Rohit Sharma T20 World Cup 2024 : ఐపీఎల్ ఫీవర్ ముగియనున్న తరుణంలో టీమ్ఇండియా మరో పోరుకు సంసిద్ధం కానుంది. జూన్లో ప్రారంభం కానున్న ఈ టోర్నీ కోసం ఇప్పటికే భారత జట్టును కూడా ప్రకటించిన సంగతి తెలిసిందే. అయితే ఆ జట్టు కూర్పుపై పలు ప్రశంసలతో పాటు విమర్మలు కూడా వస్తున్నాయి. ఈ నేపథ్యంలో టీమ్ఇండియా స్టార్ క్రికెటర్ రోహిత్ శర్మపై మాజీ ప్లేయర్ యువరాజ్ సింగ్ ప్రశంసల జల్లు కురిపించాడు. రానున్న టీ20 వరల్డ్ కప్లో రోహిత్ శర్మ భారత జట్టులో ఉండటం ఎంతో కీలకమని, అతడు ఓ తెలివైన కెప్టెన్ అంటూ హిట్మ్యాన్ను కొనియాడాడు. ఐసీసీకి ఇచ్చిన ఇంటర్వ్యూలో ఆయన ఈ కీలక వ్యాఖ్యలు చేశాడు.
"రోహిత్ శర్మ ఈ టీ20 ప్రపంచకప్‌ జట్టులో ఉండటం ఎంతో కీలకం. ఒత్తిడిలోనూ సరైన నిర్ణయాలు తీసుకునే తెలివైన కెప్టెన్ మనకు ఎంతో అవసరం. రోహిత్కు అటువంటి సవాళ్లను ఎదుర్కొనే సత్తా ఉంది. ఓ కెప్టెన్‌గా అతడు ఇప్పటికే ఐదు ఐపీఎల్ ట్రోఫీలను జట్టుకు అందించాడు. అతడి సారథ్యంలో టీమ్ఇండియా 2023 వన్డే ప్రపంచ కప్‌లోనూ అద్భుతంగా ఆట తీరుతో ఫైనల్‌కు చేరింది. టీమ్ఇండియాకు కెప్టెన్‌గా రోహిత్ లాంటి ఓ ప్లేయర్ అవసరమని నా అభిప్రాయం. ఎన్నో విజయాలు సాధించినప్పటికీ అతడి వ్యక్తిత్వంలో ఏమాత్రం మార్పు రాలేదు. అదే రోహిత్ శర్మ బ్యూటీ. కో ప్లేయర్స్తో ఎప్పుడూ సరదాగానే ఉంటాడు. మైదానంలో ఓ నాయకుడిగా ఆటగాళ్లకు అండగా నిలుస్తాడు. క్రికెట్‌లో నాకున్న అత్యంత ఆప్తమిత్రుల్లో రోహిత్ శర్మ ఒకడు. రోహిత్ను వరల్డ్ కప్ ట్రోఫీతో చూడాలని నేను ఆశిస్తున్నాను. అతను నిజంగా దానికి అర్హుడు" అంటూ యువరాజ్ సింగ్ అన్నాడు.
ఇక కెరీర్‌ తొలినాళ్లలో రోహిత్ - యువరాజ్ మధ్య పరిచయం ఏర్పడింది. ఆ తర్వాత వీరిద్దరూ మంచి మిత్రులుగా మారారు. 2007లో భారత్‌ టీ20 ప్రపంచకప్‌ సాధించిన జట్టులో యువీ, రోహిత్ కూడా మెంబర్స్గా ఉన్నారు.
రోహిత్కు ఏమైంది? - కలవరపెడుతున్న హిట్ మ్యాన్ ఫామ్! - IPL 2024 Rohit sharma
'8 ఏళ్ల వయసు నుంచే నా ఇన్స్పిరేషన్ - ఆయన్ను ఎప్పుడూ ఫాలో అవుతుంటాను' - Rohit Sharma Inspiration
