SRH vs RR IPL 2024 : తాజాగా ఉప్పల్ వేదికగా ఉత్కంఠగా, ఎన్నో మలుపులు తిరుగుతూ సాగిన మ్యాచ్లో ఎట్టకేలకు విజయాం సన్రైజర్స్ను వరించింది. చివరి బంతి వరకు గెలుపు దోబూచులాడుతూ రసవత్తరంగా సాగి అభిమానులను తెగ ఉర్రూతలూగించింది.
మొదట తొలి 8 ఓవర్లలో 48/2తో తక్కువ స్కోరుతో కనిపించిన సన్రైజర్స్ను తెలుగు కుర్రాడు నితీశ్ కుమార్‌ రెడ్డి తన ధనాధన్ ఇన్నింగ్స్‌తో స్కోరును రెండొందలు దాటించాడు. ఇక రాజస్థాన్ ఛేదనలోనూ ఒక్క పరుగుకే రెండు వికెట్లు తీసి సన్రైజర్స్ పట్టుబిగించేలా చేసింది. కానీ పరాగ్‌, యశస్వి 134 పరుగుల భాగస్వామ్యంతో రాజస్థాన్ను గెలుపు ముంగిట నిలిపారు. ఆఖర్లో సన్రైజర్స్ కట్టుదిట్టమైన బౌలింగ్‌తో చకచకా వికెట్లు తీసినప్పటికీ పావెల్‌ తన అద్భుత బ్యాటింగ్‌తో రాజస్థాన్ను గెలుపు అంచులదాకా తీసుకెళ్లాడు. ఇక చివరి బంతికి రాజస్థాన్ రెండు పరుగులు చేయాల్సిన సమయంలో పావెల్‌ వికెట్ల ముందు దొరికిపోవడంతో సన్రైజర్స్ చెంతకు విజయం చేరింది.
ఈ విజయంతో దుమ్ములేపిన సన్రైజర్స్ వరుసగా నాలుగు విజయాలతో జైత్రయాత్ర సాగిస్తున్న రాజస్థాన్‌కు అడ్డుకట్ట వేసింది. 201 పరుగుల ఛేదనలో దూసుకుపోయిన రాజస్థాన్ 7 వికెట్లకు 200 చేసి ఒక్క పరుగు తేడాతో ఓడింది. యశస్వి జైస్వాల్‌ (67; 40 బంతుల్లో 7×4, 2×6), రియాన్‌ పరాగ్‌ (77; 49 బంతుల్లో 8×4, 4×6) పోరాడినప్పటికీ ఫలితం దక్కలేదు. చివరి ఓవర్లో అద్భుతంగా బౌలింగ్ చేసి విజయాన్ని అందించిన భువి (3/41) మ్యాన్‌ ఆఫ్‌ ద మ్యాచ్ అందుకున్నాడు.
అంతకుముందు బ్యాటింగ్ చేసిన సన్రైజర్స్ నిర్ణీత 20 ఓవర్లలో 3 వికెట్ల నష్టానికి 201 పరుగులు చేసింది. ఓపెనర్ ట్రావిస్ హెడ్ (58 పరుగులు), నితీశ్ రెడ్డి (76 పరుగులు) హాఫ్ సెంచరీలతో అదరగొట్టారు. చివర్లో హెన్రీచ్ క్లాసెన్ (42 పరుగులు, 19 బంతుల్లో; 3x4, 3x 6) మెరుపు ఇన్నింగ్స్ ఆడాడు. యంగ్ బ్యాటర్లు అభిషేక్ శర్మ (12 పరుగులు), అన్మోల్ప్రీత్ సింగ్ (5 పరుగులు) స్వస్ప స్కోర్లకే పెలివియన్ చేరారు. ఇక రాజస్థాన్ బౌలర్లలో ఆవేశ్ ఖాన్ 2, సందీప్ శర్మ 1 వికెట్ దక్కించుకున్నారు.
వెస్టిండీస్ ప్లేయర్కు షాక్- 5ఏళ్లు బ్యాన్ చేసిన ఐసీసీ - Devon Thomas Banned
T20 వరల్డ్కప్ సాంగ్ రిలీజ్- పొట్టికప్ సంబరాలు షురూ! - T20 World Cup 2024
