Wriddhiman Saha Retirement : టీమ్ఇండియా సీనియర్ ప్లేయర్, 40ఏళ్ల వృద్ధిమాన్ సాహా సంచలన నిర్ణయం తీసుకున్నాడు. అంతర్జాతీయ క్రికెట్కు వీడ్కోలు పలుకుతున్నట్లు ప్రకటించాడు. ఈ మేరకు ఆదివారం రాత్రి సోషల్ మీడియాలో వెల్లడించాడు. ప్రస్తుతం ఆడుతున్న రంజీనే తన కెరీర్లో ఆఖరిదని, ఇకపై ఐపీఎల్ బరిలోనూ దిగనని వెల్లడించాడు.
'ప్రతిష్ఠాత్మకమైన క్రికెట్ జర్నీలో ఇదే నా చివరి రంజీ ట్రోఫీ. ఈ రంజీల్లో బంగాల్కు ప్రాతినిధ్యం వహించడం గౌరవంగా భావిస్తున్నా. రిటైర్ అయ్యే ముందు కేవలం రంజీలోనే ఆడుతాను. ఈ సీజన్ గుర్తుండిపోయేలా చేసుకుంటా' అని సోషల్ మీడియాలో పోస్ట్ చేశాడు. అయితే రంజీ ట్రోఫీలో వృద్ధిమాన్ తన సొంత రాష్ట్రమైన బంగాల్ జట్టుకు ప్రాతినిధ్యం వహిస్తున్నాడు.
ఇక సుదీర్ఘ ఫార్మాట్కు ధోనీ రిటైర్మెంట్ ప్రకటించిన తర్వాత టెస్టుల్లో సాహానే వికెట్ కీపింగ్కు తొలి ఛాయిస్గా ఉన్నాడు. అతడి కీపింగ్ స్కిల్స్తో ఆకట్టుకున్నాడు. అయితే రానురాను ఫామ్తో ఇబ్బందులు పడడం వల్ల సాహా జట్టుకు దూరమయ్యాడు. ఈ క్రమంలో యువ ఆటగాళ్లు రిషభ్ పంత్, కేఎస్ భరత్, ధ్రువ్ జురెల్ జట్టులోకి రావడం వల్ల సాహాకు టీమ్ఇండియాలో చోటు దక్కడం కష్టమైంది. 2021లో సాహా న్యూజిలాండ్పై తన చివరి అంతర్జాతీయ మ్యాచ్ ఆడాడు.
After a cherished journey in cricket, this season will be my last. I’m honored to represent Bengal one final time, playing only in the Ranji Trophy before I retire. Let’s make this season one to remember! pic.twitter.com/sGElgZuqfP
— Wriddhiman Saha (@Wriddhipops) November 3, 2024
Wriddhiman Saha Career : కాగా, వృద్ధిమాన్ సాహా 2010లో అంతర్జాతీయ కెరీర్ ప్రారంభించాడు. సౌతాఫ్రికాతో జరిగిన టెస్టు సిరీస్తో అరంగేట్రం చేశాడు. సాహా తన కెరీర్లో 40 టెస్టుల్లో టీమ్ఇండియాకు ప్రాతినిధ్యం వహించాడు. 29 సగటుతో 1353 పరుగులు చేశాడు. అందులో 3 సెంచరీలు ఉన్నాయి.
ఇక ఐపీఎల్లో సాహాకు మంచి రికార్డే ఉంది. సుదీర్ఘ కాలంపాటు ఐపీఎల్ టోర్నమెంట్లో పాల్గొన్న సాహా కెరీర్లో పలు జట్ల ప్రాతినిధ్యం వహించాడు. ఇప్పటి వరకు 170 మ్యాచ్లు ఆడిన సాహా 127.57 స్ట్రైక్ రేట్తో 2934 పరుగులు చేశాడు. అందులో ఓ సెంచరీ, 13 హాఫ్ సెంచరీలు ఉన్నాయి. గతేడాది 2024 సీజన్లో సాహా గుజరాత్ టైటాన్స్ జట్టుకు ప్రాతినిధ్యం వహించాడు.
క్రికెట్కు నలుగురు స్టార్ ప్లేయర్లు గుడ్బై!.. WTC ఫైనల్ అయిన వెంటనే!!
GT vs SRH : శతక్కొట్టిన గిల్.. గుజరాత్ ప్లేఆఫ్స్‌కు.. సన్‌రైజర్స్‌ ఇంటికి
