Sachin Century Record: క్రికెట్ హిస్టరీలో తనదైన శైలిలో రికార్డులు క్రియేట్ చేశాడు లెజండరీ బ్యాట్స్‌మన్‌ సచిన్ తెందూల్కర్. తన 24 ఏళ్ల సుదీర్ఘ కెరీర్లో సచిన్ పేరిట ఉన్న రికార్డులు అన్నీ ఇన్నీకావు. తన బ్యాటుతో ప్రత్యర్థి బౌలర్లను ఓ ఆట ఆడుకున్న క్రికెట్ గాడ్, ఫార్మాట్ ఏదైన సరే అందులో తన మార్క్ ఉండాల్సిందే.
ఇక ఆయన సెంచరీల రికార్డు గురించి ప్రత్యేకంగా చెప్పనక్కర్లేదు. 2013లో రిటైర్మెంట్‌ ప్రకటించే వరకు ఈ మాస్టర్ బ్లాస్టర్ టెస్టుల్లో 51, అలాగే వన్డేల్లో 49 శతకాలను నమోదు చేశాడు. వివిధ దేశాల్లో క్రికెట్ ఆడి బాల్ను బౌండరీలు దాటించిన ఈ క్రికెట్ గాడ్ పలు రికార్డులను తన ఖాతాలో వేసుకున్నాడు. తన కెరీర్లో వివిధ దేశాల పర్యటనల్లో అక్కడి పరిస్థితులు, పిచ్లతో సంబంధం లేకుండా తనదైన శైలిలో సెంచరీలు బాది అనేక రికార్డులు ఖాతాలో వేసుకున్నాడు. అయితే సచిన్ కెరీర్లో సెంచరీ నమోదు చేయని ఓ దేశం ఒకటి ఉందని మీకు తెలుసా?
Sachin Centuries across the world: ఇంగ్లాండ్, ఆస్ట్రేలియా, పాకిస్థాన్‌, శ్రీలంక లాంటి బలమైన జట్లను వారి సొంత మైదానాల్లోనే సెంచరీలతో హడలెత్తించిన సచిన్, క్రికెట్లో పసికూన దేశమైన జింబాబ్వేలో మాత్రం ఈ ఫీట్ను సాధించలేకపోయాడు. అయితే తక్కువ సార్లు ఆ దేశ పర్యటనకు వెళ్లడం కూడా ఒక కారణం కావచ్చు. సచిన్ కెరీర్లో జింబాబ్వే పర్యటకు కేవలం మూడు సార్లు వెళ్లాడు. ఈ మూడు పర్యటనల్లో సచిన్ అక్కడ నాలుగు టెస్ట్ మ్యాచ్‌లు ఆడాడు. ఈ మ్యాచ్ల్లో సచిన్ ఒక్కసారి కూడా 100+ స్కోర్‌ నమోదు చేయలేకపోయాడు. ఆ దేశంలో సచిన్ అత్యధిక స్కోరు 74గా ఉంది. 2001లో జరిగిన మ్యాచ్‌లో 74 పరుగులు చేసిన మాస్టర్ బ్లాస్టర్ ఆ దేశంలో మొత్తం ఏడు ఇన్సింగ్‌ ఆడి 240 పరుగులు చేశాడు. దీంతో సచిన్ కెరీర్లో సెంచరీ చేయని దేశంగా జింబాబ్వే నిలిచిపోయింది.
- " class="align-text-top noRightClick twitterSection" data="">
సచిన్ వర్సెస్ యూవీ : అన్న బౌలింగ్‌లో సిక్సర్ బాది తమ్ముడు విజయం!
