అఫ్గాన్ ఫ్యాన్స్​ ఫుల్ ఖుష్​ - వేల సంఖ్య‌లో రోడ్లపైకి వచ్చి సంబరాలు - T20 World Cup 2024

T20 World Cup Afghanistan : టీ20 ప్రపంచకప్​లో భాగంగా తాజాగా బంగ్లాదేశ్​తో జరిగిన సూపర్ 8 మ్యాచ్​లో అఫ్గానిస్థాన్​ టీమ్ చెలరేగిపోయింది. దీంతో ఆ జట్టు సెమీస్​కు చేరుకుంది. ఈ నేపథ్యంలో అఫ్గాన్​ ఫ్యాన్స్​ ఆనందంతో ఉబ్బితబ్బిపోయారు. వేల సంఖ్య‌లో వీధుల్లోకి వచ్చి సంబరాలు చేసుకున్నారు. ఆ విశేషాలు మీ కోసం.

T20 World Cup Afghansitan : టీ20 ప్రపంచకప్​లో భాగంగా ఇప్పటి వరకు సూపర్ 8 మ్యాచుల్లో ఎంతో ఉత్కంఠగా సాగాయి. అందులో నువ్వా నేనా అంటూ పెద్ద, చిన్న జట్లు తలపడ్డాయి. అయితే అనూహ్య ఫలితాలతో కొన్ని జట్లు సెమీస్​కు చేరుకుని తామెంటో నిరూపించుకున్నాయి. అందులో అఫ్గానిస్థాన్ ఒకటి. ఇటీవలే ఆస్ట్రేలియాను ఓడించిన తీరుతో అఫ్గాన్ టీమ్​పై అభిమానులు ప్రశంసల వర్షం కురిపిస్తున్నారు. ఇక తాజాగా జరిగిన బంగ్లాదేశ్‌ - అఫ్గానిస్థాన్‌ మ్యాచ్​లసోనూ అప్గాన్‌ అద్భుతం విజయాన్ని తమ ఖాతాలో వేసుకుని సెమీస్​లోని అడుగుపెట్టింది.

ఈ నేపథ్యంలో అఫ్గాన్​ ఫ్యాన్స్​ ఆనందంతో ఉబ్బితబ్బిపోయారు. వేల సంఖ్య‌లో వీధుల్లోకి వచ్చి సంబరాలు చేసుకున్నారు. అంతే కాకుండా ర్యాలీగా రోడ్లపై తిరిగారు. ప్రస్తుతం దీనికి సంబంధించిన ఫొటోలు, వీడియోలు నెట్టింట తెగ ట్రెండ్ అవుతోంది. అయితే అఫ్గాన్​ ప్లేయర్లు కూడా బస్సులో సంబరాలు చేసుకున్నట్లు తెలుస్తోంది.

Bringing on the party vibe everywhere! Never change, @DJBravo47 ! 🥳🕺#T20WorldCup #AFGvBAN pic.twitter.com/9tByGUjki0

— Chennai Super Kings (@ChennaiIPL) June 25, 2024

The streets of Nangarhar in Afghanistan. 🤯🇦🇫 pic.twitter.com/MBP7HYTTqA

— Mufaddal Vohra (@mufaddal_vohra) June 25, 2024

ఇక మ్యాచ్ విషయానికి వస్తే, తొలుత బ్యాటింగ్​కు దిగిన అఫ్గాన్​ జట్టు​ నిర్ణీత 20 ఓవర్లలో 5 వికెట్లు కోల్పోయి 115 పరుగులు స్కోర్ చేసింది. ఆ తర్వాత లక్ష్య ఛేదనలో బంగ్లా 105 పరుగులకే పరిమితమైంది. ఆరంభంలోనే వరుసగా వికెట్లను కోల్పోయింది.

పేసర్లు ఫజల్ ఫారూఖీ, నవీన్ ఉల్ హక్ తమ బౌలింగ్​ స్కిల్స్​తో చెలరేగడం వల్ల 23 పరుగులకే మూడు వికెట్లను కోల్పోయింది. ఈ దశలో సౌమ్య సర్కార్, లిటన్ దాస్ జట్టును కాస్త ఆదుకునే ప్రయత్నం చేశారు. అయితే స్వల్ప భాగస్వామ్యం నెలకొల్పిన తర్వాత సర్కార్ పెవిలియన్ చేరాడు.

ఓ వైపు వికెట్లు పడుతున్నా కూడా ఏ మాత్రం చెక్కుచెదరకుండా లిటన్ దాస్ 54 పరుగులు చేశాడు. కానీ చివరి వరకు క్రీజులో ఉన్నా కూడా జట్టుకు విజయాన్ని అందించలేకపోయాడు. ఇక అఫ్గాన్​ బౌలర్లు రషీద్ ఖాన్, నవీన్ ఉల్​ హక్ కూడా చెరో 4 వికెట్లు తీశారు.

సెమీ ఫైనల్ ఎప్పుడంటే?- అఫ్గానిస్థాన్ గురువారం (జూన్ 27) ఉదయం జరగనున్న తొలి సెమీఫైనల్లో సౌతాఫ్రికాతో తలపడనుంది. మరో సెమీఫైనల్ అదే రోజు రాత్రి 8 గంటలకు భారత్ - ఇంగ్లాండ్​ మధ్య జరగనుంది.