రోహిత్​ను ముద్దాడిన తల్లి- కొడుకు కోసం డాక్టర్ అపాయింట్​మెంట్ క్యాన్సిల్!- ఎమోషనల్ మూమెంట్స్ చూశారా? - Rohit Sharma Mother

Rohit Sharma Mother: టీమ్ఇండియా కెప్టెన్ రోహిత్ శర్మ తల్లిదండ్రులు వరల్డ్​ ఛాంపియన్స్ సన్మాన కార్యక్రమానికి హాజరయ్యారు. వాంఖడే స్టేడియానికి వచ్చిన వారిని రోహిత్ ర్యాలీ అనంతరం కలిశాడు.

Rohit Sharma Mother: టీ20 వరల్డ్​కప్ ఛాంపియన్స్​ 'విక్టరీ పరేడ్​'లో అపురూప సంఘటన జరిగింది. టీమ్ఇండియా సన్మాన కార్యక్రమాన్ని చూసేందుకు వాంఖడే స్టేడియానికి వచ్చిన తన తల్లిదండ్రులను కెప్టెన్ రోహిత్ శర్మ ర్యాలీ అనంతరం కలిశాడు. టీమ్ఇండియాను ప్రపంచ విజేతగా నిలిపిన తన కుమారుడు రోహిత్​ను చూడగానే తల్లి పూర్ణిమ భావోగ్వేగానికి లోనయ్యారు.

రోహిత్​ను దగ్గరగా తీసుకొని అతడిని ముద్దాడారు. అయితే గురువారం ఆమె డాక్టర్ వద్దకు వెళ్లాల్సి ఉన్నప్పటికీ తన కుమారుడిని చూసేందుకు వాంఖడేకు వచ్చినట్లు పూర్ణిమ చెప్పారు. కాగా, అక్కడున్న వారందరినీ ఈ దృశ్యం ఎంతగానో ఆకట్టుకుంది. అక్కడ వాతావరణం ఒక్కసారిగా ఎమోషనల్​గా మారిపోయింది. ఈ నేపథ్యంలో రోహత్ తల్లి మాట్లాడారు.

'ఇలాంటి రోజు ఒకటి వస్తుందని నేను అనుకోలేదు. వరల్డ్​కప్​కు వెళ్లే ముందు రోహిత్ నన్ను కలవానికి వచ్చాడు. ఈ ప్రపంచకప్ తర్వాత టీ20ల నుంచి తప్పుకుంటానన్నాడు. దీంతో ఎలాగైనా ఇది గెలవాలని అన్నాను. ఈరోజు నా ఆనందాన్ని మాటల్లో చెప్పలేను. ఇలాంటి వాతావరణాన్ని ఎప్పుడూ చూడలేదు. తన సక్సెస్​కు కారణం అతడి హార్డ్​వర్క్, డెడికేషన్. వాటి వల్లే రోహిత్​కు ఇంత ఆదరణ వస్తోంది. ఒక తల్లిగా నేను గర్విస్తున్నా. నా లైఫ్​లో ఇలాంటి రోజు మళ్లీ రాదు. ఇవి భావోద్వేగ క్షణాలు. నేను కాస్త అనారోగ్యంగా ఉన్నాను. ఇవాళ నాకు డాక్టర్ అపాయింట్మెంట్ ఉంది. అయినప్పటికీ ఈ కార్యక్రమాన్ని చూసేందుకు ఇక్కడికి వచ్చాను' అని హిట్​మ్యాన్ తల్లి పేర్కొన్నారు.

Goosebumps the mother's love.🥹❤️
Such a cute moment between Captain Rohit Sharma and his mother. #VictoryParade #Mumbai pic.twitter.com/6kmVnl0om2

— Sanjana Ganesan 🇮🇳 (@iSanjanaGanesan) July 4, 2024

గ్రాండ్ వెల్​కమ్: వరల్డ్​కప్ విన్నింగ్ కెప్టెన్ రోహిత్ శర్మకు ఎక్కడకు వెళ్లినా ఘన స్వాగతం లభించింది. ఈ క్రమంలో వాంఖడేలో సన్మాన కార్యక్రమం పూర్తైన తర్వాత ముంబయిలోని తన నివాసానికి చేరుకున్న రోహిత్​కు గ్రాండ్ వెల్​కమ్ దక్కింది. రోహిత్ కుటుంబ సభ్యులు, తన చిన్ననాటి స్నేహితులు అతడికి సర్​ప్రైజ్ ఇచ్చారు. కర్మ, శర్మ అని రాసి ఉన్న టీ షర్టులు ధరిచి రోహిత్​కు ఇంట్లోకి అహ్వానం పలికారు. సెల్యూట్ కొడుతూ హిట్​మ్యాన్​ను ఎత్తుకున్నారు. ఇందులో హైదరాబాదీ క్రికెటర్ తిలక్ వర్మ కూడా పాల్గొన్నాడు.

HERO WELCOME FOR CAPTAIN ROHIT. 🐐

- Family, Childhood friends, Tilak giving a memorable welcome for Ro as he returns to home. ❤️🥺pic.twitter.com/dQz4dc8x0p

— Johns. (@CricCrazyJohns) July 5, 2024