Ruturaj Gaikwad Wife Challenge : చెన్నై సూపర్ కింగ్స్ కెప్టెన్ రుతురాజ్ గైక్వాడ్ తన ఆటతీరుతో అభిమానులను అబ్బురపరుస్తాడు. ఓ వైపు సారథ్య బాధ్యతలు వహిస్తూనే మరోవైపు క్రికెటర్గానూ తన సత్తా చాటుతున్నాడు. 2021లో ఐపీఎల్లోకి ఎంట్రీ ఇచ్చిన ఈ స్టార్ క్రికెటర్, అప్పటి నుంచి ఎన్నో అద్భుతమైన ఇన్నింగ్స్ ఆడుతూ చెన్నై జట్టులో కీలక పాత్ర పోషించాడు. దాదాపు మూడేళ్ల పాటు అతడి ఆటతీరును గమనించిన ఫ్రాంచైజీ చెన్నై పగ్గాలను రుతురాజ్కు అందజేసింది. దీంతో ఇప్పుడు తన నయా రోల్లోనూ ఈ యంగ్ ప్లేయర్ అదరగొడుతున్నాడు.
ఇప్పటి వరకు ఆడిన అన్ని మ్యాచుల్లోనూ మంచి స్కోర్ సాధించి సత్తా చాటుతున్నాడు. నేడు (ఏప్రిల్ 19న) లఖ్నవూ సూపర్ జెయింట్స్తో జరగనున్న మ్యాచ్ కోసం తీవ్ర కసరత్తులు చేస్తున్నాడు. అయితే ఈ స్టార్కు మరో స్టార్ క్రికెటర్ తాజాగా ఛాలెంజ్ విసిరారు. ఆమెవరో కాదు అతడి భార్య ఉత్కర్ష గైక్వాడ్.
చెన్నై సూపర్ కింగ్స్ ఫ్రాంచైజీ సూపర్ కపుల్ పేరుతో ఓ వీడియెను అప్లోడ్ చేసింది. అందులో ఈ జంట బ్యాట్, బాల్ పట్టుకుని నెట్స్లోకి వస్తారు. ఆ తర్వాత ఇద్దరి మధ్య ఓ క్యూట్ సంభాషణ జరిగింది.
"మా ఇద్దరిలో ఉన్న కామన్ పాయింట్ క్రికెటే. అందుకే నేను ఓ ఛాలెంజ్ విసురుతాను. నేను ఆరు బంతుల్లో 36 పరుగులు చేస్తాను." అంటూ రుతురాజ్ నవ్వుతాడు. దానికి ఉత్కర్ష కూడా అతడికి ఛాలెంజ్ విసురుతుంది. 6 బాల్స్కు 10 రన్స్ స్కోర్ చేసి చూపించు అంటూ అడుగుతుంది. దానికి తను కూడా ఓకే చెప్తాడు. ఎంతో క్యూట్గా ఉన్న ఈ వీడియో నెట్టింట తెగ ట్రెండ్ అవుతోంది. దీన్ని చూసిన అభిమనులు, 'క్యూట్ వీడియో' 'కపుల్ గోల్స్' అంటూ కామెంట్లు పెడుతున్నారు.
-
When sledging gets kaafi cute! 😉💛
— Chennai Super Kings (@ChennaiIPL) April 18, 2024
Watch the full episode of Super Couple out now! 📹
🔗 - https://t.co/ED4oGWHkaS #WhistlePodu #Rutkarsha 🦁💛 pic.twitter.com/NwolzPjcWs
రుతురాజ్, ఉత్కర్ష రెండేళ్లుగా ప్రేమించుకున్నారు. ఆ తర్వాత ఇరు కుటుంబాలు అంగీకారంతో 2023, జూన్ 3వ తేదీన వివాహ బంధంలోకి అడుగుపెట్టారు. పెళ్లికి ముందు ఐపీఎల్లో పలు మ్యాచుల్లో కనిపించి అందరి దృష్టిని ఆకర్షించింది ఉత్కర్ష. ఆ సీజన్ ఫైనల్స్లో చెన్నై జట్టు విజయం సాధించాక ఈ ఇద్దరూ కప్ పట్టుకుని ఫొటోలు కూడా దిగారు. ఆ తర్వాత ధోనీతోనూ ఫొటో దిగారు.
కథక్ వదిలి క్రికెటర్గా - రుతురాజ్ వైఫ్ ఆసక్తికర జర్నీ! - Ruturaj Gaikwad Wife
