RCB vs GT IPL 2024: 2024 ఐపీఎల్లో రాయల్ ఛాలెంజర్స్ బెంగళూరు నాలుగో విజయం నమోదు చేసింది. శనివారం చిన్నస్వామి వేదికగా గుజరాత్ టైటాన్స్తో తలపడ్డ ఆర్సీబీ 4 వికెట్ల తేడాతో నెగ్గింది. గుజరాత్ నిర్దేశించిన 148 పరుగుల లక్ష్యాన్ని 13.4 ఓవర్లలో 6 వికెట్లు కోల్పోయి ఛేదించింది. కెప్టెన్ ఫాఫ్ డూప్లెసిస్ (64 పరుగులు, 23 బంతుల్లో; 10x4, 3x6) మెరుపు హాఫ్ సెంచరీతో అదరగొట్టాడు. దినేశ్ కార్తిక్ (21*) రాణించాడు.
6 ఓవర్లకే 92
148 పరుగుల ఛేదనలో ఆర్సీబీ ఓపెనర్లు విరాట్ కోహ్లీ (42), ఫాఫ్ డూప్లెసిస్ (64) మెరుపు ఆరంభాన్ని ఇచ్చారు. వీరిద్దరూ పోటాపోటీగా బౌండరీలు బాదుతూ స్కోర్ బోర్డును పరుగులు పెట్టించారు. డూప్లెసిస్ మాత్రం గుజరాత్ బౌలర్లపై దండయాత్ర చేశాడు. ఈ క్రమంలో 18 బంతుల్లోనే హాఫ్ సెంచరీ పూర్తి చేశాడు. ఆరో ఓవర్లో సిక్స్, ఫోర్ బాది తర్వాత బంతికి జోషువా బౌలింగ్లో క్యాచౌట్గా వెనుదిరిగాడు. దీంతో 92 పరుగుల తొలి వికెట్ భాగస్వామ్యానికి తెరపడింది. అలాగే పవర్ ప్లే లోనే 92 పరుగుల స్కోర్ నమోదైంది.
వికెట్లు టపటపా
డూప్లెసిస్ ఔటైన తర్వాత ఆర్సీబీ బ్యాటర్లు వరుసగా పెవిలియన్కు క్యూ కట్టారు. విల్ జాక్స్ (1), రజత్ పాటిదార్ (2), గ్లెన్ మ్యాక్స్వెల్ (4), కామెరూన్ గ్రీన్ (1), విరాట్ కోహ్లీ (42) ఔటయ్యారు. దీంతో 24 పరుగుల వ్యవధిలో ఆర్సీబీ 5 వికెట్లు కోల్పోయింది. ఇక చివర్లో దినేశ్ కార్తిక్ (21*), స్వప్నిల్ సింగ్ (10*) బెంగళూరు విజయాన్ని ఖాయం చేశారు.
జోషువా లిటిల్@4: గుజరాత్ యంగ్ బౌలర్ జోషువా లిటిల్ ఆర్సీబీ టాపార్డర్ను కుప్పకూల్చాడు. ఏకంగా 4 కీలక వికెట్లు పడగొట్టి ఔరా అనిపించాడు. అతడు డూప్లెసిస్, రజత్ పాటిదార్, గ్లెన్ మ్యాక్స్వెల్, గ్రీన్ను పెవిలియన్ చేర్చాడు.
అంతకుముందు టాస్ ఓడి బ్యాటింగ్కు దిగిన గుజరాత్ 19.3 ఓవర్లలో 147 పరుగులకు ఆలౌటైంది. ఓపెనర్లు శుభ్మన్ గిల్(2), వృద్ధిమాన్ సాహ (1) స్వల్ప స్కోర్లకే వెనుదిరిగారు. ఆర్సీబీ పేసర్ మహ్మద్ సిరాజ్ రెండో ఓవర్లోనే సాహాను ఔట్ చేసి గుజరాత్ వికెట్ల పతనాన్ని ప్రారంభించాడు. తన రెండో ఓవర్లో గిల్ను కూడా క్యాచౌట్గా పెవిలియన్ చేర్చాడు. ఇక యంగ్ ఆల్రౌండర్ కామెరూన్ గ్రీన్, వన్డౌన్లో వచ్చిన సాయి సుదర్శన్ను వెనక్కి పంపాడు. దీంతో పవర్ ప్లేలోనే గుజరాత్ 3 కీలక వికెట్లు కోల్పోయింది.
ఆ తర్వాత వచ్చిన షారుక్ ఖాన్ (37 పరుగులు), డేవిడ్ మిల్లర్ (30 పరుగులు), రాహుల్ తెవాటియా (35 పరుగులు) రాణించారు. చివర్లో రషీద్ ఖాన్ (18 పరుగులు) ఫర్వాలేదనిపించాడు. దీంతో గుజరాత్ స్కోర్ 140+ దాటింది. ఇక ఆఖర్లో విజయ్ శంకర్ (10 పరుగులు) విఫలమవ్వడం వల్ల గుజరాత్ ఇన్నింగ్స్ ముగిసింది. ఆర్సీబీ బౌలర్లలో సిరాజ్, యశ్ దయాల్, విజయ్ కుమార్ తలో 2, గ్రీన్, కర్ణ్ శర్మ చెరో 1 వికెట్ దక్కించుకున్నారు.
విరాట్ ముంగిట మరో రికార్డ్- ఏకైక ప్లేయర్గా నిలిచే ఛాన్స్! - IPL 2024
ముంబయిపై కోల్కతా విజయం - 12ఏళ్ల తర్వాత తొలిసారి! - IPL 2024
