Sunil Gavaskar Fake Posts : సోషల్ మీడియా వేదికగా తన పేరును కొందరు దుర్వినియోగం చేస్తున్నారంటూ దిగ్గజ మాజీ క్రికెటర్ సునీల్ గావస్కర్ మండిపడ్డారు. ఇటీవలే కోహ్లీ, బుమ్రా కెప్టెన్సీపై విశ్లేషణ అంటూ ఓ ఓ క్రీడా వెబ్‌సైట్కు సంబంధించిన ఆర్టికల్ తెగ ట్రెండ్ అయ్యింది. అయితే అది ఆయన పేరుపై రావడం వల్ల గావస్కర్ ఆశ్చర్యపోయాడు. తాను అటువంటిదేవీ రాయలేదని క్లారిటి ఇచ్చాడు. అంతేకాకుండా ఆ వెబ్‌సైట్‌పై చట్టపరమైన చర్యలు తీసుకుంటానని వెల్లడించాడు. ఇన్స్టాగ్రామ్ వేదికగా ఓ వీడియో పోస్ట్ చేసి అసలు విషయాన్ని చెప్పుకొచ్చాడు.
"ఇంటర్నెట్‌లో కనిపించే ప్రతీది నిజం అని అనుకోవద్దు. నేను ఎటువంటి ఆర్టికల్ రాయలేదు. మీరు ఇప్పుడు నా పేరుపై చూస్తున్నది ఫేక్. ఈ పనికి పాల్పడినవారిపై చట్టపరమైన చర్యలు తీసుకుంటాను" అని గావస్కర్ క్లారిటీ ఇచ్చాడు.
ఇక గావస్కర్ ప్రస్తుతం బోర్డర్ - గావస్కర్ ట్రోఫీ కోసం ప్రముఖ స్పోర్స్ ఛానల్ స్టార్ స్పోర్ట్స్‌తో ఆయన కొలాబరేట్ అయిన సంగతి తెలిసిందే. ఈ నేపథ్యంలో ఆయన అక్కడ కామెంటేటర్‌గా ఉన్నాడు. అయితే గతంలో ఆసీస్ గడ్డపై జరిగిన రెండు సిరీసుల్లోనూ రన్నింగ్ మెషిన్ విరాట్ కోహ్లీ తన సారథ్యంలోనే జట్టును విజేతగా నిలిపాడు. ఆ జట్టుకు ఎన్నో మర్చిపోలేని ఇన్నింగ్స్ అందించాడు. అయితే, ఈ సారి మాత్రం తొలి టెస్టు ప్రారంభానికి ముందు స్టార్ క్రికెటర్ రోహిత్ శర్మ స్థానంలో జస్ప్రీత్ బుమ్రా కెప్టెన్సీ బాధ్యతలు అందుకున్నాడన్న వార్తల నేపథ్యంలో గావస్కర్ కీలక వ్యాఖ్యలు చేసిన సంగతి తెలిసిందే.
అయితే ఈ సిరీస్ మొత్తం అతడికే బాధ్యతలు అప్పగించాలంటూ సునీల్ మేనేజ్‌మెంట్‌కు సూచించినట్లు తెలుస్తోంది. ఇక ఆ తర్వాతనే ఆ స్పోర్ట్స్ వెబ్‌సైట్‌లో తన పేరిట ఇటువంటి ఆర్టికల్ రావడం వల్ల ఇప్పుడు అది కాస్త చర్చనీయాంశంగా మారింది. అందులోనూ ఆ ఇద్దరినీ కంపేర్ చేస్తూ రాయడంపై నెట్టింట అభిమానుల నుంచి భిన్నాభిప్రాయాలు వ్యక్తమయ్యాయి. దీంతో గావస్కర్ ఈ విధంగా స్పందించాడు.
'అతడు అలా చేయడమే నా సమస్య' - అలన్ బోర్డర్ గురించి గావస్కర్ ఏమన్నారంటే?
అక్కడ వారిని ఓడించలేరు! - WTC ఫైనల్ కాదు, ఫస్ట్ ఆ సిరీస్పై ఫోకస్ పెట్టండి : గావస్కర్
