IPL 2024 and WPL 2024 : ప్రపంచంలోనే అత్యంత ఖరీదైన లీగుల్లో ఇండియన్ ప్రీమియర్ లీగ్ ఐపీఎల్ ఒకటి. బీసీసీఐ ఆధ్వర్యంలో ఇప్పటివరకు 17 సీజన్లు కొనసాగింది. తాజా సీజన్లో టోర్నీ మొత్తం అద్భుత ప్రదర్శనతో కోల్కతా నైట్ రైడర్స్ ఛాంపియన్‌గా(IPL 2024 Winner KKR) నిలిచింది. మూడో సారి కప్‌ను ముద్దాడింది. అయితే బీసీసీఐ మహిళల ఐపీఎల్(డబ్ల్యూపీఎల్) కూడా నిర్వహిస్తోన్న సంగతి తెలిసిందే. గతేడాది నుంచే ప్రారంభమైంది. ఆ సీజన్ విజేతగా రాయల్ ఛాలెంజర్స్ బెంగళూరు ఉమెన్ టీమ్ విజేతగా నిలిచింది. అయితే ఇప్పుడీ కోల్కతా విజయానికి అప్పుడు బెంగళూరు జట్టు గెలుపు మధ్య కొన్ని ఆసక్తికర పోలికలు ఉన్నాయి. ప్రస్తుతం అవి సోషల్ మీడియాలో వైరల్గా మారాయి.
- డబ్ల్యూపీఎల్ ఫైనల్‌లో దిల్లీ క్యాపిటల్స్ - రాయల్ ఛాలెంజర్స్ బెంగళూరు జట్లు తలపడ్డాయి. దిల్లీకి ఆసీస్ ప్లేయర్ మెగ్‌ లానింగ్‌ కెప్టెన్సీ వహించగా బెంగళూరుకు భారత స్టార్ ప్లేయర్ స్మృతీ మంధాన కెప్టెన్సీ వహించింది.
- ఐపీఎల్ ఫైనల్‌లో సన్రైజర్స్ హైదరాబాద్ను ఆసీస్ స్టార్ ప్లేయర్ పాట్ కమిన్స్‌ నడిపించాడు. కోల్కతా నైట్ రైడర్స్ను భారత ప్లేయర్ శ్రేయస్‌ అయ్యర్ నడిపించాడు
- డబ్ల్యూపీఎల్‌లో టాస్‌ గెలిచిన దిల్లీ క్యాపిటల్స్ మొదట బ్యాటింగ్‌ ఎంచుకుంది. ఐపీఎల్లోనూ సన్రైజర్స్ టాగ్ గెలిచి మొదట బ్యాటింగే చేసింది.
- మొదట బ్యాటింగ్‌ చేసిన దిల్లీ క్యాపిటల్స్ 18.3 ఓవర్లలో 113 పరుగులకు ఆలౌట్ అయింది. ఐపీఎల్లోనూ సన్రైజర్స్ హైదరాబాద్ 113 పరుగులే చేసింది.
- డబ్ల్యూపీఎల్‌లో దిల్లీ క్యాపిటల్స్ నిర్దేశించిన లక్ష్యాన్ని ఆర్సీబీ కేవలం రెండు వికెట్లు కోల్పోయి లక్ష్యాన్ని ఛేదించింది. ఇప్పుడు ఐపీఎల్లోనూ కోల్కతా రెండు వికెట్లు కోల్పోయి లక్ష్యాన్ని ఛేదించింది.
- WPL 2024లో ఆసీస్ ప్లేయర్ సోఫీ మోలినెక్స్‌ దక్కించుకుంది. ఐపీఎల్ ఫైనల్‌లో ప్లేయర్ ఆఫ్‌ ది మ్యాచ్ అవార్డును ఆసీస్ క్రికెటర్‌ మిచెల్ స్టార్క్‌ అందుకున్నాడు.
- ఫైనల్గా రెండు టోర్నీల్లోనూ భారత జట్టుకు చెందిన ఆటగాళ్లు కెప్టెన్‌గా ఉన్న జట్లు ట్రోఫీని ముద్దాడాయి.
బలహీనతేలేని కోల్'కథ' - జట్టు విజయానికి కారణమిదే - IPL 2024 Winner KKR
IPL ప్రైజ్మనీ- 'కోల్కతా'కు రూ.20 కోట్లు- మరి ఎవరెవరికి ఎంతంటే? - IPL 2024
