విరాట్​ ఫ్యాన్​కు సెక్యూరిటీ షాక్​- గతంలోనూ ఇలా చాలా సార్లు! - Virat Fan Beaten by Security

Virat Kohli Fan Beaten by Security: 2024 ఐపీఎల్​లో ఆర్సీబీ- పంజాబ్ మ్యాచ్ సందర్భంగా గ్రౌండ్​లోకి దూసుకొచ్చిన విరాట్ అభిమానిని స్టేడియం సెక్యురిటీ గార్డులు కొట్టారు. ఈ వీడియో ప్రస్తుతం సోషల్ మీడియాలో వైరలైంది.

Virat Kohli Fan RCB : క్రికెట్​కు ఉన్న క్రేజ్​తో కొన్ని సార్లు అభిమానులు తమ ఫేవరట్ స్టార్స్​ను నేరుగా చూసేందుకు స్టేడియంకు వెళ్తుంటారు. అక్కడ స్టాండ్స్​లో నిలబడి వాళ్లకు సపోర్ట్ చేస్తూ ఉప్పొంగిపోతుంటారు. అయితే కొంతమంది ఫ్యాన్స్ మాత్రం​ ఒళ్లు మరిచిపోయి ప్రవర్తించి ఆ ప్లేయర్ల దగ్గరికి వెళ్తుంటారు. మైదనంలోకి వెళ్లిపోయి వాళ్ల కాళ్ల పైన పడటం, కౌగిలించుకోవడం లాంటివి చేస్తుంటారు. ఇటీవలే అలాంటి ఓ ఘటన జరిగింది. అది జరిగిన కొద్ది క్షణాలకే వైరల్ కావడం వల్ల ఆ వీడియో ఫ్యాన్స్ దృష్టిని ఆకర్షించింది.

చిన్న‌స్వామి స్టేడియంలో ఇటీవలే రాయ‌ల్ ఛాలెంజ‌ర్స్ బెంగ‌ళూరు- పంజాబ్ కింగ్స్ మధ్య మ్యాచ్ జరుగుతున్నప్పుడు స్టార్ బ్యాటర్ విరాట్ కోహ్లీ అభిమాని ఒకరు సెక్యూరిటినీ దాటుకుని అకస్మాత్తుగా క్రీజులోకి వచ్చేశాడు. తన అభిమాన క్రికెటర్​ను చూసిన ఆనందంలో విరాట్ కాళ్ల మీద పడిపోయాడు. అయితే ఆ ఫ్యాన్స్ చేసిన పనికి షాక్ అయిన కోహ్లీ అతడిని లేపేందుకు ప్రయత్నించాడు. ఇంతలోనే సెక్యూరిటీ అక్కడికి చేరుకుని ఆ అభిమానిని పట్టుకున్నారు. అయినాప్పటికీ ఆ వ్యక్తి కోహ్లీని కౌగిలించుకున్నాడు. దీంతో సిబ్బంది ఆ ఫ్యాన్స్​ను బలవంతంగా బ‌య‌ట‌కు తీసుకువెళ్లారు.

ఇలాంటి ఘటనలు క్రికెట్​ హిస్టరీలో చాలానే జరిగాయి కదా ఇందులో ఏముందని అనుకుంటే మీరు పొరబడినట్లే. ఈ సారి మాత్రం సెక్యూరిటీ సిబ్బంది తమ దూకుడును చూపించారు. ఆ వ్యక్తిని బయటికి ఈడ్చుకెళ్లిన తర్వాత చితక్కొట్టారు. కాళ్లతో తన్నడం కూడా చేశారు. ఆ తర్వాత అతడ్ని పోలీసులకు అప్పగించారు. ఈ వీడియో కూడా సోష‌ల్ మీడియాలో వైర‌ల్​గా మారింది. ఇదంతా చూసిన అభిమానులు ఒక్కసారిగా నివ్వెరపోయారు. ఒ అభిమాని చేసిన పనికి ఇలా చిత్కకొట్టాలా అంటూ ఆందోళన వ్యక్తం చేస్తున్నారు. సిబ్బంది చేసింది సరైనదని కాదంటూ కామెంట్లు పెడుతున్నారు.

• The fan who obstructed the field to meet Virat Kohli was beaten up black and blue.
  
  Thoughts?pic.twitter.com/BZ4SKI6f5d

  — Sameer Allana (@HitmanCricket) March 27, 2024

గతంలోనూ కొంత మంది ఫ్యాన్స్​ సెక్యురిటీని దాటుకుని స్టేడియంలోకి ప్రవేశించారు. విరాట్​ను హగ్​ చేసుకునేందుకు ప్రయత్నించారు. గతేడాది నరేంద్ర మోదీ స్టేడియంలో భారత్-ఆస్ట్రేలియా జట్ల మధ్య జరిగిన వన్డే ప్రపంచకప్ ఫైనల్ మ్యాచ్‌లో 'ఫ్రీ పాలస్తీనా' అని రాసి ఉన్న టీ షర్టు ధరించిన వ్యక్తి మైదానంలోకి వచ్చాడు. అయితే సిబ్బంది అప్రమత్తమై అతడ్ని అదుపులోకి తీసుకుని పోలీసులకు అప్పగించారు.