to cherish this beautiful moment. Your thoughtful respect and kind wishes have added to our joy.

To our dear friends, family, and fans, your love and blessings… pic.twitter.com/1rntU4tDQP

— Nagarjuna Akkineni (@iamnagarjuna) December 5, 2024

నాగచైతన్య - శోభిత వివాహం : అక్కినేని ఇంట ఈనెల 4వ తేదీన పెళ్లి బాజా మోగిన విషయం తెలిసిందే. హీరో అక్కినేని నాగచైతన్య, హీరోయిన్​ శోభిత ధూళిపాళ్ల వైహిక బంధంలోకి అడుగుపెట్టారు. వీరిద్దరి వివాహం అన్నపూర్ణ స్టూడియోలే హిందూ సంప్రదాయ పద్ధతిలో గ్రాండ్​గా జరిగింది. ఈ పెళ్లి వేడుకకు సినీ పెద్దలు, బంధువులు, సన్నిహితులు హాజరయ్యారు.

నాగచైతన్య - శోభిత (ETV Bharat)

నాగచైతన్య, శోభిత వివాహానికి మెగాస్టార్​ చిరంజీవి, టి. సుబ్బిరామిరెడ్డి, వెంకటేశ్​, అల్లు అర్జున్​, జూనియర్​ ఎన్టీఆర్​, రామ్ చరణ్​, రానా దగ్గుబాటి, కీరవాణి, చాముండేశ్వరి నాథ్​, సుహాసిని, అల్లు అరవింద్​, కార్తిక్​ తదితర ప్రముఖులు హాజరై నూతన వధూవరులను ఆశీర్వదించారు. నాగార్జునకు చాలా దగ్గరి సన్నిహితులను మాత్రమే వివాహ వేడుకకు ఆహ్వానం పంపారు. ఇందుకు సంబంధించిన వీడియోలో నెట్టింట తెగ వైరల్​గా మారాయి. అలాగే అక్కినేని కుటుంబ ఫ్యాన్స్, నాగచైతన్య ఫ్యాన్స్​ నూతన దంపతులకు శుభాకాంక్షలు తెలిపారు. అయితే ఇటీవలే నాగచైతన్య సోదరుడు నిఖిల్​కు కూడా నిశ్చితార్థం జరిగిన విషయం తెలిసింది. వచ్చే ఏడాది నిఖిల్​ వివాహం జరగనుంది.