జింబాబ్వే వరల్డ్ రికార్డ్- T20 హిస్టరీలోనే అత్యధిక స్కోర్

జింబాబ్వే ప్రపంచ రికార్డు- టీ20ల్లోనే అత్యధిక స్కోర్ నమోదు

T20 Highest Score : అంతర్జాతీయ టీ20ల్లో జింబాబ్వే క్రికెట్ జట్టు ప్రపంచ రికార్డు సృష్టించింది. టీ20 వరల్డ్​కప్ సబ్ రీజినల్ ఆఫ్రికా క్వాలిఫైయర్ టోర్నీలో జింబాబ్వే 344- 4 పరుగుల భారీ స్కోర్ సాధించింది. ఈ టోర్నీలో బుధవారం గాంబియాపై జరిగిన మ్యాచ్​లో జింబాబ్వే ఈ ఘనత సాధించింది. దీంతో టీ20 హిస్టరీలోనే అత్యధిక పరుగులు నమోదు చేసిన జట్టుగా జింబాబ్వే ప్రపంచ రికార్డు నెలకొల్పింది. ఈ క్రమంలోనే నేపాల్ (314 పరుగులు vs మంగోలియా, 2023 ఆసియా క్రీడలు) రికార్డును బ్రేక్ చేసింది.

జింబాబ్వే బ్యాటర్లలో సికిందర్ రజా 43 బంతుల్లోనే 133 పరుగులతో విధ్వంసం సృష్టించాడు. ఇందులో ఏకంగా 15 సిక్స్​లు ఉన్నాయి. ఓపెనర్లు బ్రియాన్ బినెట్ (50 పరుగులు, 26 బంతుల్లో 7x4; 1x6), తడివానాశే మారుమణి (62 పరుగులు , 19 బంతుల్లో 9x4; 4x6), క్లైవ్ మండాడే (53* పరుగులు , 17 బంతుల్లో 3x4; 5x6) రఫ్ఫాడించారు. గాంబియా బౌలర్లలో ముస జొబారెత్ తన నాలుగు ఓవర్ల స్పెల్​లో వికెట్ లేకుండా 93 పరుగులు ఇచ్చుకున్నాడు. ఇక అండ్రీ 2, అర్జున్​సింగ్, బుబాకర్ తలో 1 వికెట్ దక్కించుకున్నారు

అంతర్జాతీయ టీ20ల్లో అత్యధిక స్కోర్లు

• జింబాబ్వే - 344/4 vs గాంబియా, 2024
• నేపాల్- 314/3 vs మంగోలియా, 2023
• భారత్- 297/6 vs బంగ్లాదేశ్‌, 2024
• జింబాబ్వే- 286/5 vs సీషెల్స్‌పై 2024
• అఫ్గానిస్థాన్- 278/3 vs ఐర్లాండ్‌పై, 2019
• చెక్‌ రిపబ్లిక్- 278/4 vs తుర్కియేపై, 2019

భారీ లక్ష్య ఛేదనలో దిగిన గాంబియా 14.4 ఓవర్లలో 54 పరుగులకే కుప్పకూలింది. గాంబియా బ్యాటర్లలో తొలి 10 మంది బ్యాటర్లు సింగిల్‌ డిజిట్‌కే పెవిలియన్ చేరడం విశేషం. 10వ స్థానంలో క్రీజులోకి వచ్చిన ఆండ్రీ (12) టాప్ స్కోరర్​. దీంతో జింబాబ్వే 290 పరుగుల తేడాతో నెగ్గింది. టీ20ల్లో పరుగుల పరంగానూ ఇదే భారీ విజయం. ఇంతకుముందు ఈ రికార్డు నేపాల్ (290 పరుగులు vs మంగోలియాపై 2023) పేరిట ఉండేది. జింబాబ్వే బౌలర్లలో రిచర్డ్ నగరవ 3, బ్రాండన్ మావుట 3, వెస్లీ మధ్వీర 2, ర్యాన్‌ బర్ల్ ఒక వికెట్ పడగొట్టారు.

Sikandar Raza and company guide Zimbabwe to the highest T20I score (344/4) in the format.

🇿🇼: Sikandar Raza (133*), Tadiwanashe Marumani (62)
🇬🇲: Andre Jarju (2/53)

Gambia need 345 runs from 120 balls to win. #T20AfricaMensWCQualifierB https://t.co/9N1wWsVBzT pic.twitter.com/NXFpIK6C6L

— ICC Africa (@ICC_Africa_) October 23, 2024