WPL 2024 UP Warriorz vs Royal Challengers : మహిళల ప్రీమియర్‌ లీగ్‌లో భాగంగా నేడు(మార్చి 4) జరిగిన మ్యాచ్లో యూపీ వారియర్స్ - రాయల్ ఛాలెంజర్స్ బెంగళూరు తలపడ్డాయి. అయితే ఈ సీజన్‌-2లో వరుసగా రెండు ఓటముల అందుకున్న రాయల్ ఛాలెంజర్స్ బెంగళూరు ఈ మ్యాచ్లో దంచికొట్టి విజయం సాధించింది. బ్యాటింగ్‌లో అదరగొట్టి బౌలింగ్‌లో సమష్టిగా సత్తా చాటింది. 199 పరుగుల లక్ష్యంతో బరిలోకి దిగిన యూపీ వారియర్స్ నిర్ణీత 20 ఓవర్లలో 8 వికెట్లు కోల్పోయి 175 పరుగులు మాత్రమే చేసింది. ఫలితంగా ఆర్సీబీ 23 పరుగులు తేడాతో విజయం సాధించింది.
అలీస్సా హెలీ(38 బంతుల్లో 7 ఫోర్లు, మూడు సిక్స్ల సాయంతో 55 పరుగులు) టాప్ స్కోరర్గా నిలిచింది. ఆ తర్వాత దీప్తి శర్మ(22 బంతుల్లో 4 ఫోర్ల సాయంతో 33 పరుగులు) పర్వాలేదనిపించింది. ఇక కిరణ్, చమారి అటపట్టు, గ్రేస్ హ్యారిస్, శ్వేత షెహ్రావత్ విఫలమయ్యారు. చివర్లో వచ్చిన పూనమ్ ఖెమ్నార్ మాత్రం(31) దూకుడుగా ఆడి లక్ష్యం అంతర్యాన్ని కాస్త తగ్గించింది. ఆర్సీబీ బౌలర్లలో ఆశా శోభన, గార్జియా వారెహమ్, సోఫీ డివైన్ సోఫీ మోలినెక్స్ తలో రెండు వికెట్లు తీశారు.
Royal Challengers Won the Match : అంతకుముందు టాస్‌ ఓడి బ్యాటింగ్‌కు దిగిన రాయల్ ఛాలెంజర్స్ బెంగళూరు కెప్టెన్‌ స్మృతి మంధాన (80), ఎలీస్‌ పెర్రీ (58) అదరగొట్టడంతో 3 వికెట్లు కోల్పోయి 198 భారీ పరుగుల చేసింది. ఓపెనర్లు సబ్బినేని మేఘన (28), స్మృతి మంధాన (80) కలిసి మంచి శుభారంభానిచ్చారు. మొదటి వికెట్‌కు వీరు 51 పరుగుల భాగస్వామ్యం నమోదు చేశారు. ఆ తర్వాత అంజలి బౌలింగ్‌లో మేఘన షాట్కు యత్నించి ఆటపట్టు చేతికి క్యాచ్‌ ఇచ్చి చిక్కింది. అనంతరం క్రీజ్‌లోకి వచ్చిన ఎలీస్‌ పెర్రీతో కలిసి మంధాన దూకుడుగా ముందుకు వెళ్లింది. రిచా ఘోష్‌ (21*), సోఫీ (2*) నాటౌట్‌గా నిలిచారు. యూపీ బౌలర్లలో అంజలి, దీప్తి శర్మ, సోఫీ ఎక్లెస్టోన్‌ తలో వికెట్ దక్కించుకున్నారు.
ధోని కెప్టెన్సీ వదిలేస్తున్నాడా? న్యూ రోల్‌ అంటూ ఇంట్రెస్టింగ్‌ పోస్ట్‌
