చిన్నారులతో రింకూ సరదా సరదాగా- బెస్ట్ ​ఫ్యాన్ మూమెంట్స్!- సిక్సర్ కింగ్ IPL ప్రాక్టీస్ షురూ

Rinku Singh Autograph: సిక్సర్ కింగ్ రింకూ సింగ్ 2024 ఐపీఎల్​​ కోసం ప్రాక్టీస్ మొదలు పెట్టేశాడు. ఈ క్రమంలో ప్రాక్టీస్ సెషన్​లో తన వద్దకు వచ్చిన చిన్నారులతో రింకూ కాసేపు గడిపాడు.

Rinku Singh Autograph: టీమ్ఇండియా యంగ్ బ్యాటర్ రింకూ సింగ్ 2024 ఐపీఎల్​కు ప్రిపేర్ అవుతున్నాడు. ​ప్రస్తుతం అతడు ముంబయిలోని కోల్​కతా నైట్​రైడర్స్​ ఫ్రాంఛైజీ క్యాంప్​లో ప్రాక్టీస్ చేస్తున్నాడు. అసిస్టెంట్ కోచ్ అభిషేక్ నాయర్ ఈ క్యాంప్​ను గైడ్ చేస్తున్నాడు. ఈ నేపథ్యంలో శుక్రవారం క్యాంప్​లో రింకూ బ్యాటింగ్ ప్రాక్టీస్ చేస్తుండగా స్టేడియంలోకి స్థానికంగా ఉండే చిన్నారులు వచ్చారు. 'రింకూ','రింకూ' అంటూ చీర్ చేస్తూ అతడిని ఎంకరేజ్ చేశారు.

రింకూ ప్రాక్టీస్ సెషన్​ ముగిసేవరకు అక్కడే ఉన్న వాళ్లతో రింకూ సరదాగా గడిపాడు. రింకూ ఆటోగ్రాఫ్ తీసుకున్న చిన్నారులు అతడితో సెల్ఫీలు తీసుకున్నారు. ఈ వీడియోను కేకేఆర్ అఫీషియల్ ఇన్​స్టాగ్రామ్​లో పోస్ట్ చేసింది. 'సబ్​ కా ఫేవరెట్,రింకూ సింగ్' (రింకూ అందరికి ఇష్టమైన ఆటగాడు) అని క్యాప్షన్ రాసుకొచ్చింది. దీంతో ఈ వీడియో సోషల్ మీడియాలో వైరల్​గా మారింది. వీడియో చూసిన నెటిజన్లు, ఫ్యాన్స్​ పట్ల రింకూ రెస్పాన్స్​కు ప్రశంసలు కురిపిస్తున్నారు.

• View this post on Instagram

  A post shared by Kolkata Knight Riders (@kkriders)

2023 ఐపీఎల్​లో కేకేఆర్ తరఫున అత్యధిక పరుగులు నమోదు చేసిన బ్యాటర్ రింకూనే. గత సీజన్​లో 14 మ్యాచ్​ల్లో 149.53 స్టైక్ రేట్​తో 474 పరుగులు బాదాడు. అందులో నాలుగు హాఫ్ సెంచరీలు ఉన్నాయి. ఇక గుజరాత్​ టైటాన్స్​ మ్యాచ్​లో వరుసగా 5 సిక్స్​లు బాది వెలుగులోకి వచ్చిన రింకూ తర్వాత మ్యాచ్​ల్లోనూ అదరగొట్టాడు. దీంతో జూలైలో జరిగిన వెస్టిండీస్, ఐర్లాండ్ పర్యటలకు ఎంపికయ్యాడు. ఇక అంతర్జాతీయ టీ20ల్లోనూ రింకూ మెరుగైన ప్రదర్శన కనబరుస్తున్నాడు. ఇప్పటివరకు రింకూ 11 ఇన్నింగ్స్​ల్లో 176.24 స్టైక్ రేట్​తో 356 పరుగులు చేశాడు.

2024 IPL KKR Schedule: కాగా, ఐపీఎల్ బోర్డు ఇటీవల రిలీజ్ చేసిన తొలి షెడ్యూల్​ ప్రకారం కేకేఆర్ మూడు మ్యాచ్​లు ఆడనుంది. మార్చి 23న సన్​రైజర్స్​ హైదరాబాద్​, మార్చి 29న బెంగళూరు, ఏప్రిల్ 3న దిల్లీ క్యాపిటల్స్​తో కేకేఆర్ తలపడనుంది.

కోల్​కతా జట్టు 2024: శ్రేయస్ అయ్యర్ (కెప్టెన్), మిచెల్ స్టార్క్, జసన్ రాయ్, సునీల్ నరైన్, సుయాశ్ శర్మ, అనుకుల్ రాయ్, ఆండ్రీ రస్సెల్, షెర్ఫాన్ రూథర్‌ఫోర్డ్, మనీష్ పాండే, ముజీబ్ అర్ రెహమాన్, గుస్ అట్కిన్సన్, వెంకటేశ్ సింగ్, రానా, ఆర్ నితీష్ రానా, ఆర్ రహ్మానుల్లా గుర్బాజ్, హర్షిత్ రాణా, వైభవ్ అరోరా, వరుణ్ చకరవర్తి, కేఎస్ భరత్, చేతన్ సకారియా, రమణదీప్ సింగ్, సాకిబ్ హుస్సేన్.