ఐపీఎల్ రిటెన్షన్ షో మరికొద్ది గంటల్లో ప్రారంభమవ్వనుంది. ఈ క్రమంలో ఆయా ఫ్రాంచైజీలు కూడా తమ జట్టులో పలువురు ప్లేయర్స్ను అంటిపెట్టుకునేందుకు ప్లాన్ చేస్తోంది. అయితే కోల్కతా నైట్రైడర్స్ మాత్రం తమ టీమ్లో కీలక పాత్ర పోషించిన శ్రేయస్ అయ్యర్ను వదులుకోవాలనుకుంటోదట. రిటైన్ చేసిన ఆటగాళ్ల తుది జాబితాను సబ్మిట్ చేసేందుకు గడువు ముగియనున్న నేపథ్యంలో ఇప్పుడీ విషయం క్రీడాభిమానుల్లో హాట్ టాపిక్గా మారింది.
అయ్యర్పై వారికి నో ఇంట్రెస్ట్!
కెప్టెన్గా తన మార్క్ చూపించి జట్టు విజయాల్లో కీలక పాత్ర పోషించిన శ్రేయస్ అయ్యర్ను కేకేఆర్ పక్కన పెట్టడం ఐపీఎల్ అభిమానులను నిరాశపరుస్తోంది. ఇప్పటి వరకు కోల్కతా నైట్రైడర్స్ మేనేజ్మెంట్ శ్రేయాస్ అయ్యర్ను సంప్రదించలేదని క్రీడా వర్గాల మాట. ఈ విషయం గురించి శ్రేయస్తో ఎటువంటి చర్చలు కూడా జరగలేదని తెలుస్తోంది. ఇదంతా చూస్తుంటే కేకేఆర్ నుంచి అతడు తప్పుకోవడం ఖాయమే అని విశ్లేషకులు అంటున్నారు.
మరోవైపు ఐపీఎల్లో శ్రేయస్ భవిత్వంపై రకరకాల ఊహాగానాలు వినిపిస్తోంది. ఒకవేళ కేకేఆర్ తనను అట్టిపెట్టుకోకుంటో అతడు మెగా వేలంలోకి వస్తాడని తెలుస్తోంది. మరోవైపు పలు ఫ్రాంచైజీలు కూడా ఈ స్టార్ క్రికెటర్ను కొనుగోలు చేసేందుకు ఆసక్తి కనబరుస్తున్నట్లు సమాచారం.
అలా మొదలైంది
శ్రేయస్ అయ్యర్ 2015లో ఐపీఎల్ అరంగేట్రం చేశాడు. అప్పట్నుంచి దాదాపు 6 సీజన్లపాటు దిల్లీ క్యాపిటల్స్ జట్టుకు ప్రాతినిధ్యం వహించాడు. ఇక 2015లో అయ్యర్ ఎమర్జింగ్ ప్లేయర్ ఆఫ్ ది సీజన్ అవార్డు కూడా పొందాడు. ఆ తర్వాత పలు సీజన్లలో దిల్లీకి కూడా కెప్టెన్గా వ్యవహరించిన అయ్యర్ 2020లో జట్టను ఫైనల్ దాకా తీసుకెళ్లాడు. ఇక ఫైనల్లో దిల్లీ ముంబయి చేతిలో ఓడి రన్నరప్తో సరిపెట్టుకుంది.
ఇక 2022లో కోల్కతాతో చేరిన తర్వాత ఇక్కడ కూడా అయ్యర్కు కెప్టెన్సీ బాధ్యతలు అప్పగించారు. రెండు సీజన్లలో జట్టు 6వ స్థానానికే పరిమితమైంది. ఇక గంభీర్ రాకతో కెప్టెన్సీలోనూ మెరుగైన అయ్యర్ ఈసారి లీగ్ దశ నుంచే జట్టను సమర్థవంతంగా నడిపించాడు. అదే పట్టుదలతో అయ్యర్ ట్రోఫీ సాధించాడు. అంటే ఐపీఎల్లో అరంగేట్రం చేసిన 9ఏళ్లకు అయ్యర్ టైటిల్ సాధించాడు. ఈ క్రమంలో ధోనీ, గౌతమ్ గంభీర్, రోహిత్ శర్మ, హార్దిక్ పాండ్య తర్వాత ఐపీఎల్ టైటిల్ కొట్టిన 5వ ఇండియన్ కెప్టెన్గా రికార్డు అందుకున్నాడు.
