'నేను ఆ ఆఫీస్​లో కూర్చోలేదుగా'- ఇంగ్లాండ్ ప్లేయర్ వీసా రిజెక్ట్​పై రోహిత్ రియాక్షన్

Rohit Sharma On Visa Issue: ఇంగ్లాండ్ యంగ్ ప్లేయర్ షోయబ్ బషీర్ వీసా ఇబ్బందుల వల్ల భారత్ పర్యటనకు రాలేకపోయాడు. ఈ విషయంపై ప్రెస్ కాన్ఫరెన్స్​లో రోహిత్ శర్మకు ఎదురైన ప్రశ్నకు అతడు ఇంట్రెస్టింగ్​గా రిప్లై ఇచ్చాడు.

Rohit Sharma On Visa Issue: స్వదేశంలో ఇంగ్లాండ్​తో టెస్టు సిరీస్​లో భాగంగా జనవరి 25న హైదరాబాద్ ఉప్పల్ వేదికగా తొలి మ్యాచ్​ ప్రారంభం కానుంది. ఇప్పటికే ఇరుజట్ల ప్లేయర్లు హైదరాబాద్ చేరుకొని ప్రాక్టీస్ మొదలుపెట్టారు.​ అయితే వీసా కారణాల దృష్యా ఇంగ్లాండ్ యంగ్ ప్లేయర్ షోయబ్ బషీర్ (Shoaib Bashir) భారత్​కు రాలేకపోయాడు. దీనిపై ఇంగ్లాండ్ కెప్టెన్ బెన్​స్టోక్స్ విచారం వ్యక్తం చేశాడు. కెరీర్​ ప్రారంభంలోనే బషీర్​కు ఇలాంటి పరిస్థితి ఎదురు కావడం బాధాకరం అని అన్నాడు. అయితే బుధవారం ప్రెస్ కాన్ఫరెన్స్​ (Press Conference) లో పాల్గొన్న కెప్టెన్ రోహిత్ శర్మకు ఈ విషయంపై మీడియా నుంచి ఓ ప్రశ్న ఎదురైంది. దీనికి రోహిత్ ఆసక్తికర సమాధానం ఇచ్చారు.

'బషీర్​కు అలా జరగడం నిజంగా బాధాకరం. అతడు ఇంగ్లాండ్​ టీమ్​తో తొలిసారి భారత్​కు రావాలనుకున్నాడు. అది అందరికీ సాధ్యం కాదు. ఈ విషయంపై ఇంకా క్లారిటీ ఇవ్వడానికి నేనేం వీసా ఆఫీస్​లో కూర్చోలేదు కదా. కానీ, త్వరలోనే అతడు భారత్​కు వచ్చి ఇక్కడ క్రికెట్ ఆడుతాడని భావిస్తున్నా' అని రోహిత్ అన్నాడు.

• Rohit Sharma on Shoaib Bashir visa issue. "I feel for Shoaib Bashir, but unfortunately he was born in Pakistan and I don't sit in the visa office to grant him the visas".#INDvsENG #CricketTwitter pic.twitter.com/PZkFgcXYDr

  — Zunx (@Zunx11) January 24, 2024 " class="align-text-top noRightClick twitterSection" data="

  Rohit Sharma on Shoaib Bashir visa issue. "I feel for Shoaib Bashir, but unfortunately he was born in Pakistan and I don't sit in the visa office to grant him the visas".#INDvsENG #CricketTwitter pic.twitter.com/PZkFgcXYDr

  — Zunx (@Zunx11) January 24, 2024

  ">

  Rohit Sharma on Shoaib Bashir visa issue. "I feel for Shoaib Bashir, but unfortunately he was born in Pakistan and I don't sit in the visa office to grant him the visas".#INDvsENG #CricketTwitter pic.twitter.com/PZkFgcXYDr

  — Zunx (@Zunx11) January 24, 2024

అయితే బషీర్‌కు పాకిస్థాన్‌ మూలాలు ఉండటం కారణంగా వీసా సమస్యలు ఎదురైనట్లు తెలుస్తోంది. దీనిపై ఇంగ్లాండ్ కెప్టెన్ స్టోక్స్​ కూడా సంబంధింత శాఖతో మాట్లాడాడట. కానీ, దీనిపై స్పష్టత రావాల్సి ఉంది. ఇక 20 ఏళ్ల బషీర్‌ తొలిసారి ఇంగ్లాండ్‌ జాతీయ టెస్టు జట్టుకు ఎంపికయ్యాడు. కెరీర్​లో ఆడిన 6 ఫస్ట్ క్లాస్​ మ్యాచ్​ల్లో బషీర్ 10 వికెట్లు పడగొట్టాడు.

ఇదే ప్రెస్​మీట్​లో ఇంగ్లాండ్​ బజ్​బాల్​ వ్యూహం (దూకుడుగా ఆడే విధానం)పై కూడా రోహిత్ మాట్లాడాడు.'గతేడాదిగా మా ప్లేయర్లు అద్భుతంగా ఆడుతున్నారు. ప్రత్యర్థులు ఎలా ఆడతారనేది మాకు అనవసరం. గ్రౌండ్​లో మా ప్రదర్శన ఎలా ఉందనేదే పాయింట్. టెస్టుల్లో ఆడడం ఎప్పుడూ ఛాలెంజింగ్​గానే ఉంటుంది. ఇంగ్లాండ్​పై సిరీస్ గెలుస్తామనే నమ్మకం నాలో ఉంది. తొలి రెండు మ్యాచ్​ల్లో విరాట్ అందుబాటులో లేకపోవడం జట్టుకు లోటు. స్పిన్నర్ల ఎంపిక కాస్త ఇబ్బందిగా మారింది' అని రోహిత్ అన్నాడు.