Virat Kohli Son: టీమ్ఇండియా స్టార్ బ్యాటర్ విరాట్ కోహ్లీ- భార్య అనుష్క శర్మ మరోసారి తల్లిదండ్రులయ్యారు. ఫిబ్రవరి 15న అనుష్క పండంటి మగ బిడ్డకు జన్మనిచ్చింది. కాగా ఈ విషయాన్ని విరాట్ మంగళవారం స్వయంగా సోషల్ మీడియా ద్వారా వెల్లడించాడు. బాబుకు 'అకాయ్' (Akaay) అనే పేరు పెట్టినట్లు తెలిపాడు.'మేం ఫిబ్రవరి 15న మా బేబి బాయ్ అకాయ్ (వామికకు తమ్ముడు)ను ఈ ప్రపంచంలోకి స్వాగతించాం. మా జీవితంలో ఇవి మధురమైన క్షణాలు. మాకు మీ అందరి ఆశీర్వాదాలు కావాలి' అని విరాట్ సోషల్ మీడియాలో పేర్కొన్నాడు. దీంతో సెలబ్రిటీలు, ఫ్యాన్స్ సోషల్ మీడియాలో విరాట్ దంపతులకు శుభాకాంక్షలు తెలుపుతున్నారు. ఇక 2017 ఇటలీలో విరాట్- అనుష్క వివాహం గ్రాండ్గా జరిగింది. వీరికి 2021 జనవరి 11న వామిక అనే కుమార్తె జన్మించింది.
అప్పట్నుంచి ప్రచారం: 2023 వరల్డ్కప్లో సమయంలో విరాట్- అనుష్క బెంగళూరులోని ఓ హోటల్కు డిన్నర్కు వెళ్లారు. అప్పుడు అనుష్క ప్రెగ్నెంట్ అని, బేబీ బంప్ స్పష్టంగా కనిపిస్తుందని పలు కథనాలు వచ్చాయి. అప్పటినుంచి విరాట్- అనుష్క రెండో బిడ్డకు జన్మనివ్వనున్నారన్న వార్తలు ప్రారంభమయ్యాయి. ఇక రీసెంట్గా ఇంగ్లాండ్ టెస్టు సిరీస్ నుంచి విరాట్ తప్పుకుంటున్నట్లు చెప్పాడు. దీంతో ఈ వార్తలకు మరింత బలం చేకూరింది.
డివిలియర్స్ యూటర్న్: సౌతాఫ్రికా మాజీ ప్లేయర్ ఏబీ డివిలియర్స్ రీసెంట్గా తన యూట్యూబ్ ఛానెల్లో ఓ సందర్భంలో 'మై ఫ్రెండ్ విరాట్ రెండోసారి తండ్రి కాబోతున్నాడు' అని చెప్పాడు. దీంతో విరాట్ ఫ్యాన్స్ సంబరాలు చేసుకున్నారు. అయితే ఏం జరిగిందో తెలియదు కానీ, తర్వాత రెండు రోజులకే డివిలియర్స్ తన వ్యాఖ్యల పట్ల యూటర్న్ తీసుకున్నాడు. 'నేను పెద్ద పొరపాటు చేశాను. తప్పుడు సమాచారాన్ని షేర్ చేశాను. అదంతా అబద్ధం. విరాట్- అనుష్క విషయంలో ఏం జరుగుతుందో ఎవరికీ తెలియదు. ఆట నుంచి విరామం తీసుకోవడానికి కారణమేదైనా, అతడు తొందరగా జట్టులోకి రావాలని కోరుకుంటున్నా' అని డివిలియర్స్ చెప్పాడు. ఇక విరాట్ స్వయంగా తన కుమారుడి గురించి ప్రకటిండం వల్ల ఈ సస్పెన్స్కు తెరపడింది.
డివిలియర్స్ యూటర్న్- విరాట్ విషయంలో అదంతా అబద్ధమేనట!
విరాట్ ఓపెనింగ్ చేయొద్దు- ఆ విషయంలో నాది భిన్నాభిప్రాయం: డివిలియర్స్
