విరాట్ ఖాతాలో మరో ఘనత - కోహ్లీ కంటే ముందు సచిన్ ఒక్కడే! - Ind vs Ban Test Series 2024

Virat Kohli Records : టీమ్ఇండియా స్టార్ బ్యాటర్ విరాట్ కోహ్లీ కెరీర్​లో మరో అరుదైన మైలురాయి అందుకున్నాడు. అదేంటంటే?

Virat Kohli Records : టీమ్ఇండియా స్టార్ బ్యాటర్ విరాట్ కోహ్లీ కెరీర్​లో మరో అరుదైన మైలురాయి అందుకున్నాడు. ఇప్పటివరకు విరాట్ అంతర్జాతీయ క్రికెట్​లో అన్ని ఫార్మాట్లలో కలిపి స్వదేశంలో 12 వేల పరుగులు పూర్తి చేశాడు. బంగ్లాదేశ్​తో జరుగుతున్న టెస్టులో రెండో ఇన్నింగ్స్​లో 13 పరుగుల వ్యక్తిగత స్కోర్ వద్ద కోహ్లీ ఈ ఫీట్ అందుకున్నాడు. ఈ జాబితాలో విరాట్ కంటే ముందు క్రికెట్ దిగ్గజం సచిన్ తెందూల్కర్ ఒక్కడే ఉన్నాడు.

కింగ్ అదుర్స్
భారత జట్టు తరఫున స్వదేశంలో 219 అంతర్జాతీయ మ్యాచ్‌ల్లో 58.84 సగటుతో కోహ్లీ 12,008 పరుగులు చేశాడు. ఇందులో 38 సెంచరీలు, 59 అర్ధ శతకాలు ఉన్నాయి. మాస్టర్ బ్లాస్టర్ సచిన్ తెందూల్కర్ స్వదేశంలో 258 మ్యాచ్ ల్లో 50.32 సగటుతో 14,192 పరుగులు చేశాడు. ఇందులో 42 సెంచరీలు, 70 అర్ధ సెంచరీలు ఉన్నాయి. కాగా, విరాట్ స్వదేశంలో మరో 2 వేల పరుగులు బాదితే సచిన్ రికార్డును అధిగమించవచ్చు.

స్వదేశంలో అత్యధిక పరుగులు బాదిన భారత బ్యాటర్లు

ప్లేయర్	కెరీర్	మ్యాచ్​లు	పరుగులు	సెంచరీలు
సచిన్ తెందూల్కర్	1990 - 2013	258	14192	42
విరాట్ కోహ్లీ	2008 - 2024*	219	12004	38
రాహుల్ ద్రవిడ్	1996 - 2011	167	9004	21
రోహిత్ శర్మ	2007 - 2024*	179	8690	27
వీరేంద్ర సెహ్వాగ్	1999 - 2013	142	7691	18
ఎమ్​ఎస్ ధోనీ	2005 - 2019	202	7401	12

సచిన్ క్రికెట్​కు దశాబ్దం కిందటే రిటైర్మెంట్ పలకగా, కింగ్ కోహ్లీ ఇటీవల టీ20 ఫార్మాట్​కు గుడ్ బై చెప్పాడు. కోహ్లీ మరి కొన్నేళ్లు అంతర్జాతీయ క్రికెట్​లో కొనసాగితే స్వదేశంలో అత్యధిక పరుగులు చేసిన సచిన్ రికార్డు బద్దలవ్వడం ఖాయం. అయితే ప్రస్తుతం ఆడుతున్న భారత ప్లేయర్లలో మాత్రం ఈ జాబితాలో విరాట్​దే అగ్రస్థానం. కెప్టెన్ రోహిత్ శర్మ 8690 పరుగులతో రెండో ప్లేస్​లో కొనసాగుతున్నాడు. ఇందులో 27 సెంచరీలు ఉన్నాయి. ఇక ఓవరాల్​గా రోహిత్ 4వ ప్లేస్​లో ఉన్నాడు.

King Kohli’s castle just got mightier with another milestone! 👑🏠

VK has now amassed 1️⃣2️⃣,0️⃣0️⃣0️⃣ runs at home, crafting epic tales one inning at a time. ❤️‍🔥#PlayBold #INDvBAN #TeamIndia pic.twitter.com/lnyiGyAPgr

— Royal Challengers Bengaluru (@RCBTweets) September 20, 2024

ఇక బంగ్లాతో మ్యాచ్ విషయానికొస్తే, తొలి టెస్టు రెెండు ఇన్నింగ్స్​ల్లోనూ విరాట్ విఫలమయ్యాడు. తొలి ఇన్నింగ్స్​లో 6 పరుగులకే ఔట్ అయిన విరాట్, రెండో ఇన్నింగ్స్​లో 17 పరుగుల వద్ద హసన్ మిరాజ్ బౌలింగ్​లో ఎల్​బీడబ్ల్యూగా వెనుదిరిగాడు. అయితే మిరాజ్ వేసిన ఆ బంతి బ్యాట్​ను తాకినట్లు రీప్లేలో కనిపిస్తోంది. కానీ, విరాట్ రివ్యూ కోరకుండా పెవిలియన్​ వైపు వెళ్లాడు.