ఇదెక్కడి విడ్డూరం నాయనా! - అలా చేయొద్దన్నందుకు భర్తపై విచిత్రమైన కేసు పెట్టిన భార్య - Woman Files Complaint On Husband

Woman Files Complaint On Husband : భర్త తనను వేధిస్తున్నాడని ఓ మహిళ పోలీసులకు ఫిర్యాదు చేసింది. ఇది మాములు విషయమే కదా అనుకుంటున్నారా? ఇక్కడే ఉంది అసలు ట్విస్ట్. ఆమె అలా ఎందుకు ఫిర్యాదు చేసిందో తెలిస్తే ఆశ్చర్యపోతారు. భర్త తనను ఫ్రెంచ్ ఫ్రైస్​ తినొద్దన్నందుకు అతడిపై గృహ హింస కేసు పెట్టింది. చివరికి ఏం జరిగిందంటే?

Woman Filed Complaint Against Her Husband : తనను భర్త వేధిస్తున్నాడంటూ గృహ హింస చట్టం కింద ఓ మహిళ పోలీస్ స్టేషన్​లో ఫిర్యాదు చేసింది. ఆమె వాదన సరికాదని - తనపై నమోదైన కేసును రద్దు చేయాలని కోరుతూ ఆమె భర్త కర్ణాటక హైకోర్టును ఆశ్రయించారు. విషయం ఏమిటో తెలుసుకున్న జస్టిస్ ఎం.నాగ ప్రసన్న ఆశ్చర్యపోయారు. భర్త తనను ఫ్రెంచ్‌ ఫ్రైస్‌ తిననివ్వడం లేదన్నది ఆ గృహిణి వాదన.

కాన్పు అనంతరం పౌష్టికాహారం, పండ్లు, పాలు తదితరాల బదులుగా బంగాళ దుంపలతో చేసిన ఫ్రెంచ్‌ ఫ్రైస్‌ తినొద్దన్నందుకు తనపైనే భార్య కేసు పెట్టిందని ఆ వ్యక్తి న్యాయస్థానం ముందు మొరపెట్టుకున్నాడు. భార్య ఆరోగ్యాన్ని దృష్టిలో ఉంచుకుని వాటిని తినొద్దని వారిస్తే ఎదురు కేసు పెట్టడం సరికాదని న్యాయమూర్తి పేర్కొన్నారు. ఇరు వర్గాల వాదనలు విన్న న్యాయమూర్తి అతడిపై నమోదైన కేసులపై స్టే విధిస్తున్నట్లు పేర్కొన్నారు.