Tunde Onakoya Chess : ఏక కాలంలో పది మందితో చెస్ ఆడి ఓడించి ఔరా అనిపించాడు ఓ చెస్ ప్లేయర్. అతడే నైజీరియాకు చెందిన టుండే ఒనకోయ(Tunde Onakoya). ప్రస్తుతం దీనికి సంబంధించిన వీడియో ఒకటి సోషల్‌ మీడియాలో తెగ చక్కర్లు కొడుతోంది. వివరాళ్లోకి వెళితే. నైజీరియాకు చెందిన టుండే ఒనకోయ అనే వ్యక్తి చెస్ ప్లేయర్‌గా తనకంటూ ఓ ప్రత్యేక గుర్తింపును సంపాదించుకున్నాడు.
అయితే తన ప్రతిభను ప్రపంచానికి చాటుకోవడానికే అతడు పరిమితం కాలేదు. 'చెస్ ఇన్‌ స్లమ్స్‌' అనే ఫౌండేషన్ను స్థాపించి దాని ద్వారా పేద విద్యార్థులకు సహాయ సహకారాలు అందిస్తూ అండగా నిలుస్తున్నాడు. సామాజిక అంతరాలను తగ్గించే క్రమంలో ఈ చెస్‌ను ఒక మాధ్యమంగా ఉపయోగిస్తున్నాడు. ఆటపై మక్కువ ఉన్న చిన్నారులకు తనదైన శైలిలో మెళకువలను నేర్పిస్తున్నాడు. అంతే కాకుండా వారికి జీవిత పాఠాలను నేర్పిస్తున్నాడు. సమస్యలు ఎదురైనపుడు సహనంగా, ఓర్పుగా ఉండి వాటిని ఎలా పరిష్కరించుకోవాలి అనే విషయాలను కూడా చెబుతూ సానుకూల దృక్పథం పెంపొందిస్తున్నాడు.
-
On day two of the DLD conference, I played a simultaneous chess match against 10 players at once.
— Tunde Onakoya (@Tunde_OD) January 17, 2024
After an almost two hour battle of wits ,I managed to win all the games.
The Chess exhibition helped us raise enough money to support the education of 100 children in our academy. pic.twitter.com/fnrOcxQe8p
అయితే తాజాగా అతడు ఫండ్‌ రైజింగ్‌లో భాగంగా రీసెంట్గా జర్మనీలో నిర్వహించిన చెస్ ఎగ్జిబిషన్‌లో టుండే పాల్గొన్నాడు. అక్కడే ఏకకాలంలో పది మందితో చెస్ ఆడాడు. రెండు గంటల పాటు కొనసాగిన ఆటలో విజేతగా నిలిచాడు. దీనికి సంబంధించిన వీడియోను టుండే గతంలో సోషల్‌ మీడియాలో పోస్ట్‌ చేశాడు. అది ఇప్పుడు వైరల్‌ అవుతోంది.
దీంతో టుండే ఈ గేమ్‌ ఆడటానికి గల అసలు కారణాన్ని తెలుసుకున్న నెటిజన్లు అతడి మంచి మనసును ప్రశంసిస్తున్నారు. తను చేస్తున్న ఈ పనిని భవిష్యత్తులోనూ కొనసాగించాలని కోరుకుంటున్నారు. ఎందుకంటే అతడు ఈ చెస్ ఎగ్జిబిషన్‌ ద్వారా వచ్చిన ఆదాయాన్ని వంద మంది విద్యార్థుల చదువుకు సాయం చేసేందుకు వినియోగిస్తామంటూ ఇటీవలే సోషల్‌ మీడియా వేదికగా వెల్లడించాడు. దాదాపు రెండు గంటల పాటు జరిగిన ఈ మ్యాచ్‌లో తాను పది మందిని ఒకేసారి ఓడించడం ఎంతో సంతోషంగా ఉందంటూ మీడియాకు చెప్పుకొచ్చాడు.
ఇంగ్లాండ్తో రెండో టెస్ట్ - వైజాగ్ గడ్డపై టీమ్ఇండియా రికార్డులివే!
